RBI Unclaimed Money: દેશની બેંકોમાં આશરે ૭૮,૦૦૦ કરોડ રૂપિયાની અનક્લેમ્ડ (બિનદાવેદારી) રકમ જમા છે. આ રકમ પાછી અપાવવા માટે RBI એક ખાસ અભિયાન ચલાવી રહ્યું છે. આ માટે એક ખાસ પોર્ટલ પણ લોન્ચ કરવામાં આવ્યું છે અને સાથે જ અખબારોમાં જાહેરાત આપીને લોકોને જાગૃત કરવામાં આવી રહ્યા છે. RBI ના UDGAM (અનક્લેમ્ડ ડિપોઝિટ ગેટવે ટુ એક્સેસ ઇન્ફોર્મેશન) પોર્ટલના માધ્યમથી તમે ઘરે બેઠા તમારા અથવા તમારા પરિવારની અનક્લેમ્ડ રકમ વિશે જાણી શકો છો.
એક અનુમાન મુજબ RBI ના ડિપોઝિટર એજ્યુકેશન એન્ડ અવેરનેસ (DEA) ફંડમાં ₹૭૪,૫૮૦.૪૫ કરોડ જમા છે. જો શેડ્યુલ્ડ કોમર્શિયલ બેંકોને પણ ભેગી કરી લેવામાં આવે તો આ રકમ આશરે ₹૭૮,૦૦૦ કરોડ જેટલી થાય છે. બેંકના નિષ્ક્રિય ખાતાઓમાં જમા પૈસાની અનક્લેમ્ડ રકમને RBI ના DEA ફંડમાં ટ્રાન્સફર કરી દેવામાં આવે છે. તમે અથવા તમારા કાયદેસરના વારસદારો તેને ગમે ત્યારે પાછા મેળવી શકો છો.
પૈસા કેવી રીતે પાછા મળશે?
તમારી બેંકની કોઈ પણ શાખામાં જાઓ, ભલે તે તમારી નિયમિત શાખા ન હોય. KYC દસ્તાવેજો (આધાર, પાસપોર્ટ, મતદાર ઓળખપત્ર અથવા ડ્રાઇવિંગ લાઇસન્સ) સાથે ફોર્મ જમા કરો. ચકાસણી પછી વ્યાજ સહિત, જો હોય તો, તમારા પૈસા પાછા મેળવો.
અનક્લેમ્ડ રકમ કેવી રીતે શોધવી?
તમારી બેંકની વેબસાઇટ પર શોધો અથવા RBI ના UDGAM પોર્ટલ (https://udgam.rbi.org.in) પર જુઓ, જેમાં હાલમાં ૩૦ બેંકો સામેલ છે. વધુ માહિતી માટે https://rbikahtahal.rbi.org.in જુઓ. પ્રતિક્રિયા માટે riktahal.org.in પર લખો. સાથે જ તમે RBI ના અધિકૃત વોટ્સએપ નંબર ૯૯૯૯૦ ૪૧૯૩૫ પરથી પણ સંપર્ક કરી શકો છો.
