LSG vs RCB IPL 2026: ઈકાના સ્ટેડિયમમાં ગુરુવારે લખનૌ સુપર જાયન્ટ્સ અને રોયલ ચેલેન્જર્સ બેંગલુરુ વચ્ચે મુકાબલો રમાયો. આ મેચમાં આરસીબીની ટીમને હારનો સામનો કરવો પડ્યો. આ દરમિયાન મેદાનની વચ્ચે નિકોલસ પૂરન અને કૃણાલ પંડ્યા એકબીજાની સામે આવી ગયા. કૃણાલના એક શોર્ટ પિચ બોલને પૂરને પુલ કર્યો, પરંતુ રન પૂરો કર્યા પછી બંને વચ્ચે શબ્દોની એવી આપ-લે થઈ કે લાગ્યું કે મામલો હાથમાંથી નીકળી જશે. કેમેરા પર બંનેના ચહેરાના હાવભાવ ખૂબ જ ગંભીર દેખાઈ રહ્યા હતા. સસ્પેન્સ ત્યારે વધુ ઊંડું થયું જ્યારે મેચ પછી એક વીડિયો વાયરલ થયો, જેમાં પૂરન ખૂબ જ આક્રમક અંદાજમાં કૃણાલનું કોલર પકડીને તેમને કંઈક સમજાવતા દેખાયા. જોકે, ફેન્સ તેને ગંભીર લડાઈનું નામ આપે તે પહેલા જ બંને અચાનક હસી પડ્યા અને ગળે મળી ગયા. સાફ હતું કે આ તીખી નોકઝોક મેચની ગરમી હતી, જેને બંનેએ પછીથી મજાકમાં ઉડાવી દીધી.
મિચેલ માર્શની દમદાર ઇનિંગ
મેચની વાત કરીએ તો વરસાદના ખલેલ હોવા છતાં મિચેલ માર્શે રનોનો એવો વરસાદ કર્યો કે આરસીબીના બોલરો પલળવાને બદલે દાઝી ગયા.
માર્શે આઈપીએલ 2026 ની સૌથી તોફાની ઇનિંગ્સમાંની એક રમતા પોતાની સદી પૂરી કરી.
માર્શના ગયા પછી કેપ્ટન ઋષભ પંતે મોરચો સંભાળ્યો અને પોતાની વિસ્ફોટક બેટિંગથી લખનૌનો સ્કોર 19 ઓવરમાં 209/3 સુધી પહોંચાડી દીધો.
પૂરને પણ આ પહાડ જેવા સ્કોરમાં પોતાનું નાનું પણ મહત્વનું યોગદાન આપ્યું, જેનાથી આરસીબી માટે રાહ ખૂબ જ મુશ્કેલ થઈ ગઈ હતી.
RCB ની ટીમ હારી
210 રનના વિશાળ લક્ષ્યનો પીછો કરવા ઉતરેલી આરસીબીની શરૂઆત કોઈ ડરામણા સપના જેવી હતી.
વિરાટ કોહલી અને જેકબ બેથલના જલ્દી આઉટ થવાથી ટીમ 9 રન પર 2 વિકેટ ગુમાવી ચૂકી હતી.
અહીંથી કેપ્ટન રજત પાટીદારે સુપરમેનની ભૂમિકા ભજવી અને માત્ર 31 બોલમાં 61 રન ફટકારીને લખનૌના ખેમામાં ખળભળાટ મચાવી દીધો.
અંતમાં ટિમ ડેવિડની 17 બોલ પર 40 રનની ઇનિંગે મેચને લગભગ આરસીબીની ઝોળીમાં નાખી દીધી હતી, પરંતુ કિસ્મતને કંઈક બીજું જ મંજૂર હતું.
Look at the way Nicholas Pooran grabbed Krunal Pandya by the collar and neck and started a fight after the RCB vs LSG match, looking aggressive as if he was ready to fight after RCB’s loss to LSG. 👀
Later, Krunal said something to Pooran, and both were seen talking calmly again… pic.twitter.com/zhhae6yW5F
— Sonu (@Cricket_live247) May 8, 2026
દિગ્વેશ રાઠીની જાદુઈ બોલિંગ અને છેલ્લી ઓવરનો રોમાંચ
જ્યારે છેલ્લી ઓવરમાં આરસીબીને જીતની સુગંધ આવી રહી હતી, ત્યારે લખનૌના યુવા બોલર દિગ્વેશ રાઠીએ બાજી પલટી નાખી.
દબાણની ક્ષણોમાં દિગ્વિજયે એવી સચોટ બોલિંગ કરી કે રોમારિયો શેફર્ડ અને કૃણાલ પંડ્યા મોટા હિટ્સ લગાવવા માટે તરસી ગયા.
એલએસજીએ આ શ્વાસ અધ્ધર કરી દેનારો મુકાબલો 9 રનથી જીતી લીધો.
મેદાન પર થયેલી પૂરન-કૃણાલની એ કોલર વાળી ઘટના અને દિગ્વેશની છેલ્લી ઓવરની બોલિંગે આ મેચને આ સીઝનની સૌથી ચર્ચિત મેચ બનાવી દીધી.
