નિષ્ણાત અભિપ્રાય ફરજિયાત, નિયમિત નિરીક્ષણ અને વીમો ફરજિયાત
રાજકોટમાં થયેલા દુખદ અકસ્માત બાદ સુરત પ્રશાસને ગેમ ઝોન ખોલવાના નિયમોમાં કડક બનવાનો નિર્ણય લીધો છે. સુરત પોલીસ કમિશનરે આ સંદર્ભે 63 પાનાનું વિગતવાર જાહેરનામું બહાર પાડ્યું છે.
નવા નોટિફિકેશન મુજબ હવે ગેમ ઝોન શરૂ કરવા માટે માલિકોએ ફરીથી લાઇસન્સ લેવું પડશે. આ સાથે ગેમ ઝોનમાં કોઈપણ પ્રકારના સાધનો કે ગેમ શરૂ કરતા પહેલા નિષ્ણાતનો અભિપ્રાય લેવો ફરજિયાત રહેશે. તમામ રમતો વહીવટીતંત્ર દ્વારા માન્ય હોવી આવશ્યક છે.
ગેમ ઝોનની મુલાકાત લેતા લોકોની સુરક્ષાને પ્રાથમિકતા આપતા વહીવટીતંત્રે ગેમ ઝોનના માલિકો માટે થર્ડ પાર્ટી લાયબિલિટી ઈન્સ્યોરન્સ લેવો ફરજિયાત બનાવ્યો છે. આ સિવાય ગેમ ઝોને ફાયર સેફ્ટી, સ્ટ્રક્ચરલ સેફ્ટી અને ઇલેક્ટ્રિકલ સેફ્ટીના તમામ માપદંડોનું પાલન કરવાનું રહેશે.
ગેમ ઝોનની સલામતી સુનિશ્ચિત કરવા માટે, એક નિરીક્ષણ સમિતિની રચના કરવામાં આવશે જે દર છ મહિને તમામ ગેમ ઝોનનું નિરીક્ષણ કરશે. જો કોઈપણ ગેમ ઝોનમાં સુરક્ષામાં કોઈ ખામી જોવા મળશે તો તેના માલિક સામે કડક કાર્યવાહી કરવામાં આવશે.
પ્રથમ વખત લીધેલા લાયસન્સની માન્યતા ત્રણ વર્ષની રહેશે. આ પછી દર બે વર્ષે લાયસન્સ રિન્યુ કરાવવું પડશે. નોટિફિકેશન દ્વારા ગેમ ઝોનમાં સુરક્ષા સુનિશ્ચિત કરવાના પ્રયાસો કરવામાં આવી રહ્યા છે. તેમણે કહ્યું કે તમામ ગેમ ઝોનના માલિકોએ આ નિયમોનું ચુસ્તપણે પાલન કરવાનું રહેશે.
