US Midterm Elections: અમેરિકાના મિડટર્મ ચૂંટણીમાં ડેમોક્રેટ્સની જીતથી ટ્રમ્પની મુશ્કેલીઓ વધશે, ભારત પર શું થશે અસર?

US Midterm Elections: અમેરિકાની મિડટર્મ ચૂંટણીમાં જીત બાદ ડેમોક્રેટ્સે રાષ્ટ્રપતિ ડોનાલ્ડ ટ્રમ્પ સામે મોરચો ખોલવાની તૈયારી કરી લીધી છે. સંસદનાં બંને ગૃહો પર નિયંત્રણ મળવાથી પાર્ટીને ટ્રમ્પ વહીવટીતંત્રની નીતિઓને પડકારવા, સરકારી નિર્ણયોની તપાસ કરવા અને તેમની નિમણૂકો અટકાવવાની તક મળશે. હાઉસ ડેમોક્રેટિક નેતા હકીમ જેફ્રીઝે શરૂઆતના 100 કલાકમાં મોંઘવારી અને સામાન્ય લોકોના ખર્ચ ઘટાડવા માટે મોટાં પગલાં લેવાનું વચન આપ્યું છે. આ ઉપરાંત એપસ્ટીન ફાઇલો, ટ્રમ્પ પરિવારના વ્યવસાય, ઈરાન યુદ્ધ અને વહીવટીતંત્રમાં ભ્રષ્ટાચારની તપાસ પણ તેમના એજન્ડામાં છે. મહાભિયોગની શક્યતાને પણ નકારી કાઢવામાં આવી નથી. જોકે, ટ્રમ્પની જીત અને સેનેટમાં રિપબ્લિકન પક્ષની જીત ડેમોક્રેટ્સનો માર્ગ મુશ્કેલ બનાવી શકે છે. આ રાજકીય બદલાવની અસર માત્ર અમેરિકા પૂરતી મર્યાદિત નહીં રહે. ભારત માટે ક્રૂડ ઓઇલના ભાવ, ટેરિફ, H-1B વિઝા, ડૉલર અને AI ક્ષેત્ર પર તેની શું અસર થશે? એક નજર કરીએ.

– ટ્રમ્પ સામે કાર્યવાહી કરવાની તૈયારી શા માટે?

મિડટર્મ ચૂંટણીમાં જીત બાદ ડેમોક્રેટ્સ અમેરિકાના રાષ્ટ્રપતિ ટ્રમ્પ સામે કાર્યવાહી કરવાની તૈયારી કરી રહ્યા છે. બંને ગૃહોમાં બહુમતી મળવાથી ટ્રમ્પની નીતિઓને પડકારવાની, તેમના વહીવટીતંત્રની તપાસ કરવાની અને તેમની નિમણૂકો અટકાવવાની શક્તિ પાર્ટીને મળે છે. ડેમોક્રેટ્સ મોંઘવારી, સામાન્ય લોકોના ખર્ચ અને ઈરાન યુદ્ધના મુદ્દે ઝડપથી પગલાં લેવાનું વચન આપી રહ્યા છે. હાઉસ ડેમોક્રેટિક નેતા હકીમ જેફ્રીઝે સરકારમાં ભ્રષ્ટાચારની તપાસને પ્રાથમિકતા ગણાવી છે. જોકે, ટ્રમ્પ પાસે સેનેટની શક્તિ યથાવત્ છે અને સેનેટના નિયમો પણ રિપબ્લિકન પક્ષને ખરડાઓ અટકાવવાની શક્તિ આપે છે.

– શરૂઆતના 100 કલાક અમેરિકા અને દુનિયા માટે શા માટે મહત્ત્વપૂર્ણ?

હકીમ જેફ્રીઝે હાઉસના શરૂઆતના 100 કલાકમાં સામાન્ય લોકોનો ખર્ચ ઘટાડવા માટે મોટું કાયદાકીય પગલું લેવાનું વચન આપ્યું છે. તેમની પ્રાથમિકતાઓમાં અફોર્ડેબલ કેર એક્ટ હેઠળની હેલ્થ ઇન્શ્યોરન્સ સબસિડી ફરી શરૂ કરવી, ટ્રમ્પના કાર્યકાળ દરમિયાન મેડિકેઇડમાં કરવામાં આવેલા ટ્રિલિયન ડૉલરના કાપને પાછો ખેંચવો અને ટેરિફ દૂર કરવાનો સમાવેશ થાય છે. ડેમોક્રેટ્સ ઈરાનમાં ચાલી રહેલું યુદ્ધ સમાપ્ત કરવા પર ભાર મૂકશે, જેના કારણે ઇંધણના ભાવમાં ઘટાડો થયો છે. બંને ગૃહોમાં બહુમતી સાથે તેઓ પોતાના પ્રસ્તાવો પર મતદાન કરાવી શકે છે. જોકે, બજેટને લઈને ટકરાવથી સરકારી શટડાઉનનું જોખમ પણ છે.

– એપસ્ટીન ફાઇલ્સથી લઈને મહાભિયોગ સુધી, શું છે તૈયારી?

બંને ગૃહો પર ડેમોક્રેટ્સનું નિયંત્રણ મળવાથી ટ્રમ્પ વહીવટીતંત્રની મુશ્કેલીઓ વધી શકે છે. હાઉસ ઓવરસાઇટ કમિટીના સંભવિત અધ્યક્ષ રોબર્ટ ગાર્સિયાએ રિપબ્લિકન પક્ષને સંદેશ આપ્યો, ‘વકીલો તૈયાર કરો.’ જ્યારે સેનેટર રોન વાઇડને લખ્યું, ‘સમન્સ.’ ડેમોક્રેટ્સ અધિકારીઓને હાજર થવા માટે બોલાવી શકે છે, દસ્તાવેજો માગી શકે છે અને જાહેર સુનાવણી યોજી શકે છે. તપાસના સંભવિત મુદ્દાઓમાં ટ્રમ્પ પરિવારના વ્યવસાય, એલોન મસ્કના સરકારી કોન્ટ્રાક્ટ, ઇમિગ્રેશન અને ઈરાન યુદ્ધનો સમાવેશ થાય છે. એપસ્ટીન ફાઇલ્સની પણ તપાસ થઈ શકે છે. ડેમોક્રેટ્સ મહાભિયોગ પણ લાવી શકે છે, પરંતુ રાષ્ટ્રપતિને પદ પરથી હટાવવા માટે સેનેટમાં બે તૃતીયાંશ મત જરૂરી રહેશે.

– નિમણૂકો પર કોનું નિયંત્રણ રહેશે?

સેનેટમાં બહુમતી મળવાથી ડેમોક્રેટ્સને નિમણૂકો પર પણ અધિકાર મળશે. તેઓ ટ્રમ્પ દ્વારા પસંદ કરાયેલા ન્યાયાધીશો અને કેબિનેટના સભ્યોની નિમણૂકો અટકાવી શકે છે. તેનાથી સુપ્રીમ કોર્ટની ખાલી બેઠક પર થનારી નિમણૂકમાં મુશ્કેલી ઊભી થઈ શકે છે. તેનાથી ટ્રમ્પ રાષ્ટ્રપતિ પદ છોડે ત્યાં સુધી અદાલતો પર તેમનો પ્રભાવ મર્યાદિત થઈ શકે છે. આ ઉપરાંત, ડેમોક્રેટિક સેનેટ કમિટીઓના અધ્યક્ષ નક્કી કરશે કે કયા નિષ્ણાતો અને તપાસના મુદ્દાઓ પર કમિટીઓ કામ કરશે.

– કાયદા બનાવવામાં ડેમોક્રેટ્સને મુશ્કેલી શા માટે પડશે?

ડેમોક્રેટ્સ માટે તપાસ શરૂ કરવી સરળ રહેશે, પરંતુ કાયદો પસાર કરાવવો મુશ્કેલ રહેશે. મોટાભાગના ખરડાઓને સેનેટમાં પસાર કરાવવા માટે 60 મતની જરૂર પડશે. ટ્રમ્પ કોઈપણ ખરડા પર વીટો લગાવી શકે છે, જેને રદ કરવા માટે બંને ગૃહોમાં બે તૃતીયાંશ સમર્થન જરૂરી છે. ઇમિગ્રેશન, વેપાર અને લશ્કરી કાર્યવાહીના મામલે પણ ટ્રમ્પ પાસે વ્યાપક અધિકારો છે. જોકે, સાંસદો કાયદા અને સરકારી ખર્ચના નિર્ણયો દ્વારા તેમના પર નિયંત્રણ લાવવાનો પ્રયાસ કરી શકે છે.

અમેરિકાના રાષ્ટ્રપતિની વીટો પાવર શું છે?

રાષ્ટ્રપતિ તરીકે ટ્રમ્પને વીટો પાવર બંધારણના અનુચ્છેદ 1 અને 2 હેઠળ મળેલી એક મહત્ત્વપૂર્ણ બંધારણીય શક્તિ છે. તેનો ઉપયોગ કરીને તેઓ સંસદમાં પસાર થયેલા કોઈપણ ખરડાને કાયદો બનતો અટકાવી શકે છે. ટ્રમ્પે પોતાના અગાઉના કાર્યકાળ દરમિયાન સંરક્ષણ બજેટ, ઈરાનમાં લશ્કરી કાર્યવાહી સંબંધિત પ્રસ્તાવો અને સરહદ પર કટોકટી જેવા મુદ્દાઓ પર ઘણી વખત વીટોનો ઉપયોગ કર્યો હતો.

ડેમોક્રેટ્સ વીટોને કેવી રીતે બિનઅસરકારક બનાવી શકે?

ખરડાની વ્યવસ્થા અનુસાર, રાષ્ટ્રપતિનો વીટો સંપૂર્ણપણે અંતિમ હોતો નથી. જો અમેરિકી કોંગ્રેસનાં બંને ગૃહો (હાઉસ ઓફ રિપ્રેઝન્ટેટિવ્સ અને સેનેટ) બે તૃતીયાંશ બહુમતીથી ખરડો પસાર કરી દે, તો રાષ્ટ્રપતિનો વીટો બિનઅસરકારક બની જાય છે અને રાષ્ટ્રપતિની સહી વિના પણ ખરડો કાયદો બની જાય છે.

ભારત માટે ચૂંટણીનાં પરિણામોનો શું અર્થ છે?

ભારત માટે સૌથી મોટો ફાયદો ક્રૂડ ઓઇલના ભાવના રૂપમાં જોવા મળી શકે છે. તેનાથી આયાત બિલ ઘટશે, ઊર્જા ક્ષેત્ર પરનું દબાણ ઓછું થશે અને મોંઘવારીને નિયંત્રણમાં રાખવામાં મદદ મળી શકે છે. નબળો ડૉલર અને ઘટતી ટ્રેઝરી યીલ્ડ રૂપિયાને મજબૂત બનાવી શકે છે અને વિદેશી રોકાણકારોને જોખમ લેવાની પ્રેરણા આપી શકે છે. તેનાથી ભારતીય બજારોમાં રોકાણના પ્રવાહને ટેકો મળી શકે છે.

ટેરિફ અને AI પર શું અસર થશે?

વિશ્લેષકોનું એવું પણ માનવું છે કે ડેમોક્રેટ્સના નિયંત્રણવાળી સંસદ રાષ્ટ્રપતિ ટ્રમ્પની ટેરિફ નીતિઓ પર વધુ દેખરેખ રાખી શકે છે અને કેટલાક મામલાઓમાં કાયદાકીય પડકારો ઊભા કરી શકે છે. જોકે, ટેરિફ વ્યવસ્થામાં તાત્કાલિક મોટા ફેરફારો થવાની શક્યતા નથી, કારણ કે વેપાર નીતિના ઘણા મહત્ત્વના અધિકારો રાષ્ટ્રપતિ પાસે જ રહે છે. AI અંગે નિષ્ણાતો હજુ પણ સકારાત્મક વલણ ધરાવે છે. તેમનું માનવું છે કે ડેટા સેન્ટર, ક્લાઉડ ઇન્ફ્રાસ્ટ્રક્ચર અને AI રોકાણ આગામી સમયમાં પણ ચાલુ રહેશે. આ ક્ષેત્રોમાં નિયમન અને માળખાકીય સુવિધાઓના વિકાસના મામલે વૈશ્વિક સરકારોની ભૂમિકા વધુ મહત્ત્વપૂર્ણ બની શકે છે.

અમેરિકાની રાજનીતિમાં મહત્ત્વપૂર્ણ વળાંક: પ્રથમ મુસ્લિમ સેનેટર બની અબ્દુલ્લાએ રચ્યો ઇતિહાસ

અમેરિકામાં મિડટર્મ ચૂંટણી દરમિયાન ડૉ. અબ્દુલ અલ-સઈદે ઇતિહાસ રચ્યો છે. તેઓ અમેરિકી સેનેટ માટે ચૂંટાનારા દેશના પ્રથમ મુસ્લિમ બન્યા છે. અબ્દુલે રિપબ્લિકન ઉમેદવાર માર્ક રોટસને હરાવ્યા હતા. તેમને કુલ 51.8 ટકા મત મળ્યા હતા. તેમની જીતને અમેરિકી રાજનીતિમાં એક મહત્ત્વપૂર્ણ બદલાવ તરીકે જોવામાં આવી રહી છે. તેમની પત્ની ડૉ. સારા કુર્કુ કર્ણાટકના ભટકલનાં રહેવાસી છે.

જીત બાદ સેનેટરે કહ્યું, ‘મારું નામ અબ્દુલ રહેમાન અલ સઈદ છે અને મિડટર્મ ચૂંટણીમાં અમે જીત મેળવી છે. મને ખુશી છે કે આજે તમારી સામે તમારો સેનેટર ઊભો છે.’ તેમણે કહ્યું, ‘અમે જાણીએ છીએ કે મારા નામ અને મારા ધર્મને કારણે તમારે પેટ્રોલ ખરીદવું મોંઘું થયું નથી. ન તો તમને રાશન ખરીદવામાં મુશ્કેલી પડી રહી છે.’ તેમણે કહ્યું, ‘તમે જોયું હશે કે હું હંમેશાં ઇન્શાઅલ્લાહ કહું છું. આજે આપણે તે ઇન્શાઅલ્લાહને અલ્હમદુલિલ્લાહમાં બદલી શકીએ છીએ.’ નોંધનીય છે કે એક ચૂંટણી રેલીમાં ટ્રમ્પે અબ્દુલને ખુલ્લેઆમ ‘જિહાદી’ કહ્યા હતા.

ઇલ્હાન ઉમર અને રશિદા તલીબે પોતાની બેઠકો બચાવી

ડેમોક્રેટિક પાર્ટીનાં મુસ્લિમ સાંસદો ઇલ્હાન ઉમર અને રશિદા તલીબે ફરી જીત મેળવી છે. ઓમર કાન્ઝે મિનેસોટા સ્ટેટ સેનેટની બેઠક જીતીને ઇતિહાસ રચ્યો છે. તેઓ આ ગૃહ માટે ચૂંટાનારા પ્રથમ પેલેસ્ટિનિયન-અમેરિકન બન્યા છે.

ભારતીય મૂળના ઉમેદવારોમાં આ રહ્યા વિજેતા

– પ્રમિલા જયપાલ (ડેમોક્રેટ-વોશિંગ્ટન): વોશિંગ્ટનના 7મા ચૂંટણી ક્ષેત્રમાંથી પોતાની બેઠક જાળવી રાખી. રિપબ્લિકન ફાલ્કોન ફોક્સને હરાવ્યા.

– સુહાસ સુબ્રમણ્યમ (ડેમોક્રેટ-વર્જિનિયા): વર્જિનિયાના 10મા ચૂંટણી ક્ષેત્રમાંથી ફરી ચૂંટણી જીત્યા. તેમણે રિપબ્લિકન ઉમેદવાર દેવ વેક્વિનને હરાવ્યા અને 61 ટકાથી વધુ મત મેળવ્યા.

– રાજા કૃષ્ણમૂર્તિ (ડેમોક્રેટ-કેલિફોર્નિયા): કેલિફોર્નિયાના 17મા ચૂંટણી ક્ષેત્રમાંથી પોતાની બેઠક જાળવી રાખી.

– એમી બેરા (ડેમોક્રેટ-કેલિફોર્નિયા): કેલિફોર્નિયાના 7મા ચૂંટણી ક્ષેત્રમાંથી પોતાની બેઠક જાળવી રાખી. રિપબ્લિકન નીરવ નેડને સરળતાથી હરાવ્યા.

– પ્રમિલા જયપાલ (ડેમોક્રેટ-વોશિંગ્ટન): વોશિંગ્ટનના 7મા ચૂંટણી ક્ષેત્રમાંથી પોતાની બેઠક જાળવી રાખી. રિપબ્લિકન ફાવસો રિતેશને હરાવ્યા.

– એમી બેરા (ડેમોક્રેટ-કેલિફોર્નિયા): ડૉ. એમી બેરાએ કેલિફોર્નિયાના 7મા ચૂંટણી ક્ષેત્રમાંથી વધુ એક કાર્યકાળ મેળવ્યો.

મોટા હોદ્દાઓ અને રાજ્યોમાં કેવું રહ્યું પ્રદર્શન?

– પૂજા સેઠી (ડેમોક્રેટ-ટેક્સાસ): ટેક્સાસના હાઉસ ડિસ્ટ્રિક્ટ-47માંથી ચૂંટાઈ આવ્યાં.

– જ્યોતિ સિંહ (ડેમોક્રેટ-જ્યોર્જિયા): રિપબ્લિકન ઉમેદવારને હરાવીને જ્યોર્જિયાની વિધાનસભામાં પહોંચ્યાં. આવું કરનાર પ્રથમ બન્યાં.

– અરુણા મિલર (ડેમોક્રેટ-મેરીલેન્ડ): અમેરિકામાં લેફ્ટનન્ટ ગવર્નર બનનાર પ્રથમ મહિલા દક્ષિણ એશિયાઈ બન્યાં.