કોઈના સંબંધો ક્યાં અને ક્યારે સુધરે અને ક્યારે બગડે તે કહી શકાતું નથી. ? ગ્લોબલ વર્લ્ડ બનેલ વિશ્વમાં સામાજિક અને આર્થિક સમીકરણો સતત બદલાઈ રહ્યા છે.ત્યારે હમણાં સુધી જે સાઉદી અમેરિકાનું ખાસ હતું તેણે આજે અમેરિકા સાથે ડોલરમાં વેપાર બંધ કર્યો છે.અને વળી હજીપણ બાકી હતું તો,અમેરિકાના 9/11 ના હુમલામાં આ દેશની સંડોવણી બહાર આવી છે. અમેરિકામાં 11 સપ્ટેમ્બર 2001ના રોજ વિશ્વનો સૌથી ભયંકર આતંકવાદી હુમલો થયો હતો. આ હુમલાએ સમગ્ર વિશ્વને હચમચાવી દીધું હતું. આ દિવસે વર્લ્ડ ટ્રેડ સેન્ટર પર હાઇજેક કરાયેલા પ્લેન દ્વારા હુમલો કરવામાં આવ્યો હતો. પેન્ટાગોન, યુએસ ડિફેન્સ ડિપાર્ટમેન્ટની ઓફિસ પર હવાઈ હુમલો થયો અને પેન્સિલવેનિયાના મેદાનમાં પ્લેન ક્રેશ થયું. આતંકી હુમલામાં 3000 લોકો માર્યા ગયા હતા. 20 વર્ષથી અમેરિકાની સ્થિતિ એવી છે કે આતંકવાદી જૂથ અલ કાયદાએ એકલા હાથે હુમલો કર્યો હતો. પરંતુ હવે અમેરિકાએ એક નવો વીડિયો જાહેર કર્યો છે. આ વીડિયો દ્વારા અમેરિકામાં સવાલો ઉઠી રહ્યા છે કે શું અપહરણકર્તાઓને સાઉદી અરેબિયા દ્વારા મદદ આપવામાં આવી હતી?
ચારેય વિમાનોને હાઇજેક કરનારાઓમાં મોટાભાગના સાઉદી નાગરિકો હતા. અમેરિકાએ હવે લોકો માટે આને લગતો એક વીડિયો જાહેર કર્યો છે. આ વીડિયો 9/11ના હુમલાના બે વર્ષ પહેલા 1999ના ઉનાળાનો છે. આના ત્રણ મહિના પહેલા અલકાયદાએ હુમલો કરવાનું નક્કી કર્યું હતું. વીડિયોમાં એક વ્યક્તિ દેખાઈ રહ્યો છે, જેનું નામ ઓમર અલ-બાયોમી છે. અહેવાલો અનુસાર, અમેરિકાના ફેડરલ બ્યુરો ઑફ ઇન્વેસ્ટિગેશન (FBI)એ તેને સાઉદી ઇન્ટેલિજન્સ સર્વિસનો એક ઓપરેટિવ ગણાવ્યો છે, જે 9/11ના બે હાઇજેકર સાથે નજીકના સંબંધો ધરાવે છે.
વીડિયોમાં શું છે?
9/11ના હુમલાની પ્રારંભિક તપાસનું નેતૃત્વ કરનાર નિવૃત્ત એફબીઆઈ એજન્ટ રિચાર્ડ લેમ્બર્ટે જણાવ્યું હતું કે, ‘પુરાવાઓની વિશાળ દિવાલમાં આ બીજી મોટી ઈંટ છે જે એ મુદ્દા તરફ નિર્દેશ કરે છે કે સાઉદી સરકાર 9/11ના હુમલામાં સામેલ હતી. ‘ આ વિડિયોમાં બાયોમીને ઘણા દિવસો સુધી ફિલ્માવવાનું ફૂટેજ બતાવવામાં આવ્યું છે. આ દરમિયાન બાયોમીએ યુએસ કેપિટોલના પ્રવેશદ્વાર અને બહાર નીકળવાની સાથે સુરક્ષા ચોકીઓ અને બિલ્ડિંગનું મોડેલ બતાવ્યું. એક તબક્કે તેણે વોશિંગ્ટન સ્મારક તરફ ધ્યાન દોર્યું અને કહ્યું કે તે ત્યાં જશે અને ત્યાં શું છે તે વિગતવાર સમજાવશે.
તમને વીડિયો ક્યાંથી મળ્યો?
સીબીએસ ન્યૂઝ અનુસાર, લેમ્બર્ટે કહ્યું કે વોશિંગ્ટન સ્મારક દૂરથી દેખાય છે. તેનાથી આતંકવાદીઓને તેમના લક્ષ્ય સુધી પહોંચવામાં મદદ મળી શકે છે. લેમ્બર્ટ હુમલા માટે સાઉદી અરેબિયાને જવાબદાર ઠેરવવાના કેસમાં 9/11 પીડિતોના પરિવારો વતી વકીલ છે. નિષ્ણાતોનું માનવું છે કે આતંકવાદીઓનું ત્રીજું નિશાન રાજધાની હતું. હુમલાના થોડા દિવસો બાદ બ્રિટનમાં બાયોમીના એપાર્ટમેન્ટમાં દરોડો પાડ્યો ત્યારે બ્રિટિશ પોલીસને આ વીડિયો મળી આવ્યો હતો. જ્યારે બાયોમીએ વિડિયો બનાવ્યો ત્યારે તેની સાથે બે સાઉદી રાજદ્વારીઓ હતા જેમને અલ કાયદા સાથે સંબંધ હોવાનું કહેવાય છે. જો કે સાઉદી એવું માનતું નથી.
શા માટે વિડીયો જાહેર કરવામાં આવ્યો
બ્રિટિશ પોલીસે 9/11 પછી તરત જ આ વીડિયો એફબીઆઈને સોંપ્યો હોવાનું માનવામાં આવે છે. પરંતુ હવે સવાલ એ થાય છે કે બે દાયકા પછી આ ફૂટેજ કેમ જાહેર કરવામાં આવ્યા? નિષ્ણાતોનું માનવું છે કે સાઉદી પર દબાણ લાવવાનો આ એક રસ્તો છે. કારણ કે સાઉદી અને અમેરિકાના સંબંધોમાં તણાવ આવી ગયો છે. સાઉદી અરેબિયાએ અન્ય કરન્સીમાં તેલ વેચવાની વાત કરી છે, જેનાથી ડોલરનું મહત્વ ઘટશે. આ સિવાય સાઉદી બ્રિક્સમાં સામેલ થઈ શકે છે, જેને વોશિંગ્ટન અમેરિકા વિરોધી જૂથ તરીકે જુએ છે.
