Jio OTT Pass Offer: રિલાયન્સ જિયોએ મોટો દાવ ખેલતા પોતાના ગ્રાહકો માટે 200 રૂપિયાનો ઓટીટી પાસ લોન્ચ કરી દીધો છે. ગરમીઓની રજાઓમાં લોકો મોટી સંખ્યામાં એન્ટરટેઈનમેન્ટ માટે ઓટીટી પ્લેટફોર્મ્સ તરફ વળતા હોય છે. એવું લાગે છે કે કંપની આ સીઝનનો લાભ ઉઠાવવા માંગે છે. દાવો છે કે આ પાસ લેવા પર ગ્રાહકોને 15 ઓટીટી જોવા મળશે. તેઓ 1 હજારથી વધુ ટીવી ચેનલ જોઈ શકશે અને સાથે જ 30 જીબી ડેટા પણ ગ્રાહકોને આપવામાં આવી રહ્યો છે. જિયોએ જણાવ્યું છે કે આ પેકની વેલિડિટી 28 દિવસની રહેશે. સાથે જ અનલિમિટેડ 5G આપવામાં આવશે.
Jio OTT પાસમાં કયા OTT
જિયોએ જણાવ્યું છે કે તેના 200 રૂપિયાવાળા પાસમાં યુઝર્સને YouTube Premium, JioHotstar Mobile + Hollywood અને Prime Video Mobile Edition નું સબ્સ્ક્રિપ્શન આપવામાં આવશે. આ સિવાય SonyLiv, ZEE5, Lionsgate Play, Discovery+, Sun NXT, FanCode, Kanccha Lannka, Planet Marathi, Chaupal, Hoichoi, TimesPlay અને Tarang Plus જેવા 12 એડિશનલ OTT પ્લેટફોર્મને જિયોટીવીના માધ્યમથી એક્સેસ કરી શકાય છે.
Jio OTT પાસમાં કયા OTTમાં પ્રમુખ ટીવી ચેનલ
જિયોના જણાવ્યા અનુસાર, ઓટીટી પાસ લેનારા ગ્રાહકો 1 હજારથી વધારે લાઈવ ટીવી ચેનલ જોઈ શકશે. આમાં Star, Sony, Sun TV અને Discovery જેવા નેટવર્કના ઘણા મનોરંજન, ફિલ્મ, સ્પોર્ટ્સ અને પ્રાદેશિક ચેનલો પણ શામેલ છે. કંપનીના જણાવ્યા મુજબ આ પેક એવા ગ્રાહકોને ધ્યાનમાં રાખીને તૈયાર કરવામાં આવ્યો છે, જેઓ એક જ રિચાર્જમાં મનોરંજન, લાઈવ ટીવી અને ઇન્ટરનેટ ડેટાની સુવિધા ઈચ્છે છે.
Jio OTT ક્યાંથી ખરીદવો
આ ઓફરનો ફાયદો ઉઠાવવા માટે ગ્રાહકો પાસે પહેલાથી જ એક એક્ટિવ જિયો બેઝ પ્લાન હોવો જરૂરી છે. ત્યારબાદ ગ્રાહક MyJio એપ, Jio.com, રિટેલ સ્ટોર કે બીજા રિચાર્જ એપ્સના માધ્યમથી 200 રૂપિયાવાળો OTT Pass એક્ટિવ કરી શકે છે. સરળ ભાષામાં સમજાવીએ તો જિયો ગ્રાહકો પાસે પહેલાથી જ એક એક્ટિવ રિચાર્જ પ્લાન હોવો જોઈએ જેમાં વેલિડિટી અને ડેટાના ફાયદા મળતા હોય. તે પ્લાનની સાથે આ પ્લાનને ખરીદીને યુઝર પોતાના મોબાઈલમાં એન્ટરટેઈનમેન્ટ કરી શકશે.
Jio OTT પાસ ખરીદવો જોઈએ કે નહીં
Jio એ ગ્રાહકો માટે ખૂબ જ આકર્ષક પાસ બહાર પાડ્યો છે. ખાસ વાત એ છે કે કંપની જિયો હોટસ્ટાર અને પ્રાઇમ વિડિયોનું મોબાઈલ એડિશન આપી રહી છે. સોની લિવ અને જી5 જેવા પ્રમુખ ઓટીટી એક્સેસ કરી શકાય છે. જોકે આમાં નેટફ્લિક્સ શામેલ નથી. જે યુઝર્સને નેટફ્લિક્સ જોવું છે, તેમના માટે આ પ્લાન ફાયદાકારક નથી. જોકે જો તમે અન્ય ઓટીટી અને ટીવી ચેનલ જોઈને પોતાની ગરમીઓની રજાઓ વિતાવવા માંગો છો તો આ પ્લાન કિફાયતી સાબિત થશે.
