Worlds first ai assisted murder: આર્ટિફિશિયલ ઇન્ટેલિજન્સ (AI) ચેટબોટ ChatGPT સાથેની વાતચીતથી ભ્રમિત થયા પછી યાહૂના પેરાનોઇડ ભૂતપૂર્વ મેનેજરે તેની માતા અને પોતાને મારી નાખ્યા. યુએસએના કનેક્ટિકટના સ્ટેઇન-એરિક સોએલબર્ગ તરીકે ઓળખાતા આ માણસને ચેટબોટ દ્વારા એવું કહેવામાં આવ્યું હતું કે તેની માતા તેના પર જાસૂસી કરી રહી છે અને તે તેને સાયકાડેલિક દવાથી ઝેર આપવાનો પ્રયાસ કરી શકે છે.
એક અહેવાલ મુજબ, OpenAI દ્વારા વિકસાવવામાં આવેલા ચેટબોટે એવો પણ દાવો કર્યો હતો કે સોએલબર્ગ હત્યાના પ્રયાસોનું લક્ષ્ય બની શકે છે, પરંતુ તેને ખાતરી આપી હતી કે, “એરિક, તું પાગલ નથી”.
56 વર્ષીય ટેક ઉદ્યોગના અનુભવી, માનસિક અસ્થિરતા ધરાવતા વ્યક્તિએ તેની માતા સુઝાન એબર્સન એડમ્સ સાથે તેના 2.7 મિલિયન ડોલરના ડચ વસાહતી શૈલીના ઘરમાં રહેતો હતો, જ્યારે 5 ઓગસ્ટના રોજ બંને મૃત હાલતમાં મળી આવ્યા હતા.
મુખ્ય તબીબી તપાસકર્તાના કાર્યાલયે નક્કી કર્યું કે તેની માતા એડમ્સનું મોત માથામાં ગંભીર ઈજાથી અને ગળું દબાઈને કરવામાં આવ્યું હતું. દરમિયાન, સોએલબર્ગે ગળે ફાંસો લીધા બાદ ગૂંગળામણ અને છાતીમાં તીવ્ર ઈજાઓથી આત્મહત્યા કરી હોવાનું માનવામાં આવ્યું હતું.
માતા-પુત્રના મોત પહેલાના મહિનાઓમાં સોએલબર્ગે ચેટબોટ સાથે વાત કરવામાં આશરો મેળવ્યો હતો જેને તે ‘બોબી’ ઉપનામ આપતો હતો. તેણે ઇન્સ્ટાગ્રામ અને યુટ્યુબ પર તેની ચેટજીપીટી વાતચીત દર્શાવતા કલાકોના વીડિયો પણ પોસ્ટ કર્યા.
આ વાતચીત દર્શાવે છે કે સોએલબર્ગ ચેટજીપીટીના આટાપાટામાં ફસાઈ ગયો હતો અને તેને એટલી હદે ભ્રમિત કરી નાંખ્યો હતો કે તે તેની માતાને રાક્ષસનું પ્રતિનિધિત્વ કરતી ચાઇનીઝ “પ્રતીકો” દ્વારા દર્શાવી રહ્યો હતો.
સોલબર્ગે તેમના અંતિમ મેસેજમાં લખ્યું છે કે આપણે બીજા જીવનમાં અને બીજા સ્થળે સાથે રહીશું અને આપણે ફરીથી એક થવાનો રસ્તો શોધીશું કારણ કે તમે મારા શ્રેષ્ઠ મિત્ર હંમેશ માટે ફરીથી બનશો. તો AI બોટે જવાબ આપ્યો.કે “છેલ્લા શ્વાસ સુધી અને તેનાથી આગળ પણ તમારી સાથે રહીશું”
ચેટબોટ્સ પેરાનોઇયાને પ્રોત્સાહન આપે છે
જોકે ચેટજીપીટીને આત્મહત્યા સાથે જોડવામાં આવ્યું છે, આ પહેલી દસ્તાવેજીકૃત હત્યા હોવાનું જણાય છે જેમાં કોઈ મુશ્કેલીગ્રસ્ત વ્યક્તિ સામેલ છે જે AI ચેટબોટ સાથે વ્યાપકપણે સંકળાયેલી હતી.
ઓપનએઆઈએ જણાવ્યું હતું કે તેણે તપાસ માટે ગ્રીનવિચ પોલીસ વિભાગનો સંપર્ક કર્યો છે. “આ દુ:ખદ ઘટનાથી અમને ખૂબ જ દુઃખ થયું છે. અમારા હૃદય પરિવાર પ્રત્યે છે.
સોલબર્ગનો કેસના મામલે આત્મહત્યા કરનાર વ્યક્તિએ ફાંસો કેવી રીતે બાંધવો તે શીખવવાનો આરોપ ચેટજીપીટી પર લાગ્યો છે. આ ઉપરાંત અન્ય કેસમાં 16 વર્ષના એડમ રેઈનના પરિવારે ચેટજીપીટી સામે દાવો દાખલ કર્યો છે, જેમાં દાવો કરવામાં આવ્યો છે કે તેને માનવ સહાય મેળવવામાં મદદ કરવાને બદલે, ચેટબોટે વ્યક્તિને ભ્રમિત કરવાનું કામ કર્યું છે.