PM Modi Uzbekistan Kyrgyzstan Visit: વડાપ્રધાન નરેન્દ્ર મોદી ચાર દિવસની વિદેશ યાત્રા માટે શનિવારે રવાના થઈ ગયા છે. PM મોદી 29 ઑગસ્ટથી 1 સપ્ટેમ્બર સુધી ઉઝબેકિસ્તાન અને કિર્ગિસ્તાનની મુલાકાત લેશે. આ દરમિયાન તેઓ પ્રતિનિધિમંડળ સ્તરની મંત્રણા કરશે અને SCOના 26મા શિખર સંમેલનમાં ભાગ લેશે.
PM મોદી ઉઝબેકિસ્તાનના રાષ્ટ્રપતિ શૌકત મિર્ઝિયોયેવના આમંત્રણ પર બે દિવસની દ્વિપક્ષીય મુલાકાત માટે આજે તાશકંદ પહોંચશે. વિદેશ મંત્રાલયમાં સચિવ (પશ્ચિમ) સિબી જ્યોર્જે જણાવ્યું કે આ PM મોદીની ઉઝબેકિસ્તાનની ચોથી મુલાકાત હશે. આ પહેલાં તેમણે 2015માં ઉઝબેકિસ્તાન અને મધ્ય એશિયાના અન્ય દેશોની મુલાકાત લીધી હતી અને ત્યારબાદ 2016 અને 2022માં શાંઘાઈ સહયોગ સંગઠન (SCO) સમિટમાં ભાગ લેવા માટે ત્યાં ગયા હતા.
પોતાની ચાર દિવસની મુલાકાત અંગે PM મોદીએ સોશિયલ મીડિયા પ્લેટફોર્મ X પર જણાવ્યું કે,
- આગામી થોડા દિવસોમાં ઉઝબેકિસ્તાન અને કિર્ગિઝ ગણરાજ્યની મુલાકાત લેવામાં આવશે. આ દરમિયાન તાશકંદમાં રાષ્ટ્રપતિ શૌકત મિર્ઝિયોયેવ સાથે ભારત-ઉઝબેકિસ્તાન મિત્રતાને વધુ મજબૂત બનાવવા માટે દ્વિપક્ષીય મંત્રણા કરવામાં આવશે.
- શાસ્ત્રી મેમોરિયલ અને તાશકંદ સ્ટેટ યુનિવર્સિટી ઑફ ઓરિએન્ટલ સ્ટડીઝમાં મહાત્મા ગાંધી કેન્દ્રની મુલાકાત લેવામાં આવશે.
- બિશ્કેકમાં SCO શિખર સંમેલનમાં બહુપક્ષીય અને દ્વિપક્ષીય બેઠકો યોજાશે.
આ મુદ્દાઓ પર થશે મંત્રણા
વિદેશ મંત્રાલય (MEA) અનુસાર, તાશકંદમાં બંને નેતાઓ વેપાર અને રોકાણ, સંરક્ષણ, ડિજિટલ કનેક્ટિવિટી, ઊર્જા, શિક્ષણ અને લોકો વચ્ચેના પરસ્પર સંબંધોના ક્ષેત્રોમાં સહયોગની સમીક્ષા કરશે અને આગળના માર્ગ માટે એજન્ડા નક્કી કરશે. તેઓ ‘વિકસિત ભારત 2047’ અને ‘ઉઝબેકિસ્તાન-2030’ના સહિયારા વિકાસ લક્ષ્યોને આગળ વધારવા અંગે પણ પોતાના વિચારો રજૂ કરશે. PM મોદી તાશકંદમાં શાસ્ત્રી મેમોરિયલ અને તાશકંદ સ્ટેટ યુનિવર્સિટી ઑફ ઓરિએન્ટલ સ્ટડીઝમાં મહાત્મા ગાંધી સેન્ટરની પણ મુલાકાત લેશે તેવી અપેક્ષા છે.
સચિવ જ્યોર્જે કહ્યું, “વડાપ્રધાનની મુલાકાત ભારત અને ઉઝબેકિસ્તાન વચ્ચેના નજીકના, વિવિધ ક્ષેત્રોમાં વિસ્તરતા અને વધતા વ્યૂહાત્મક સહયોગને વધુ મજબૂત બનાવશે.”
Over the next few days, will be in Uzbekistan and the Kyrgyz Republic.
The programmes include:
Bilateral talks with President Shavkat Mirziyoyev in Tashkent to improve the India-Uzbekistan friendship.
Visit to the Shastri Memorial and the Mahatma Gandhi Centre at the…
— Narendra Modi (@narendramodi) August 29, 2026
SCO સમિટમાં પણ ભાગ લેશે
ઉઝબેકિસ્તાનની રાજકીય મુલાકાત બાદ વડાપ્રધાન મોદી 31 ઑગસ્ટે 26મા SCO શિખર સંમેલનમાં ભાગ લેવા માટે બિશ્કેક જશે. આ વર્ષે SCOની 25મી વર્ષગાંઠ છે અને આ વર્ષની થીમ છે ‘SCOના 25 વર્ષ: ટકાઉ શાંતિ, વિકાસ અને સમૃદ્ધિ તરફ સાથે મળીને’.
બિશ્કેકમાં યોજાનારા આગામી SCO લીડરશિપ સમિટના કાર્યક્રમોમાં 31 ઑગસ્ટે સ્વાગત ભોજન અને બીજા દિવસે સમિટની મુખ્ય બેઠકનો સમાવેશ થાય છે, જેમાં વડાપ્રધાન મોદી પોતાનું સંબોધન આપશે. બિશ્કેકમાં સમિટ દરમિયાન અનેક દ્વિપક્ષીય બેઠકો યોજવાની પણ યોજના છે.
