by : Reena brahmbhatt
લોકો મોટાભાગે સરકારને, સમસ્યાઓને અને સ્થિતિને લઈને બેજવાબદાર જ હોય છે.પરંતુ યાદ રાખજો કે જો તમારી સરકાર નબળી હશે કે, કોઈ ચોક્કસ વસ્તુ માટે તે બેદરકાર હશે તો તમારી સાથે કંઈપણ થઇ શકે છે.તેથી જ હંમેશા સરકાર મજબૂત હોય તે બાબત પણ ધ્યાનમાં રાખો.આજે બાંગ્લાદેશના હિન્દુઓનો કોઈ હાથ પકડનાર નથી.આખી દુનિયા તમાશો જોઈ રહી છે.અને તેમના ઘરો સળગી રહ્યા છે, તેઓ મરી રહ્યા છે. મીન્સ મારવામાં આવી રહ્યા છે.તેમનાઘરો સળગાવાઈ રહ્યા છે.તેમની સ્ત્રીઓ સાથે બળાત્કાર થઇ રહ્યા છે.પરંતુ કોઈ મદદે નથી આવી રહ્યું. બાંગ્લાદેશી હિન્દુઓને ભારત પાસેથી સૌથી વધુ આશા છે. ભારતમાં હિંદુઓની વસ્તી 100 કરોડની આસપાસ હોવાથી બાંગ્લાદેશમાં અત્યાચાર ગુજારાયેલા હિંદુઓ મદદની આશા સાથે ભારતના હિંદુઓ તરફ જોઈ રહ્યા છે.બાંગ્લાદેશમાં તેને સાંભળનાર કોઈ નથી. તેથી ત્યાંના હજારો હિન્દુઓ ભારત-બાંગ્લાદેશ સરહદે પહોંચી ગયા છે. તેઓ ભારતમાં આશ્રયની માંગ કરી રહ્યા છે અને ભારત સરકાર પાસે મદદની વિનંતી કરી રહ્યા છે. સરહદ પર ઉભેલા બાંગ્લાદેશી હિન્દુઓ ભારત સરકારને તેમના માટે સરહદ ખોલવાની અપીલ કરી રહ્યા છે. તેમને ભારતમાં આશ્રય મળવો જોઈએ. તેમનું કહેવું છે કે હિંદુ બહુમતી દેશ હોવાને કારણે ભારતે તેમની મદદ કરવી જોઈએ અને તેમના માટે ભોજનની વ્યવસ્થા કરવી જોઈએ.
સરહદ ખોલવાની માગણી ચાલુ રાખો
એ જ માગણી કરીને આજે બાંગ્લાદેશના હજારો હિંદુઓ કલાકો સુધી પાણીમાં ઊભા રહીને સરહદ ખોલવાની માગણી કરી હતી. પરંતુ BSFએ એકપણ બાંગ્લાદેશી હિંદુને સરહદ પાર કરવા ન દીધી, જેના કારણે ત્યાં તણાવપૂર્ણ સ્થિતિ જોવા મળી હતી. બાંગ્લાદેશના આંતરિક ભાગોમાંથી ભાગી ગયેલા હજારો લોકો હંગામો મચાવતા જોવા મળ્યા હતા.
ભારતીય હિંદુઓ શા માટે ચિંતિત છે?
બાંગ્લાદેશમાં રહેતા હજારો હિંદુઓ આ સમયે આશ્રય માટે ભારત આવવા માંગે છે, પરંતુ ભારત આ સંજોગોમાં ત્યાં રહેતા હિંદુઓને આવકારવાની સ્થિતિમાં નથી. તેનું કારણ એ છે કે શરણાર્થીઓની સંખ્યા હજારોમાં છે અને આટલા લોકોને આશ્રય આપવો સરળ નથી.
સરકાર સમક્ષ ધાર્મિક કટોકટી
સરકાર તેમને આશ્રય આપવા માંગતી હોવા છતાં તેમને ક્યાં સ્થાયી કરશે તે અંગે મૂંઝવણનો સામનો કરી રહી છે. જો તેમને આશ્રય આપવામાં આવશે તો શરણાર્થી સંકટ વધશે. બાંગ્લાદેશમાં હિંદુઓની વસ્તી લગભગ 1.35 કરોડ છે, તેથી આટલી મોટી સંખ્યામાં શરણાર્થીઓને આશ્રય આપવો અને તેમના માટે રોજગાર અને ભોજનની વ્યવસ્થા કરવી સરળ નથી.
બોર્ડર બંધ રાખવાનો નિર્ણય
આથી સરકારે હાલ માટે બોર્ડર બંધ રાખવાનો નિર્ણય લીધો છે. બાંગ્લાદેશ બોર્ડર હોય કે આસામ બોર્ડર… દરેક જગ્યાએ BSF દ્વારા ચુસ્ત સુરક્ષા રાખવામાં આવે છે. રાજ્ય સરકારો એ જ ચિંતા વ્યક્ત કરી રહી છે કે એક-1.5 કરોડ લોકોને આશ્રય આપી શકાય નહીં કારણ કે આશ્રય આપવાથી સિસ્ટમ બગડી જશે.
TAGS : Bangladesh , hindu
