New Zealand vs Pakistan T20I Series: પાકિસ્તાન ટીમ ચેમ્પિયન્સ ટ્રોફી 2025 શરૂ થયાના થોડા દિવસો પછી જ બહાર થઈ ગઈ હતી. હવે પાકિસ્તાન ક્રિકેટ બોર્ડ એટલે કે PCBએ ટીમમાં કેટલાક ફેરફારો કર્યા છે. બાબર આઝમ અને મોહમ્મદ રિઝવાનને પણ T20 ફોર્મેટમાંથી બહાર કરી દેવામાં આવ્યા છે. કેપ્ટનશીપની જવાબદારી પણ સલમાન અલી આગાને સોંપવામાં આવી હતી, પરંતુ પરિણામ હજુ પણ બદલાયું નથી. પાકિસ્તાન ટીમની હાલત હજુ પણ એવી જ છે જેવી 2025ની ચેમ્પિયન્સ ટ્રોફીમાં હતી. ચેમ્પિયન્સ ટ્રોફી પછી પાકિસ્તાનનો પહેલો મેચ હાર્યો છે.
પાકિસ્તાનની ટીમ T20 આંતરરાષ્ટ્રીય ક્રિકેટમાં સૌથી ઓછા સ્કોર પર ઓલઆઉટ
ન્યૂઝીલેન્ડ અને પાકિસ્તાન વચ્ચે પાંચ મેચની T20 આંતરરાષ્ટ્રીય સિરીઝની પહેલી મેચ ક્રાઇસ્ટચર્ચમાં રમાઈ હતી. આ મેચમાં, પાકિસ્તાનની ટીમ પ્રથમ બેટિંગ કરતી વખતે 100 રન પણ બનાવી શકી ન હતી, જ્યારે ન્યૂઝીલેન્ડે 11મી ઓવરમાં માત્ર એક વિકેટ ગુમાવીને 92 રનનો લક્ષ્યાંક હાંસલ કર્યો હતો. પાકિસ્તાનની ટીમ T20 આંતરરાષ્ટ્રીય ક્રિકેટમાં તેના ત્રીજા સૌથી ઓછા સ્કોર પર ઓલઆઉટ થઈ ગઈ. પાકિસ્તાનની ટીમે તેની બધી વિકેટ ગુમાવ્યા બાદ 91 રન બનાવ્યા હતા. ન્યૂઝીલેન્ડે આ લક્ષ્ય 10.1 ઓવરમાં માત્ર 1 વિકેટ ગુમાવીને હાંસલ કર્યો હતો.
ન્યૂઝીલેન્ડના કાયલ જેમિસને ખૂબ જ ખતરનાક બોલિંગ કરી. આ બોલરે 4 ઓવરમાં એક મેઇડન ઓવર નાખી, ફક્ત 8 રન આપ્યા અને ત્રણ ટોચના ક્રમના બેટ્સમેનોને આઉટ કર્યા. આ પ્રદર્શન માટે તેને પ્લેયર ઓફ ધ મેચ તરીકે પસંદ કરવામાં આવ્યો. જો કે જેકબ ડફીએ પણ 4 વિકેટ લીધી હતી. બેટિંગમાં કિવી ટીમ માટે ટિમ સિફોર્ડે 29 બોલમાં 44 રન બનાવ્યા, જ્યારે ફિન એલને 17 બોલમાં 29 રન બનાવ્યા. પાકિસ્તાન તરફથી અબરાર અહેમદે એક વિકેટ લીધી. આ મેચમાં ત્રણ પાકિસ્તાની ખેલાડીઓએ ડેબ્યૂ કર્યું હતું.
