Apple iMessage Features: એપલની મેસેજ એપ હવે માત્ર ટેક્સ્ટ મેસેજિંગ ટૂલ રહી નથી, પરંતુ તે એક ઓલ-ઈન-વન કોમ્યુનિકેશન પ્લેટફોર્મ બની ગઈ છે. આઈફોન યુઝર્સ માટે સ્ટીકર બનાવવા, એપલ કેશથી પૈસા મોકલવા, મેસેજ શેડ્યૂલ કરવા, ગ્રુપ પોલ, ડિજિટલ ડૂડલ અને સેફ્ટી-ફોકસ ચેક-ઈન જેવા ફીચર્સ તેને વોટ્સએપ અને અન્ય મેસેજિંગ એપ્સથી અલગ બનાવે છે. ખાસ વાત એ છે કે આ ફીચર્સ સીધા મેસેજ એપમાં જ ઇન્ટિગ્રેટેડ છે અને આઈફોન ઇકોસિસ્ટમની અંદર વધુ પાવરફુલ અનુભવ આપે છે.
૧. પોતાના ફોટામાંથી બનાવો પર્સનલ સ્ટીકર
હવે બોરિંગ ઈમોજી છોડો અને પોતાના સ્ટીકર મોકલીને વાત કરો. ફોનમાં સ્ટીકર બનાવવું અત્યંત સરળ છે. આ માટે તમારા કોઈપણ મનપસંદ ફોટાના સબ્જેક્ટ (મુખ્ય ભાગ) પર આંગળી દબાવી રાખો, બેકગ્રાઉન્ડ હટતા જ ‘એડ સ્ટીકર’ પર ટેપ કરો. તમે આમાં પફી કે સ્પાર્કલી જેવી ઈફેક્ટ્સ પણ ઉમેરી શકો છો જે ફોન હલાવવા પર ચમકે છે.
૨. સીધા ચેટથી મોકલો કેશ મની
હવે પૈસા મોકલવા માટે Venmo કે Zelle જેવી અલગ એપ્સની જરૂર નથી. જો તમારું Apple Cash સેટઅપ છે, તો પ્લસ મેનૂથી સીધા પૈસા મોકલો અથવા મેળવો. આ સંપૂર્ણપણે સુરક્ષિત અને ઝડપથી થતી પ્રક્રિયા છે.
૩. સુરક્ષા માટે ચેક-ઈન ફીચર
સ્વજનોની સુરક્ષા માટે આ કમાલનું ટૂલ છે. આમાં જો તમે ગંતવ્ય સ્થાન પર પહોંચ્યા પછી પરિવારને જાણ કરવાનું ભૂલી જાઓ છો, તો ચેક-ઈન ફીચરથી તમારો iPhone પોતે જ ફેમિલી મેમ્બર્સને જાણ કરી દેશે. આમાં બેટરી લેવલ અને સિગ્નલ સ્ટ્રેન્થ જેવી વિગતો પણ શેર કરી શકાય છે.
૪. મોકલો એનિમેટેડ ડૂડલ
તમે તમારી આંગળીઓથી સ્ક્રીન પર ડ્રો કરીને તેને એનિમેટેડ સ્વરૂપમાં પણ મોકલી શકો છો. આમાં તમે જેને મેસેજ મોકલશો તેને તમારું ડ્રોઈંગ લાઈવ બનતું દેખાશે, જે મેસેજને સામાન્ય ટેક્સ્ટ કરતા ક્યાંય વધુ પર્સનલ અને મજેદાર બનાવશે.
૫. થર્ડ પાર્ટી એપ્સનું ઇન્ટિગ્રેશન
હવે iMessage ની અંદર જ તમે બીજાને Starbucks ગિફ્ટ કાર્ડ પણ મોકલી શકો છો. આની સાથે જ Game Pigeon જેવી એપ્સ દ્વારા ચેટમાં જ ગેમ રમી શકો છો. જેમ જેમ તમે નવી એપ્સ ઇન્સ્ટોલ કરો છો, તેમ તેમ તમારા ફોનના પ્લસ મેનૂમાં નવા વિકલ્પો ઉમેરાતા જશે.
