Data Centers Australia: ડેટા સેન્ટર્સ ખૂબ ઝડપથી સ્થાપિત કરવામાં આવી રહ્યા છે. વેરહાઉસના વેરહાઉસ કમ્પ્યુટર સર્વર્સથી ભરાયેલા છે. આ સર્વર્સ દ્વારા લોકો ઉપયોગમાં લેતા આર્ટિફિશિયલ ઇન્ટેલિજન્સ (AI) ટૂલ્સ ચલાવવામાં આવે છે. ડેટા સેન્ટર્સને મોટી માત્રામાં વીજળી, પાણી અને જમીનની જરૂર પડે છે. ડેવલપર્સની વાત કરીએ તો યોગ્ય આયોજન અને દેખરેખ વિના તેઓ ઓસ્ટ્રેલિયાની અર્થવ્યવસ્થા, પ્રકૃતિ અને સમુદાયોને જોખમમાં મૂકીને પોતાની જરૂરિયાતો પૂરી કરશે.
વિચાર્યા વિના સ્થાપિત કરવામાં આવેલા ડેટા સેન્ટર્સથી વીજળીનો વપરાશ વધી શકે છે, પાણીના પુરવઠા પર દબાણ પડી શકે છે અને ‘નેટ ઝીરો’ના લક્ષ્યને હાંસલ કરવાની ગતિ ધીમી પડી શકે છે. બીજી તરફ યોગ્ય રીતે સ્થાપિત કરવામાં આવેલા ડેટા સેન્ટર્સ તેનાથી વિપરીત કામ કરી શકે છે, જેમાં વીજળીના ગ્રિડને સ્થિર કરવો, વિસ્તારોમાં રોકાણ આકર્ષવું અને આર્થિક વિકાસને વેગ આપવાનો પણ સમાવેશ થાય છે.
ભવિષ્યની ટેક્નોલોજી આ સમસ્યાઓને અદૃશ્ય કરી શકે છે એવું વિચારવું આકર્ષક લાગી શકે છે. જેમ કે ડેટા સેન્ટર્સને પાણીની અંદર અથવા પછી અવકાશમાં સ્થાપિત કરી દેવા. આ આખરે મહત્વપૂર્ણ બની શકે છે, પરંતુ હાલમાં આ મામલે નાના પાયે જ પ્રયોગો કરવામાં આવ્યા છે.
ઊર્જા એક મહત્વપૂર્ણ સંસાધન છે
ફેડરલ સરકાર ઇચ્છે છે કે નવા ડેટા સેન્ટર્સ પોતાની વીજળીની માંગને નવી રિન્યુએબલ એનર્જીના ઉત્પાદન સાથે જોડે, જેને ‘સેન્સિબલ ફાર્મિંગ અરેજમેન્ટ્સ’નું સમર્થન મળ્યું હોય. ‘સેન્સિબલ ફાર્મિંગ અરેજમેન્ટ્સ’નો અર્થ છે રિન્યુએબલ સપ્લાય ઓછી થાય ત્યારે વિશ્વસનીય બેકઅપ પાવર. મોટા ભાગના રાજ્યો અને વિસ્તારો આ સાથે સહમત છે. જોકે, ક્વીન્સલેન્ડ અને નોર્ધર્ન ટેરિટરી એવું ઇચ્છે છે કે ડેટા સેન્ટર્સને પ્રારંભિક સપ્લાય અને બેકઅપ બંને માટે ફોસિલ ફ્યુઅલનો ઉપયોગ કરવાની લવચીકતા મળે.
કિંમત અને ક્લાઇમેટના દૃષ્ટિકોણથી જોઈએ તો ન તો ફેડરલ અને ન તો રાજ્ય સરકારોએ તેને સંપૂર્ણ રીતે યોગ્ય માન્યું છે. ગેસ અને ડીઝલનો ઉપયોગ ઓસ્ટ્રેલિયાના ક્લાઇમેટ લક્ષ્યો અને ખર્ચ ઓછો રાખવાના સિદ્ધાંતો સાથે સુસંગત નથી. પછી તે પ્રાથમિક હોય કે બેકઅપ સપ્લાયના સ્વરૂપમાં હોય. તે સ્થાનિક એર ક્વોલિટી અને સામુદાયિક સ્વાસ્થ્ય અંગે પણ ચિંતાઓ ઊભી કરે છે.
ઓસ્ટ્રેલિયાએ 2050 સુધી નેટ ઝીરો ઉત્સર્જન હાંસલ કરવાનો સંકલ્પ લીધો છે. 2035 સુધી આપણું વચગાળાનું લક્ષ્ય 62-70 ટકા ઘટાડો કરવાનો છે. યોગ્ય દેખરેખ વિના, ડેટા સેન્ટર્સ આ પ્રતિબદ્ધતા સાથે સમાધાન કરી શકે છે. ડેટા સેન્ટર્સ રિફાઇન્ડ, સારા સંસાધનો ધરાવતા ઓપરેટર્સ દ્વારા બનાવવામાં આવી રહ્યા છે. તેઓ ફોસિલ ફ્યુઅલ પર નિર્ભર રહેવાને બદલે બેટરી અને અન્ય ટેક્નિક સાથે પોતાના સપ્લાયને મજબૂત કરવામાં સક્ષમ છે.
જો યોગ્ય રીતે ઓપરેટ કરવામાં આવે તો ડેટા સેન્ટર્સ વીજળીના ગ્રિડને વધુ સારી રીતે કાર્ય કરવામાં પણ મદદ કરી શકે છે. પાણીનો યોગ્ય રીતે અને સમજદારીપૂર્વક ઉપયોગ કરવો જરૂરી છે. ઉદાહરણ તરીકે સિડની વોટરનો અંદાજ છે કે સર્વર કૂલિંગ માટે ડેટા સેન્ટર્સની પાણીની જરૂરિયાત 2035 સુધીમાં દરરોજ 250 મેગાલિટર સુધી પહોંચી શકે છે.
હવે તેમાં સારા સમાચાર એ છે કે એવી ટેક્નોલોજીઓ પહેલેથી જ ઉપલબ્ધ છે જે પાણીના ઉપયોગને ઘણો ઓછો કરી શકે છે. ક્લોઝ્ડ-લૂપ સિસ્ટમ વાસ્તવમાં પાણીને વરાળ બનીને ઉડી જવા દેવાને બદલે તેને રિસાયકલ કરે છે. કેટલાક આધુનિક ડેટા સેન્ટર્સમાં પાણીના પ્રાથમિક સ્ત્રોતોનો બિલકુલ ઉપયોગ કરવામાં આવતો નથી.
‘નેશનલ ઓસ્ટ્રેલિયન બિલ્ટ એન્વાયરમેન્ટ રેટિંગ સિસ્ટમ’ ડેટા સેન્ટર્સ માટે પોતાની એનર્જી રેટિંગની સાથે એક વોટર સ્ટાન્ડર્ડ પણ વિકસાવી રહી છે. વીજળી અને પાણી બંનેના વધુ સારા ઉપયોગને સુનિશ્ચિત કરવા માટે ડેટા સેન્ટર્સને બંનેમાં ટોચની છ-સ્ટાર રેટિંગ મેળવવાની જરૂર પડશે.
ડેટા સેન્ટર્સમાં જગ્યાનું મહત્વ
ડેટા સેન્ટર્સ ક્યાં બનાવવામાં આવે છે, તેનાથી નક્કી થાય છે કે તેઓ સ્થાનિક સંસાધનો પર કેટલું દબાણ લાવશે અને આસપાસ રહેતા લોકોને તેનાથી કોઈ મુશ્કેલી તો નહીં થાય. ઓસ્ટ્રેલિયામાં લગભગ 160 ડેટા સેન્ટર્સ પહેલેથી જ કાર્યરત છે. મોટા ભાગના ડેટા સેન્ટર્સ મેલબર્ન અને સિડનીમાં કેન્દ્રિત છે. તેનાથી સ્થાનિક પાવર ગ્રિડની ક્ષમતા પ્રભાવિત થઈ રહી છે, નેટવર્ક આયોજન પર દબાણ વધી રહ્યું છે અને ગ્રાહકો માટે ખર્ચ વધી રહ્યો છે.
સ્થાનિક રહેવાસીઓના લાભો પણ ડેટા સેન્ટર્સની સ્થાપનામાં મહત્વનું સ્થાન ધરાવે છે. સ્થાનિક રહેવાસીઓને પણ ડેટા સેન્ટર્સથી લાભ મળવો જોઈએ. તેના હેઠળ શહેરો અને વિસ્તારોમાં યુનિવર્સિટીઓમાં ટ્રેનિંગ આપી શકાય છે. આવું એટલા માટે કે તેનાથી કામદારોને વધુ સારી નોકરીની તકો મળી શકે. એકંદરે જોઈએ તો ઉપરોક્ત તમામ પગલાં ડેટા સેન્ટરના સારા ભવિષ્ય તરફ સંકેત આપે છે. તેની 3 મહત્વપૂર્ણ વિશેષતાઓ છે.
પહેલું, ડેટા સેન્ટર ઓપરેટર્સે વર્તમાન પ્રોડક્શન પર નિર્ભર રહેવાને બદલે રિન્યુએબલ એનર્જીના નવા સપ્લાયમાં રોકાણ કરવાની જરૂર છે. બીજું, ઊર્જા અને પાણી માટે આ ધોરણો સ્વૈચ્છિકને બદલે ફરજિયાત હોવા જોઈએ. અને ત્રીજું કે ડેટા સેન્ટર્સ ક્યાં સ્થિત હોવા જોઈએ. આ નિર્ણયમાં શરૂઆતથી જ સંસાધનોના ઉપયોગ અને કમ્યુનિટી પર થતી અસરનું મૂલ્યાંકન કરવામાં આવવું જોઈએ.
