iPhone 17 Pro Max Space Mission: iPhone 17 Pro Max મોડલ અંતરિક્ષમાં ઇતિહાસ રચનારો પહેલો સ્માર્ટફોન બની ગયો છે. અમેરિકી અંતરિક્ષ એજન્સી નાસા (Nasa) એ પહેલીવાર ડીપ સ્પેસમાં અંતરિક્ષ યાત્રીઓ સાથે આઇફોન મોકલ્યા છે. તે પણ લેટેસ્ટ સીરીઝનું ટોપ વેરિઅન્ટ. અંતરિક્ષ યાત્રીઓને આ સ્માર્ટફોન એટલા માટે આપવામાં આવ્યા છે જેથી તેઓ દુનિયાભરના લોકો સાથે ડીપ સ્પેસના ફોટા અને વીડિયો શેર કરી શકે. ડીપ સ્પેસ, પૃથ્વીના વાતાવરણ અને ચંદ્રની કક્ષાથી પણ દૂરના હિસ્સાને કહેવામાં આવે છે. એક ન્યૂઝ રિપોર્ટ અનુસાર, અંતરિક્ષ યાત્રીઓને iPhone 17 Pro Max આપતા પહેલા તેની કડક તપાસ કરવામાં આવી હતી.
અંતરિક્ષ યાત્રી શેર કરી રહ્યા છે ફોટા
રિપોર્ટ અનુસાર, નાસાના ઓરિયન સ્પેસક્રાફ્ટ પર સવાર થયેલા અંતરિક્ષ યાત્રીઓએ આઇફોન 17 પ્રો મેક્સ વાપરવાનું શરૂ કરી દીધું છે. તેઓ નવા આઇફોનથી તસવીરો લઈ રહ્યા છે. કહેવામાં આવે છે કે આગામી થોડા દિવસોમાં આર્ટિમિસ-2 મિશન, ચંદ્રની નજીકથી ઉડાન ભરશે. iPhone 17 Pro Max ની હાજરીએ મિશનને વધુ ખાસ બનાવી દીધું છે. અત્યાર સુધી નાસાના મિશનમાં કેમેરા અને ગોપ્રો વાપરવાની મંજૂરી મળતી હતી. પહેલીવાર આઇફોન 17 પ્રો મેક્સના રૂપમાં કોઈ સ્માર્ટફોનનો ઉપયોગ કરવામાં આવી રહ્યો છે.
સરળ નથી હોતું સિક્યોરિટી ક્લિયરન્સ
રિપોર્ટ અનુસાર, નાસામાં અંતરિક્ષ મિશન માટે કોઈ હાર્ડવેરને મંજૂરી આપવાની લાંબી પ્રક્રિયા છે.
યુનિવર્સિટી ઓફ કોલોરાડોની એક સંશોધન સંસ્થા ‘બાયોસર્વ સ્પેસ ટેકનોલોજીસ’ ના સહાયક સંશોધન પ્રોફેસર ટોબિયાસ નિડરવિઝરના જણાવ્યા અનુસાર, નાસા દરેક જોખમને પરખે છે.
તે અંતરિક્ષમાં મોકલવામાં આવતા હાર્ડવેરનું મૂલ્યાંકન કરે છે. આવું એટલા માટે કારણ કે હાર્ડવેરમાં થોડી પણ તૂટફૂટ અંતરિક્ષ યાત્રીઓની સુરક્ષાને જોખમમાં મૂકી શકે છે.
ઉદાહરણ તરીકે- જો આઇફોન 17 પ્રો મેક્સમાં લગાયેલો સિરેમિક ગ્લાસ તૂટી જાય તો તે સ્પેસક્રાફ્ટમાં તરતો રહેશે અને અંતરિક્ષ યાત્રીઓના ચહેરાને ઈજા પહોંચાડી શકે છે અથવા શ્વાસ લેતી વખતે તેમના શરીરમાં જઈ શકે છે.
જાણકારી અનુસાર, કોઈ પણ હાર્ડવેરને 4 તબક્કામાં ટેસ્ટ કરવામાં આવે છે. આ બાબતની ખાસ વાત એ છે કે કોઈ પણ ફોનની સરખામણીમાં ‘આઇફોન 17 પ્રો મેક્સ’ એ સફળતા મેળવી.
એપલનો કોઈ રોલ નથી
જાણકારી અનુસાર, આ આખી પ્રક્રિયામાં એપલનો કોઈ રોલ રહ્યો નથી. જોકે કથિત રીતે કંપનીએ કહ્યું છે કે પહેલીવાર કોઈ આઇફોન, પૃથ્વીની કક્ષા અને ડીપ સ્પેસમાં ઉપયોગ માટે ક્વોલિફાય થયો છે.
