Phishing Crime: અત્યારના સમયમાં સાયબર અપરાધ ઝડપથી રીતો બદલી રહ્યો છે અને સામાન્ય લોકો અવારનવાર આની લપેટમાં આવી જાય છે. હાલમાં જ સીબીઆઈ (CBI) એ આવા જ એક મોટા ફિશિંગ ક્રાઈમ નેટવર્કનો પર્દાફાશ કર્યો છે. જે સાયબર ગુનેગારોને ફિશિંગ મેસેજ સર્વિસ પૂરી પાડતું હતું. આ ટોળકી દ્વારા નકલી લોન, રોકાણ અને ફાયદાની લાલચ આપીને લોકોને છેતરવામાં આવી રહ્યા હતા.
તપાસ એજન્સીએ આ મામલામાં ત્રણ ઓપરેટિવની ધરપકડ કરી છે. દિલ્હી, નોઈડા અને ચંદીગઢમાં કરવામાં આવેલા દરોડા દરમિયાન એક એક્ટિવ સિસ્ટમ સામે આવી. જેનાથી મોટા પાયે ફિશિંગ મેસેજ મોકલવામાં આવી રહ્યા હતા. અહીંથી મોટી માત્રામાં રોકડ, ક્રિપ્ટોકરન્સી અને અનેક ડિજિટલ પુરાવા પણ મળી આવ્યા છે. આ કાર્યવાહી પછી ફિશિંગ ક્રાઈમ અંગે લોકોના મનમાં અનેક સવાલો ઉઠી રહ્યા છે. આખરે શું હોય છે આ ફિશિંગ ક્રાઈમ? ચાલો તમને જણાવીએ.
શું હોય છે ફિશિંગ ક્રાઈમ?
ફિશિંગ ક્રાઈમ સાયબર છેતરપિંડીની એક એવી રીત છે જેમાં ગુનેગાર પોતે બેંક, કંપની કે સરકારી એજન્સી બતાવીને લોકોને મેસેજ કે ઈમેલ મોકલે છે. આ સંદેશાઓમાં નકલી લોન, ઈનામ, રોકાણ કે એકાઉન્ટ અપડેટનો ઝાંસો આપવામાં આવે છે. જેવા કોઈ વ્યક્તિ આપેલી લિંક પર ક્લિક કરે છે અથવા પોતાની પર્સનલ (અંગત) જાણકારી શેર કરે છે, ગુનેગારો તેનો ડેટા ચોરી લે છે.
ત્યારબાદ બેંક એકાઉન્ટ ખાલી કરવું, નકલી લોન લેવી કે ડિજિટલ ફ્રોડ કરવું સરળ બની જાય છે. સીબીઆઈની તપાસમાં સામે આવ્યું કે આ નેટવર્કમાં હજારો સિમ કાર્ડનો ઉપયોગ કરવામાં આવી રહ્યો હતો. જેનાથી એકસાથે મોટી સંખ્યામાં લોકો સુધી નકલી મેસેજ પહોંચાડી શકાય. આ આખી સિસ્ટમ ટેકનોલોજીના સહારે કંટ્રોલ કરવામાં આવી રહી હતી, જેનાથી ગુનેગારોની ઓળખ છુપાયેલી રહેતી હતી.
સીબીઆઈ તપાસમાં શું થયો ખુલાસો
સીબીઆઈએ શરૂઆતની તપાસમાં આશરે ૨૧ હજાર એવા સિમ કાર્ડની ઓળખ કરી જે નિયમોનું ઉલ્લંઘન કરી છેતરપિંડીથી મેળવવામાં આવ્યા હતા. તપાસમાં એ પણ સામે આવ્યું કે કેટલીક ટેલિકોમ કંપનીઓના ચેનલ પાર્ટનર અને તેમના કર્મચારીઓએ ગેરકાયદેસર રીતે આ સિમ કાર્ડની વ્યવસ્થા કરી હતી. આ સિમ કાર્ડને એક ઓનલાઈન પ્લેટફોર્મ દ્વારા કંટ્રોલ કરવામાં આવતા હતા, જેનાથી મોટા પાયે ફિશિંગ મેસેજ મોકલવામાં આવતા હતા.
સીબીઆઈના જણાવ્યા અનુસાર ખાનગી ફર્મ ‘ભગવાન મહાવીર સર્વિસીસ ઈન્ડિયા પ્રાઈવેટ લિમિટેડ’ આ આખી સિસ્ટમનું સંચાલન કરી રહી હતી. આ જ પ્લેટફોર્મ દ્વારા સાયબર ગુનેગારો દેશભરમાં લોકોને નકલી સંદેશા મોકલીને છેતરપિંડી કરી રહ્યા હતા. આ મામલો બતાવે છે કે ફિશિંગ ક્રાઈમ હવે સંગઠિત નેટવર્ક તરીકે કામ કરી રહ્યો છે, જેનાથી સતર્ક રહેવું પહેલા કરતા ક્યાંય વધુ જરૂરી બની ગયું છે.
