Investment PPF vs SIP: પોતાના ભવિષ્યની ચિંતા તો દરેકને હોય જ છે, એવામાં આના માટે આપણે રોકાણનો સહારો શોધીએ છીએ. ખાસ કરીને નોકરીયાત લોકો, જે 62 વર્ષ સુધી નોકરી કરે છે અને ત્યાર પછી તેમને પોતાની સેવિંગ્સ (બચત) થી જ કામ ચલાવવું પડે છે. આના માટે ઘણી રીતો હોય છે, પરંતુ સૌથી વધુ લોકો SIP માં અથવા PPF માં રોકાણ કરવાનું પસંદ કરે છે. જોકે ઘણીવાર આપણે બંને વચ્ચે તફાવત નથી કરી શકતા કે લોંગ ટર્મ રોકાણ માટે શું શ્રેષ્ઠ છે. તો આજે અમે તમને જણાવીએ કે તમારા માટે બંનેમાંથી કોને પસંદ કરવું ફાયદાકારક રહેશે.
PPF શું છે?
સૌથી પહેલા તો આપણા માટે એ જાણવું જરૂરી છે કે પીપીએફ શું છે? પીપીએફનું પૂરું નામ પબ્લિક પ્રોવિડન્ટ ફંડ છે. આ ભારત સરકારની એક લોકપ્રિય લોંગ ટર્મ બચત યોજના છે. PPF 15 વર્ષો માટે ટેક્સ ફ્રી રિટર્ન આપે છે. આ રિટાયરમેન્ટ પ્લાનિંગ માટે શ્રેષ્ઠ ઓપ્શન છે. PPF ભારત સરકારની યોજના છે, તો એવામાં આ એક સેફ (સુરક્ષિત) બચત અથવા ઇન્વેસ્ટમેન્ટ પ્લાન છે.
SIP શું છે?
હવે SIP વિશે વાત કરીએ, SIPનું પૂરું નામ સિસ્ટમેટિક ઇન્વેસ્ટમેન્ટ પ્લાન છે. આ એક મ્યુચ્યુઅલ ફંડ છે, જેમાં લોકો વધુ રોકાણ કરવાનું પસંદ કરે છે. આ મ્યુચ્યુઅલ ફંડ શોર્ટ ટર્મ પણ હોઈ શકે છે અને લોંગ ટર્મ પણ હોઈ શકે છે. આમાં તમે દર મહિને એક નાની રકમ રોકાણ કરો છો. આ સંપૂર્ણપણે બજારના ઉતાર-ચઢાવ પર નિર્ભર કરે છે. આ ટેક્સ ફ્રી નથી હોતું અને જ્યારે આમાંથી આપણે પૈસા ઉપાડવા હોય ત્યારે માર્કેટ રેટ મુજબ જ આપણને વ્યાજના પૈસા મળે છે.
પીપીએફ vs એસઆઈપી
પીપીએફ અને એસઆઈપી આ બંને જ લોંગ-ટર્મ રોકાણ માટે સારા ઓપ્શન્સ છે. પરંતુ પીપીએફ સરકારી યોજના છે એવામાં તેનું રિટર્ન નિશ્ચિત હોય છે. પીપીએફમાં તમને 7.1 ટકાના વ્યાજ દર મુજબ રિટર્ન મળશે. તો બીજી તરફ એસઆઈપીનું રિટર્ન નિશ્ચિત હોતું નથી, આ હાઈ રિટર્ન પોલિસી હોય છે જે માર્કેટ સાથે લિંક્ડ (જોડાયેલી) રહે છે. આમાં 10 ટકાથી 14 ટકા સુધી રિટર્ન મળે છે. જોકે પીપીએફમાં પૈસા સુરક્ષિત રહે છે પરંતુ એસઆઈપીમાં રિટર્ન સુરક્ષિત રહેતું નથી.
