Smart Tv Buying Guide: સ્માર્ટ ટીવી ખરીદતી વખતે આ ૯ ફીચર્સ જુઓ: તમારા ટીવીને લાંબા સમય સુધી 'ફ્યુચર પ્રૂફ' બનાવવાની ટિપ્સ!

Smart Tv Buying Guide: સ્માર્ટ ટીવી એક લાંબા ગાળાનું રોકાણ છે. તેથી, જરૂરી છે કે તેમાં એવી ટેક્નોલોજી હોય જે તેને ભવિષ્યમાં પણ ‘આઉટડેટેડ’ ન થવા દે. અહીં ૯ એવા આવશ્યક ફીચર્સ છે, જેને ધ્યાનમાં રાખીને તમારે સ્માર્ટ ટીવી ખરીદવું જોઈએ:

૧. અલ્ટ્રા-એચડી (UHD) 4K રિઝોલ્યુશન

ટીવીમાં સૌથી મહત્ત્વનું છે પિક્ચર ક્વોલિટી, જે શાર્પ અને “ક્રિસ્ટલ ક્લિયર” હોવી જોઈએ. 4K રિઝોલ્યુશન આજે સૌથી સ્પષ્ટ માનવામાં આવે છે. આ રિઝોલ્યુશન તમને વર્ષો પછી પણ ક્રિસ્પ અને શાર્પ પિક્ચર ક્વોલિટી પૂરી પાડશે. 4K માં દરેક ડિટેલ, ચહેરાના ભાવ અને કલર્સ બિલકુલ રિયલ લાગે છે.

૨. Dolby Vision અને Atmos સપોર્ટ

સિનેમા-ક્વોલિટી વિઝ્યુઅલ માટે Dolby Vision અને શક્તિશાળી ઓડિયો માટે Dolby Atmos ટેક્નોલોજી જરૂરી છે. જો તમે નથી ઈચ્છતા કે ભવિષ્યમાં તમારું ટીવી જૂનું લાગે, તો આ બંને ટેક્નોલોજી સપોર્ટ કરતું ટીવી જ પસંદ કરો, જે તમને હોમ થિયેટર જેવો અનુભવ આપશે.

૩. Google TV / સ્માર્ટ ઇન્ટરફેસ

આજે લગભગ બધા ટીવી સ્માર્ટ છે. ભવિષ્યની જરૂરિયાતોને ધ્યાનમાં રાખીને, તમારું ટીવી Google TV અથવા આધુનિક સ્માર્ટ ઇન્ટરફેસથી સજ્જ હોવું જોઈએ. આનાથી તમે માત્ર કન્ટેન્ટ જ નહીં, પણ ઇન્ટરનેટ બ્રાઉઝિંગ જેવા કામ પણ કરી શકો છો.

૪. વૉઇસ કંટ્રોલ ફીચર

ટીવી કંટ્રોલ કરવાનું સરળ બનાવવા માટે તેમાં વૉઇસ કમાન્ડનું ફીચર હોવું જરૂરી છે. આનાથી રિમોટની જરૂરિયાત ખૂબ જ ઓછી થઈ જાય છે અને ઘરના બાળકો કે વડીલો પણ સરળતાથી ટીવી કંટ્રોલ કરી શકે છે.

૫. VRR/ALLM સાથે ગેમ મોડ

જો તમે ટીવી પર ગેમ રમવાની યોજના બનાવી રહ્યા હો, તો ટીવીમાં VRR (Variable Refresh Rate) અને ALLM (Auto Low Latency Mode) નો સપોર્ટ હોવો જોઈએ. આ ઇનપુટ લેગને ઘટાડે છે અને સ્મૂધ ગેમિંગ અનુભવ આપે છે, જે ગ્રાફિક્સને પણ બહેતર બનાવે છે.

૬. 2GB RAM અને 32GB સ્ટોરેજ

તમારું ટીવી સમય જતાં ધીમું ન થાય અને વર્ષો સુધી સ્મૂધ ચાલતું રહે તે માટે, ઓછામાં ઓછી ૨GB રેમ અને ૩૨GB સ્ટોરેજ પસંદ કરો. આનાથી ઓછા સ્પેક્સવાળા ટીવી ઝડપથી લેગી લાગવા લાગે છે.

૭. બેઝલ-લેસ ડિઝાઇન

ટીવીને મોડર્ન અને પ્રીમિયમ લુક આપવા માટે તેની બેઝલ-લેસ ડિઝાઇન (બોર્ડર ખૂબ જ ઓછી હોય તેવી ડિઝાઇન) પસંદ કરો. આનાથી પિક્ચર કિનારીઓ સુધી દેખાય છે અને ટીવી મોટું, એલિગન્ટ અને આધુનિક લાગે છે.

૮. Dbx-tv ઓડિયો એન્હાન્સમેન્ટ ટેક્નોલોજી

ટીવી જોવાનો એકંદર અનુભવ વધારવા માટે, તમારું ટીવી ઓડિયો એન્હાન્સમેન્ટ ટેક્નોલોજી (જેમ કે Dbx-tv) ને સપોર્ટ કરતું હોવું જોઈએ. આના દ્વારા તમે હાઇ ક્વોલિટી સાઉન્ડ સિસ્ટમ જોડી શકો છો, જેનાથી મ્યુઝિક અને ડાયલોગ વધુ ક્લિયર અને દમદાર બને છે.