US India Tariffs Russia Oil Gas: રશિયા વિરુદ્ધ પ્રતિબંધ લગાવવા અંગે અમેરિકી સેનેટમાં મતદાન થવાનું છે. આ મતદાન પહેલાં જ અમેરિકી સાંસદોએ જાહેરાત કરી છે કે ભારત અને ચીન પર સ્પષ્ટ રીતે 100 ટકા ટેરિફ લગાવવામાં આવશે. હકીકતમાં, અમેરિકી સેનેટ જે બિલ પર મતદાન કરવા જઈ રહી છે, તેની ભારત અને ચીન પર મોટી અસર થવાની છે. ભારત અને ચીન બંને રશિયન તેલના સૌથી મોટા ખરીદદારો છે. આ મતદાન પહેલાં અમેરિકી સાંસદોએ કહ્યું છે કે અમે સ્પષ્ટ રીતે કહેવા માંગીએ છીએ કે ભારત અને ચીન બંને મુખ્ય દોષી છે, જે મોટા પાયે રશિયાથી તેલ અને ગેસ ખરીદી રહ્યા છે. તેમણે આરોપ લગાવ્યો કે ભારત અને ચીન બંને પુતિનની વોર મશીનને પ્રોત્સાહન આપી રહ્યા છે.
આ દરમિયાન અમેરિકી સાંસદોનું દ્વિધારી વલણ પણ સામે આવ્યું છે. અમેરિકી સાંસદોએ કહ્યું કે આ વિધેયક એવી રીતે તૈયાર કરવામાં આવ્યું છે કે તે ભારત અને ચીનને નિશાન બનાવશે, પરંતુ અમારા સહયોગી દેશો તેનાથી બચી જશે. તેનો અર્થ એ છે કે યુરોપીય દેશો રશિયાથી તેલ અને ગેસ ખરીદી શકશે અને તેમના વિરુદ્ધ 100 ટકા અમેરિકી ટેરિફ લાગશે નહીં. અમેરિકી સાંસદો આ વિધેયક દ્વારા રશિયા પર આર્થિક દબાણ વધારી રહ્યા છે જેથી તે યુક્રેન પરના હુમલા બંધ કરે.
Breaking: India, China will be targeted by upto 100% tariffs for buying Russian energy while Europe gets a free pass, admits US Senator
“This bill is carefully crafted to make sure we are not hitting our allies and that we are hitting India and China” pic.twitter.com/N1wDBdjBBw
— Shashank Mattoo (@MattooShashank) July 29, 2026
રશિયન તેલ અને ગેસને લઈને ભારતની ચિંતા વધવાની શક્યતા
આ વિધેયક બાદ ડોનાલ્ડ ટ્રમ્પને એ અધિકાર મળી જશે કે તેઓ રશિયાથી તેલ અને ગેસ ખરીદતા દેશો પર 100 ટકા પ્રતિબંધ લગાવી શકશે. યુક્રેન યુદ્ધ અને હોર્મુઝ સંકટ બાદથી ભારત મોટા પાયે રશિયાથી તેલ ખરીદી રહ્યું છે અને હવે આર્કટિકની ગેસ ખરીદવાની પણ તૈયારી કરી રહ્યું છે. હવે જો આ બિલ કાયદો બનશે તો ભારતની મુશ્કેલીઓ વધી શકે છે. ડોનાલ્ડ ટ્રમ્પ ભારત સહિત અન્ય દેશોને રશિયા સાથે વેપાર કરવા અંગે અગાઉ પણ ચેતવણી આપી ચૂક્યા છે.
ભારત પર શું તરત જ લાગવાનો છે 100 ટકા ટેરિફ?
ટ્રમ્પ હવે ભારત ઉપરાંત ચીન અને જાપાન પર પણ 100 ટકા ટેરિફ લગાવી શકશે. રશિયા હાલમાં યુક્રેન યુદ્ધ લડવા માટે મોટા પ્રમાણમાં તેલ અને ગેસ વેચી રહ્યું છે. હોર્મુઝ સંકટ બાદ રશિયાએ તેલમાંથી ભારે કમાણી કરી છે. નિષ્ણાતોનું કહેવું છે કે આ બિલ હજુ કાયદો બનવાથી ઘણાં તબક્કા દૂર છે, પરંતુ તે ભારતની ચિંતા વધારી રહ્યું છે. મંગળવારે આ બિલ પર સેનેટમાં મતદાન થવાનું છે. ત્યારબાદ આ બિલને પ્રતિનિધિ સભામાંથી પણ પસાર કરાવવું પડશે. ત્યારબાદ આ બિલ ટ્રમ્પ પાસે જશે.
નિષ્ણાતોનું કહેવું છે કે પ્રસ્તાવિત 100 ટકા ટેરિફ આપોઆપ લાગુ નહીં થાય. આ વિધેયક અમેરિકી રાષ્ટ્રપતિને એવો અધિકાર આપશે કે તેઓ ક્યારે અને કેટલો ટેરિફ લગાવવો તે નક્કી કરી શકશે અને જ્યારે ઇચ્છે ત્યારે તેને દૂર પણ કરી શકશે. ભારત રશિયન તેલના મોટા ખરીદદારોમાં સામેલ છે. ભારત દ્વારા રશિયાથી તેલ ખરીદવાને કારણે યુક્રેન યુદ્ધ અને ઈરાન યુદ્ધ બાદ પણ વિશ્વમાં તેલની કિંમતો સ્થિર રહી છે. જો ટ્રમ્પ ટેરિફ લાગુ કરશે તો ભારત માટે રશિયા સાથે ઊર્જા વેપાર કરવો ઘણો જટિલ બની જશે. તેનાથી અમેરિકા સાથેના સંબંધોમાં પણ તણાવ આવી શકે છે. ભારતને રશિયા સસ્તુ તેલ આપે છે. જ્યારે અમેરિકા ઈચ્છે છે કે ભારત તેનું મોંઘું તેલ ખરીદે.
