Post Office Time Deposit Scheme: પોસ્ટ ઓફિસની આ સ્કીમમાં 5 લાખ જમા કરાવતા મળશે 2.25 લાખનું ગેરંટી સાથે વળતર

Post Office Time Deposit Scheme: દરેક લોકો હવે રોકાણ કરવા પ્રત્યે જાગૃત બન્યા છે. બેંકોની જેમ પોસ્ટ ઓફિસમાં પણ લોકો રોકાણ કરી રહ્યા છે. બચત ખાતાઓ પર મોટો નફો આપવાની બાબતમાં પોસ્ટ ઓફિસે બધી બેંકોને પાછળ છોડી દીધી છે.

પોસ્ટ ઓફિસની એક એવી યોજના વિશે જણાવીશું, જેમાં જો તમે 5 લાખ રૂપિયા જમા કરાવો છો તો તમને પાકતી મુદતે 2.25 લાખ રૂપિયાનું સીધું વળતર મળશે. ખાસ વાત એ છે કે તમને આ વળતર ગેરંટી સાથે મળશે.

પોસ્ટ ઓફિસ TD (ટાઈમ ડિપોઝિટ) ખાતું ચલાવે છે. પોસ્ટ ઓફિસના TD ખાતામાં FD ની જેમ પાકતી મુદતે એક નિશ્ચિત રકમ મળે છે. જેમાં ગેરંટી સાથે વળતરનો સમાવેશ થાય છે. પોસ્ટ ઓફિસ ટાઈમ ડિપોઝિટ ખાતાઓ પર 6.9 ટકાથી 7.5 ટકા સુધી વ્યાજ ઓફર કરે છે.

પોસ્ટમાં, 1 વર્ષના TD પર 6.90 ટકા, 2 વર્ષના TD પર 7.0 ટકા, 3 વર્ષના TD પર 7.1 ટકા અને 5 વર્ષના TD પર 7.5 ટકા વ્યાજ આપવામાં આવી રહ્યું છે.

Post માં 5 વર્ષના TD પર 7.5 ટકા વ્યાજ આપવામાં આવી રહ્યું છે. જો તમે પોસ્ટ ઓફિસમાં 5 વર્ષની TD યોજનામાં 5 લાખ રૂપિયા જમા કરાવો છો, તો પાકતી મુદતે તમને ગેરંટી સાથે કુલ 7,24,974 રૂપિયા મળશે. આ રકમમાં 2,24,974 રૂપિયાનું નિશ્ચિત વળતર પણ સામેલ છે.

બધા ગ્રાહકોને પોસ્ટ ઓફિસમાં સમાન વળતર મળે છે. જ્યારે બેંકોમાં, વરિષ્ઠ નાગરિકોને સામાન્ય નાગરિકો કરતા વધુ વળતર મળે છે. તમને જણાવી દઈએ કે પોસ્ટ ઓફિસ કેન્દ્ર સરકારના નિયંત્રણ હેઠળ કામ કરે છે. તેથી, તમારા પૈસા તેમાં સંપૂર્ણપણે સુરક્ષિત છે.