Finger piercing side effects: ફેશનના બદલાતા ટ્રેન્ડ વચ્ચે આજકાલ ફિંગર પિયર્સિંગ યુવાઓમાં ઝડપી લોકપ્રિય થઈ રહ્યું છે. પરંપરાગત રીતે રિંગ પહેરવાની રીતને બદલે હવે લોકો સીધા જ આંગળીમાં છિદ્ર કરાવીને તેમાં નાની જ્વેલરી, સ્ટડ અથવા રિંગ ફિટ કરાવે છે. આ દેખાવમાં ટ્રેન્ડી અને અનોખું લાગે છે, પણ તેના પાછળ અનેક જોખમો છુપાયેલા છે.
ફિંગર પિયર્સિંગ શું છે?
ફિંગર પિયર્સિંગમાં આંગળીની ત્વચામાં છિદ્ર કરીને તેમાં જ્વેલરી મૂકવામાં આવે છે. તેને સામાન્ય રીતે ડર્મલ પિયર્સિંગ કહેવામાં આવે છે. આ દેખાવમાં ભલે ફેશનેબલ લાગે, પરંતુ શરીર માટે સંપૂર્ણપણે સુરક્ષિત નથી.
ઈન્ફેક્શનનું જોખમ
હાથની આંગળીઓમાં ધૂળ અને બેક્ટેરિયા ઝડપથી જમા થાય છે. પિયર્સિંગ કરેલી જગ્યાએ ચેપ થવાનો ભય ઘણો વધારે રહે છે.
ઘાવ ધીમે ભરાય
આંગળી સતત કામમાં લેવાતી હોવાથી ઘાવ જલદી સાજો થતો નથી. જેના કારણે વારંવાર દુખાવો અનુભવાય છે.
કપડાંમાં ફસાવું
ફિંગર પિયર્સિંગમાં લગાવેલી જ્વેલરી ઘણીવાર કપડાં, વાળ, બેગ વગેરેમાં ફસાઈ જાય છે. આથી ઘાવવાળી જગ્યાએ વારંવાર ઈજા થવાની શક્યતા રહે છે.
સ્કિન રિએક્શન
સસ્તા મટિરિયલની જ્વેલરી ત્વચાને એલર્જી, ખંજવાળ અથવા સોજો આપી શકે છે. જો તેની ગુણવત્તા સારી ન હોય તો ચેપ અંદર સુધી ફેલાઈ શકે છે.
કાયમી દાગ
જો પિયર્સિંગ કાઢવું પડે અથવા તે યોગ્ય રીતે સાજું ન થાય તો તે જગ્યાએ કાયમી દાગ રહી શકે છે.
