Indian Railway train categories: ભારતીય રેલવેની ગણતરી દુનિયાના મોટા રેલ નેટવર્કમાં કરવામાં આવે છે. દરરોજ કરોડો મુસાફરો મેલ, એક્સપ્રેસ અને સુપરફાસ્ટ ટ્રેનોમાં મુસાફરી કરે છે. વળી, આ ટ્રેનોમાં મુસાફરી કરતી વખતે શું તમે ક્યારેય એ વિચાર્યું છે કે મેલ, એક્સપ્રેસ અને સુપરફાસ્ટ ટ્રેનોમાં શું તફાવત હોય છે? ટિકિટ બુક કરતી વખતે આપણે માત્ર સમય અને ભાડા પર ધ્યાન આપીએ છીએ, ટ્રેનની કેટેગરી પર એટલું ધ્યાન નથી આપતા.
ટ્રેનની કેટેગરી પણ મુસાફરીનો સમયગાળો, રોકાણ (સ્ટોપેજ) અને ભાડાને પ્રભાવિત કરવાનું કામ કરે છે. આ જ કારણોસર એક જ રૂટ પર ચાલતી ટ્રેનોના સમય અને ભાડામાં ઘણો તફાવત જોવા મળે છે. આ કારણે તમને મેલ, એક્સપ્રેસ અને સુપરફાસ્ટ ટ્રેનો વચ્ચેના તફાવત વિશે ખબર હોવી જરૂરી છે.
એક્સપ્રેસ ટ્રેનો
આ સેમી-પ્રાયોરિટી વાળી ટ્રેન સેવાઓ હોય છે. તેમની સ્પીડ મેલ ટ્રેનોની તુલનામાં વધુ હોય છે. તેમનું રોકાણ મર્યાદિત સ્ટેશનો પર હોય છે. આ લાંબા અંતરની મુસાફરી માટે વધુ લોકપ્રિય છે. મોટાભાગના મુખ્ય શહેરોને જોડતી ટ્રેનો એક્સપ્રેસ શ્રેણીમાં આવે છે. એક્સપ્રેસ ટ્રેનનું નામ કોઈ શહેર, સ્થળ અથવા કોઈ વ્યક્તિના નામ પરથી હોઈ શકે છે.
મેલ ટ્રેનો
પહેલા ટ્રેનોમાં એક ટપાલ (ડાક) ડબ્બો લગાવવામાં આવતો હતો, તેનાથી ટપાલ મોકલવામાં આવતી હતી. તેમના જ નામ પરથી ટ્રેનનું નામ મેલ એક્સપ્રેસ પડ્યું. જોકે, આજના સમયમાં આ ટ્રેનોમાંથી ટપાલ ડબ્બાઓ હટી ગયા છે. મેલ ટ્રેનોની સ્પીડ 50 કિમી પ્રતિ કલાક હોય છે. આ ટ્રેનો ઘણી જગ્યાએ ઊભી રહે છે.
સુપરફાસ્ટ ટ્રેનો
સુપરફાસ્ટ ટ્રેનોની રફ્તાર ઘણી ઝડપી હોય છે. આ ટ્રેનોના સ્ટોપેજ ખૂબ ઓછા હોય છે, જેનાથી મુસાફરોના સમયની બચત થાય છે. આ ટ્રેનોની ટિકિટ પર ‘સુપરફાસ્ટ ચાર્જ’ પણ લેવામાં આવે છે. સુપરફાસ્ટ ટ્રેનોની ઝડપ 110 કિલોમીટર પ્રતિ કલાકથી વધુ હોય છે.
મેલ અને એક્સપ્રેસ ટ્રેનોની તુલનામાં તેમનું ભાડું વધારે હોય છે. આ ટ્રેનોને પ્રાયોરિટી પણ વધુ આપવામાં આવે છે. જો તમે ઓછા સમયમાં લાંબુ અંતર કાપવા માંગતા હોવ તો સુપરફાસ્ટ ટ્રેન શ્રેષ્ઠ વિકલ્પ છે.
