Gold Import India: સોનું ખરીદવામાં સંયમ રાખવાની PM નરેન્દ્ર મોદીની અપીલ વચ્ચે Gold Importમાં મોટો ઘટાડો થતો દેખાઈ રહ્યો નથી. એપ્રિલથી જુલાઈ વચ્ચે Gold Import એક વર્ષ અગાઉના સમાન સમયગાળાની સરખામણીએ 32%થી વધુ વધીને 15.17 બિલિયન ડૉલર રહ્યો છે. થિંક ટેન્ક ગ્લોબલ ટ્રેડ રિસર્ચ ઇનિશિયેટિવ (GTRI) અનુસાર, આ સ્થિતિમાં UAEથી મોટા પ્રમાણમાં થઈ રહેલી આયાત મહત્વનો મુદ્દો છે.
સરકારે આયાત પર નિયંત્રણ લાવવા માટે 13 મેના રોજ સોના પર Import Duty 6%થી વધારીને 15% કરી હતી. જોકે, આ વર્ષે એપ્રિલથી જૂન વચ્ચે 11 બિલિયન ડૉલરના Gold Barની આયાત થઈ હતી, જે એક વર્ષ અગાઉના સમાન સમયગાળામાં થયેલી 7.5 બિલિયન ડૉલરની આયાત કરતાં 47.1% વધુ હતી.
UAEથી આયાત કેમ વધી?
GTRI અનુસાર, આ વધારામાં UAEની મોટી ભૂમિકા રહી છે. જૂનમાં UAEથી આયાત 175.2% વધીને 64.94 કરોડ ડૉલર થઈ હતી, જ્યારે બાકીના વિશ્વમાંથી Import 17.7% ઘટીને 1.32 બિલિયન ડૉલર પર આવી ગયો હતો. UAEથી આયાત 41.35 કરોડ ડૉલર વધી હતી, જ્યારે અન્ય દેશોમાંથી તે 28.41 કરોડ ડૉલર ઘટી હતી. આ રીતે ભારતની કુલ Gold Importમાં UAEનો હિસ્સો એક વર્ષ અગાઉના 12.8%થી વધીને 33% થઈ ગયો.
હાઈ-વેલ્યૂ અને ઓછા માર્જિનવાળા બુલિયન ટ્રેડમાં 1 પર્સેન્ટેજ પોઈન્ટનો તફાવત પણ ઘણો મોટો હોય છે. આયાત વધુ દેખાવા પાછળ સોનાના ઊંચા ભાવની અસર પણ હોઈ શકે છે. – અજય શ્રીવાસ્તવ, GTRIના ફાઉન્ડર
એપ્રિલ-જૂન ત્રિમાસિકમાં UAEથી Import 124.8% વધીને 3.14 બિલિયન ડૉલર થઈ ગયો. આ વધારો બાકીના વિશ્વમાંથી આયાતમાં થયેલા 29.3% વધારા કરતાં 4 ગણાથી પણ વધુ હતો. આ ત્રિમાસિકમાં ભારતની કુલ Gold Importમાં 3.53 બિલિયન ડૉલરનો વધારો થયો હતો, જેમાં 1.74 બિલિયન ડૉલરનો હિસ્સો UAEનો હતો.
સોનાની આયાત
- 13 મે: સરકારે ડ્યૂટી 6%થી વધારીને 15% કરી હતી
- 32%: એપ્રિલ-જુલાઈ દરમિયાન Gold Importમાં થયેલો કુલ વધારો
- $15.17 બિલિયન: એપ્રિલ-જુલાઈ વચ્ચે સોનાની આયાતની કુલ કિંમત
- 47.1%: Gold Barની આયાતમાં થયેલો વધારો (એપ્રિલ-જૂન)
- 175.2%: જૂનમાં UAEથી થયેલી આયાતમાં થયેલો વધારો
- 33%: કુલ Gold Importમાં UAEનો હિસ્સો (ગયા વર્ષે 12.8% હતો)
- $3.14 બિલિયન: એપ્રિલ-જૂન ત્રિમાસિકમાં UAEથી થયેલી આયાત
શું છે કારણ?
ટ્રેડ સોર્સિસ અનુસાર, જૂનમાં UAEથી વધુ આયાત પાછળ ડ્યૂટી ડ્રોબેક મેળવવાની રીત જવાબદાર રહી હતી, કારણ કે અનેક લોકોએ ભારતમાંથી જ્વેલરી UAE લઈ જઈને ત્યાંથી ફરી તેને Gold Barના રૂપમાં Import કરી હતી. બીજી તરફ, GTRIના ફાઉન્ડર અજય શ્રીવાસ્તવે UAE સાથે 2022ની ટ્રેડ ડીલનો ઉલ્લેખ કર્યો હતો, જેમાં નક્કી કરવામાં આવ્યું હતું કે મોસ્ટ ફેવર્ડ નેશન ડ્યૂટી કરતાં 1% ઓછી ડ્યૂટી પર ત્યાંથી Gold Import કરવામાં આવશે.
શ્રીવાસ્તવે કહ્યું, ‘હાઈ-વેલ્યૂ અને ઓછા માર્જિનવાળા બુલિયન ટ્રેડમાં 1 પર્સેન્ટેજ પોઈન્ટનો તફાવત પણ ઘણો મોટો હોય છે. આયાત વધુ દેખાવા પાછળ સોનાના ઊંચા ભાવની અસર હોઈ શકે છે, પરંતુ સરકારે તપાસવું જોઈએ કે ડ્યૂટીમાં મળતી છૂટને કારણે UAE ઓરિજિન ટ્રેડ વધી રહ્યો છે કે અન્ય દેશોમાંથી દુબઈના માધ્યમથી માલ આવી રહ્યો છે, કારણ કે UAEમાં કોઈ Gold Mine નથી.’
