રશિયાની ન્યુક્લિયર સબમરીને દાગી બુળાવા મિસાઇલ, 8,300 કિમી દૂર સુધી પ્રહાર કરવાની ક્ષમતા
Russia Bulava ICBM Test: રશિયાએ પોતાની પરમાણુ ઊર્જાથી સંચાલિત સબમરીનમાંથી પાણીની અંદરથી ઇન્ટરકોન્ટિનેન્ટલ બેલિસ્ટિક મિસાઇલ (ICBM)નું પરીક્ષણ કર્યું છે. રશિયાના સંરક્ષણ મંત્રાલયે બુધવારે આ માહિતી આપતાં જણાવ્યું કે પરીક્ષણ સફળ રહ્યું. મંત્રાલયે કહ્યું કે મિસાઇલનાં વૉરહેડ નિર્ધારિત સમય અને નક્કી કરાયેલી રેન્જની અંદર જ જઈને પડ્યાં. આ મિસાઇલને નિર્ધારિત લડાયક તાલીમના ભાગરૂપે છોડવામાં આવી હતી.
રશિયાના સંરક્ષણ મંત્રાલયે જણાવ્યું કે બુળાવા (Bulava) નામની આંતરમહાદ્વીપીય બેલિસ્ટિક મિસાઇલને પરમાણુ ઊર્જાથી સંચાલિત સબમરીન જનરલિસિમો સુવોરોવમાંથી લૉન્ચ કરવામાં આવી હતી. મિસાઇલને ઓખોત્સ્ક સમુદ્રમાં પાણીની અંદરથી છોડવામાં આવી હતી અને તેણે પશ્ચિમ રશિયાના આર્કાન્ગેલ્સ્ક વિસ્તારમાં આવેલા એક સૈન્ય પરીક્ષણ મેદાનને નિશાન બનાવ્યું હતું.
રશિયાની પરમાણુ સબમરીનની વિશેષતાઓ
- જનરલિસિમો સુવોરોવ રશિયાની પરમાણુ સબમરીન છે અને તે રશિયાના પ્રશાંત મહાસાગરીય કાફલાનો અત્યંત મહત્ત્વનો ભાગ છે.
- આ અદ્યતન પેઢીની સબમરીન છે અને તેને આધુનિક બોરેઈ શ્રેણીમાં રાખવામાં આવે છે.
- આ રશિયન સબમરીનને ખાસ કરીને વ્યૂહાત્મક પરમાણુ પ્રતિરોધક ક્ષમતા એટલે કે જવાબી પરમાણુ હુમલાને અંજામ આપવા અને રશિયાની દરિયાઈ સરહદોની સુરક્ષા માટે ડિઝાઇન કરવામાં આવી છે.
- આ સબમરીનને સેન્ટ પીટર્સબર્ગ સ્થિત રુબિન સેન્ટ્રલ ડિઝાઇન બ્યુરો ફૉર મરીન એન્જિનિયરિંગ દ્વારા વિકસાવવામાં આવી છે.
- આ સબમરીનમાં મોટી સંખ્યામાં વૉરહેડ રાખવાની ક્ષમતા છે. તે પોતાની સાથે 16 અદ્યતન બુળાવા (Bulava) બેલિસ્ટિક મિસાઇલો લઈ જઈ શકે છે.
🪖Russia test-fires Bulava ICBM from nuclear submarine in Sea of Okhotsk
Russia’s Generalissimo Suvorov nuclear-powered strategic missile submarine has launched a Bulava intercontinental ballistic missile (ICBM) from a submerged position in the Sea of Okhotsk.
The missile was fired as part of scheduled combat training. The missile’s warheads reportedly reached the designated test range at the scheduled time.
— Sputnik (@SputnikInt) October 28, 2026
રશિયાની બુળાવા ICBM શું છે
- બુળાવા આંતરમહાદ્વીપીય બેલિસ્ટિક મિસાઇલ રશિયાના નૌકાદળના શસ્ત્રભંડારનો મહત્ત્વનો ભાગ છે.
- બુળાવા ICBM ખાસ કરીને સબમરીનમાંથી લૉન્ચ કરવા માટે બનાવવામાં આવી છે.
- આ ICBM પરમાણુ હુમલો કરવામાં સક્ષમ છે અને પોતાની સાથે અનેક પરમાણુ વૉરહેડ લઈ જઈ શકે છે.
- સબમરીનમાંથી લૉન્ચ થયા પછી તે અદ્યતન હવાઈ સંરક્ષણ પ્રણાલીને ભેદીને લક્ષ્યને નિશાન બનાવવામાં સક્ષમ છે.
બુળાવા મિસાઇલની રેન્જ
રશિયાની પરમાણુ ક્ષમતા ધરાવતી આ મિસાઇલને RSM-56 તરીકે પણ ઓળખવામાં આવે છે. સેન્ટર ફૉર સ્ટ્રેટેજિક એન્ડ ઇન્ટરનેશનલ સ્ટડીઝ અનુસાર, રશિયાની આ મિસાઇલ 8,300 કિલોમીટર દૂર સુધીના લક્ષ્યને નિશાન બનાવી શકે છે.
