Germany Gurdwara Clash Violence: જર્મનીના એક ગુરુદ્વારામાં બે જૂથો વચ્ચે થયેલી હિંસક અથડામણમાં ૧૧ લોકો ઘાયલ થયા છે. આ ઘટના રવિવારે મોર્સ શહેરમાં નોર્થ રાઈન-વેસ્ટફેલિયાના ડુઈસબર્ગ સ્થિત ગુરુદ્વારા સિંહ સભામાં બની હતી. ગુરુદ્વારાની અંદર ૪૦ થી વધુ લોકો વચ્ચે માત્ર મારામારી જ નથી થઈ પરંતુ છરી અને કૃપાણ પણ ચાલ્યા હતા. આ સંઘર્ષમાં કથિત રીતે ગોળીબાર થયો હોવાનો પણ દાવો કરવામાં આવ્યો છે. જોકે હજુ સુધી કોઈને ગોળી વાગી હોવાની માહિતી મળી નથી.
ગુરુદ્વારામાં અથડામણ બાદ પોલીસે વિસ્તારમાં પોતાની ખાસ યુનિટ તૈનાત કરી છે. પોલીસે મામલાની તપાસ શરૂ કરી દીધી છે પરંતુ સત્તાવાર રીતે ઝઘડા પાછળનું કારણ જણાવ્યું નથી. જર્મન અખબાર ‘બિલ્ડ’ એ જણાવ્યું છે કે બે જૂથોની આ અથડામણ ગુરુદ્વારાની નાણાકીય બાબતો અને મેનેજમેન્ટ પરના વિવાદોને કારણે થઈ છે.
છરી અને પેપર સ્પ્રે ચાલ્યા
‘બિલ્ડ’ મુજબ, ગુરુદ્વારામાં આ ટકરાવ રવિવારે બપોરે શરૂ થયો અને જોતજોતામાં તેણે હિંસક સ્વરૂપ ધારણ કરી લીધું. અખબારે પ્રત્યક્ષદર્શીઓના હવાલેથી જણાવ્યું કે એક જૂથ દ્વારા પ્લાન મુજબ હુમલો કરવામાં આવ્યો અને વિરોધીઓને કાબૂ કરવા માટે પેપર સ્પ્રેનો ઉપયોગ કરવામાં આવ્યો હતો. છરી અને કૃપાણથી પણ હુમલા કરવામાં આવ્યા હતા.
🤯🇩🇪 Shocking scenes from Gurdwara Duisburg, Germany:
Sikhs fighting inside sacred space, turbans flying, kirpans drawn on each other over Golak money, and a forced takeover by the previous management, who lost the election.
This violence isn’t random. It’s the direct result of… pic.twitter.com/47h4lni6w1
— Allen Hampton (@Hamp_Allen) April 20, 2026
પ્રત્યક્ષદર્શીઓએ એક જૂથ પાસે બંદૂક અને પિસ્તોલ હોવાની વાત પણ કહી છે. સ્થાનિક લોકોએ આ હિંસાનું કારણ ગુરુદ્વારા સમુદાયની અંદર લાંબા સમયથી ચાલી રહેલા આંતરિક વિવાદનું પરિણામ ગણાવ્યું છે. ગુરુદ્વારા કમિટી પર નિયંત્રણ, પ્રભાવ અને કથિત નાણાકીય મતભેદો પર લાંબા સમયથી બે જૂથો આમને-સામને છે.
ગુરુદ્વારા પર નિયંત્રણને લઈને વિવાદ
એક પ્રત્યક્ષદર્શીએ ‘બિલ્ડ’ ને જણાવ્યું કે આ વિવાદની પૃષ્ઠભૂમિમાં કમિટીના ભૂતપૂર્વ સભ્યો અને વર્તમાન સભ્યો વચ્ચેના મતભેદો છે. આમાં સમુદાયના પૈસા પણ સામેલ છે. લાંબા સમયથી અહીં સમસ્યાઓ અને મુશ્કેલીઓ ચાલી રહી છે. રવિન્દર સિંહ રોબિને ટ્વીટમાં જર્મનીના ગુરુદ્વારાની ઘટના પર કહ્યું કે શીખો ગુરુદ્વારાની અંદર લડી રહ્યા છે અને પાઘડીઓ હવામાં ઉછળી રહી છે.
મોર્સ પોલીસે જણાવ્યું છે કે હિંસા બાદ પરિસ્થિતિ પર કાબૂ મેળવવા માટે મોટા પાયે ઓપરેશન શરૂ કરવામાં આવ્યું હતું. ગોળીબારના અહેવાલો બાદ પોલીસ અને ડસેલડોર્ફની સ્પેશિયલ ટાસ્ક ફોર્સ (SEK) ની યુનિટોએ ગુરુદ્વારાની ઇમારતને ઘેરી લીધી હતી. હથિયારોથી સજ્જ જવાનોએ ઇમારતને નિયંત્રણમાં લઈને પરિસ્થિતિને કાબૂમાં લીધી હતી.
