Indian football team new coach: ઓલ ઈન્ડિયા ફૂટબોલ ફેડરેશન (AIFF) એ ખરાબ ફોર્મ સાથે સંઘર્ષ કરી રહેલી પુરુષ ટીમના નવા મુખ્ય કોચની શોધ શરૂ કરી છે અને અરજી કરવાની છેલ્લી તારીખ 13 જુલાઈ છે. સ્પેનના મનોલો માર્ક્વેઝના ગયા પછી નવા કોચની શોધ શરૂ કરવામાં આવી હતી. માર્કેઝે પરસ્પર સંમતિથી AIFF થી અલગ થવાનો નિર્ણય લીધો હતો. તેઓ ગયા વર્ષે જ ટીમમાં જોડાયા હતા.
AIFF એ તેની વેબસાઇટ પર લખ્યું છે કે, ‘સિનિયર પુરુષ રાષ્ટ્રીય ટીમના નવા મુખ્ય કોચ AIFF જનરલ સેક્રેટરીને રિપોર્ટ કરશે અને તમામ મેચ અને ટુર્નામેન્ટમાં ટીમના પ્રદર્શન માટે જવાબદાર રહેશે. મુખ્ય કોચ રાષ્ટ્રીય ટીમ વિભાગ, રાષ્ટ્રીય ટીમ ડિરેક્ટર અને ટેકનિકલ ડિરેક્ટર સાથે નજીકથી કામ કરશે.’
આ માટે, યુવા અને વરિષ્ઠ સ્તરે દસથી 15 વર્ષનો કોચિંગ અનુભવ જરૂરી છે. લવચીક, કાર્યક્ષમ અને સાધનસંપન્ન હોવાની સામાન્ય જરૂરિયાતો ઉપરાંત, AIFF એ પણ ઇચ્છે છે કે આગામી કોચ પાસે સંબંધોનું સંચાલન કરવાનો, જરૂરિયાતોને સમજવાનો, સાંસ્કૃતિક સંવેદનશીલતાનો અને મીડિયા અને પ્રાયોજકો સહિત AIFF ભાગીદારો સાથે કામ કરવાનો સારો અનુભવ હોય.
