Sabarkantha Liquor Case : સાબરકાંઠાના કતપુર ટોલપ્લાઝા પરથી દારુ ભરેલી કાર ઝડપાઈ છે. રાજસ્થાનથી અમદાવાદમાં દારૂની હેરફેર કરતા ઈસમો સાથે પોલીસ કર્મી ઝડપાયો છે..
નામ પૂરતા જ કહેવાતા ગાંધીના ગુજરાતમાં દારૂની હાટડીઓ સરેઆમ ધમધમી રહી છે. પોલીસ ફક્ત દરોડાના નામે નાટક કરી બુટલેગરોને છાવરી જ રહી હોય અથવા તો પોલીસ કર્મચારીઓની સંડવોણી હોય તેવી અનેક ઘટનાઓ સામે આવી રહી છે. ત્યારે વધુ એક પોલીસ કર્મીની સંડોવણીથી દારૂની હેરાફેરીનો પર્દાફાશ થયો છે.
સાબરકાંઠાના કતપુર ટોલપ્લાઝા પરથી દારુ ભરેલી કાર ઝડપાઈ છે. રાજસ્થાનથી અમદાવાદમાં દારૂની હેરફેર કરતા ઈસમો સાથે એક કાર ઝડપાઈ છે. આ કેસમાં નારાયણપુરા પોલીસ સ્ટેશનના કોન્સ્ટેબલની સંડોવણી હોવાનું સામે આવ્યું છે.
પોલીસ કર્મી કરતો કારનું પાયલોટિંગ
પોલીસ કર્મી શૈલેષ ગોલાણી હેરાફેરી કરતી કારનું પાયલોટિંગ કરતો હતો. સાબરકાંઠાના કતપુર ટોલપ્લાઝા પરથી 3 લાખ 48 હજાર રુપિયાની કિંમતની 1 હજાર 231 દારુની બોટલ સાથે કારમાંથી દારૂ ઝડપાયો છે. પોલીસ કોન્સ્ટેબલ શૈલેષ ગોલાણી સહિત 6 શખ્સો સામે ગુનો દાખલ કરી સ્ટેટ મોનિટરિંગ સેલે કાર સહિત 2 વાહનો જપ્ત કર્યા છે..
