Vaibhav Suryavanshi વર્લ્ડ રેકોર્ડ નહીં બનાવી શકે, ૯ ખેલાડીઓ તેમનાથી પણ ઓછી ઉંમરે T20 ઇન્ટરનેશનલ ડેબ્યૂ કરી ચૂક્યા છે

Vaibhav Suryavanshi: યુવા બેટ્સમેન વૈભવ સૂર્યવંશી આયરલેન્ડ સામેની ટી૨૦ શ્રેણીની પ્રથમ મેચમાં ભારત માટે ડેબ્યૂ કરી શકે છે. ૧૫ વર્ષના વૈભવને પહેલીવાર ટીમ ઇન્ડિયામાં સ્થાન મળ્યું છે. IPL ૨૦૨૬માં ૭૭૬ રન બનાવીને વૈભવે ઓરેન્જ કેપ જીતી હતી. તે પહેલા અંડર-૧૯ વર્લ્ડ કપની ફાઈનલમાં વૈભવે ૮૦ બોલમાં ૧૭૫ રન ફટકાર્યા હતા. આ જ પ્રદર્શને તેમને ટીમ ઇન્ડિયામાં સ્થાન અપાવ્યું.

વૈભવ સૂર્યવંશી આયરલેન્ડ સામેની પ્રથમ ટી૨૦ મેચના દિવસે વૈભવ સૂર્યવંશીની ઉંમર ૧૫ વર્ષ અને ૯૧ દિવસ હશે. જો તે ડેબ્યૂ કરે છે તો ભારત માટે ઇન્ટરનેશનલ મેચ રમનાર સૌથી નાની વયના ખેલાડી હશે. હાલમાં આ રેકોર્ડ સચિન તેંડુલકરના નામે છે. ૧૯૮૯માં સચિને ૧૬ વર્ષ અને ૨૦૫ દિવસની ઉંમરે ભારત માટે ડેબ્યૂ કર્યું હતું.

ટી૨૦ ઇન્ટરનેશનલ ક્રિકેટમાં કોના નામે રેકોર્ડ?

ટી૨૦ ઇન્ટરનેશનલ ક્રિકેટમાં ભારત તરફથી વોશિંગ્ટન સુંદરે સૌથી નાની વયમાં ડેબ્યૂ કર્યું હતું. ૨૦૧૭માં ડેબ્યૂ મેચના સમયે તે ૧૮ વર્ષ અને ૮૦ દિવસના હતા. જોકે ઓવરઓલ ટી૨૦ ઇન્ટરનેશનલ ક્રિકેટના સૌથી યુવા ડેબ્યુટન્ટ રોમાનિયાના મારિયન ઘેરાસિમ છે. તેમણે ૧૪ વર્ષ અને ૧૬ દિવસની ઉંમરે ડેબ્યૂ કર્યું હતું. જો વૈભવ શુક્રવારે ભારત માટે ડેબ્યૂ કરે છે તો ટી૨૦ ઇન્ટરનેશનલ મેચ રમનાર ૧૦મા સૌથી નાની વયના ખેલાડી હશે. જો તેમનું ડેબ્યૂ બીજી ટી૨૦માં થાય છે તો તે ટોપ-૧૦ માંથી બહાર થઈ જશે.

સૌથી નાની વયમાં ટી૨૦ ઇન્ટરનેશનલ ડેબ્યૂ કરનાર ખેલાડી

હસન રઝાએ સૌથી નાની વયમાં ટેસ્ટ અને વનડે રમ્યા

પાકિસ્તાનના હસન રઝા સૌથી નાની વયમાં ટેસ્ટ અને વનડે રમનાર ખેલાડી છે. ૧૪ વર્ષ અને ૨૨૭ દિવસની ઉંમરે તેમણે ૧૯૯૬માં ટેસ્ટ ડેબ્યૂ કર્યું હતું. ૧૪ વર્ષ અને ૨૩૩ દિવસની ઉંમરે તેમનું વનડે ડેબ્યૂ થયું હતું. ટેસ્ટ અને વનડેમાં તે એકમાત્ર ખેલાડી છે, જેમણે ૧૫ વર્ષની ઉંમર પહેલા ઇન્ટરનેશનલ ડેબ્યૂ કર્યું.