બેંગલુરુ, ૧૪ ફેબ્રુઆરી: ભારતીય અવકાશ સંશોધન સંગઠન (ઇસરો) એ શુક્રવારે જણાવ્યું હતું કે તેણે સોલિડ મોટર્સ માટે ૧૦ ટનનું પ્રોપેલન્ટ મિક્સર વિકસાવ્યું છે.
ઇસરોએ એક નિવેદનમાં જણાવ્યું હતું કે, ભારતીય અવકાશ પરિવહન પ્રણાલીમાં સોલિડ પ્રોપલ્શન મહત્વપૂર્ણ ભૂમિકા ભજવે છે અને ‘વર્ટિકલ મિક્સર’ સોલિડ મોટર ઉત્પાદનમાં મહત્વપૂર્ણ ઉપકરણોમાંનું એક છે.
“સોલિડ પ્રોપેલન્ટ્સ રોકેટ મોટર્સની કરોડરજ્જુ છે અને તેમના ઉત્પાદન માટે અત્યંત સંવેદનશીલ અને જોખમી ઘટકોનું ચોક્કસ મિશ્રણ જરૂરી છે,” નિવેદનમાં જણાવાયું છે.
સોલિડ મોટર સેગમેન્ટ્સના ઉત્પાદન સ્કેલને વધારવાના પગલામાં, શ્રીહરિકોટામાં સતીશ ધવન સ્પેસ સેન્ટરે સેન્ટ્રલ મેન્યુફેક્ચરિંગ ટેક્નોલોજી ઇન્સ્ટિટ્યૂટ (CMTI) બેંગલુરુના સહયોગથી સોલિડ પ્રોપેલન્ટ્સની પ્રક્રિયા કરવા માટે 10-ટનનું ‘વર્ટિકલ પ્લેનેટરી મિક્સર’ સફળતાપૂર્વક ડિઝાઇન અને વિકસાવ્યું છે, એમ અવકાશ એજન્સીએ જણાવ્યું હતું.
ઇસરોએ તેને એક મહત્વપૂર્ણ ટેકનોલોજીકલ અજાયબી ગણાવી છે. તેમણે કહ્યું કે 10-ટનનું ‘વર્ટિકલ મિક્સર’ વિશ્વનું સૌથી મોટું સોલિડ પ્રોપેલન્ટ મિક્સિંગ ડિવાઇસ છે.
ઇસરોએ જણાવ્યું હતું કે આ ‘વર્ટિકલ મિક્સર’નું વજન લગભગ ૧૫૦ ટન છે, તે ૫.૪ મીટર લાંબુ, ૩.૩ મીટર પહોળું અને ૮.૭ મીટર ઊંચું છે.
