Regular Passive Income Options: ભારતીય રોકાણકારોનો દ્રષ્ટિકોણ હવે માત્ર લાંબા સમયના વેલ્થ ક્રિએશન સુધી સીમિત રહ્યો નથી. આજના સમયમાં રોકાણકારો એવી વ્યૂહરચનાઓની શોધમાં છે, જે ભવિષ્યની સુરક્ષાની સાથે સાથે વર્તમાનમાં નિયમિત આવક પણ સુનિશ્ચિત કરે. નાણાકીય નિષ્ણાતોનું માનવું છે કે ફિક્સ્ડ ડિપોઝિટ (FD) ના યુગમાંથી બહાર નીકળીને હવે બજારમાં એવા ઘણા ઓપ્શન મોજૂદ છે, જે તમારા પોર્ટફોલિયોને એક ઇનકમ જનરેટર બનાવી શકે છે. જો તમે દર મહિને અથવા સમયાંતરે કમાણી ઈચ્છતા હોવ, તો આ 7 રોકાણના ઓપ્શન તમારા માટે સારા સાબિત થઈ શકે છે:
SLBM અને ડિવિડન્ડ
જો તમે લાંબા ગાળાના રોકાણકાર છો, તો SLBM (Securities Lending and Borrowing) દ્વારા તમારી પાસે રહેલા શેર્સને ઉધાર આપીને પૈસા કમાઈ શકો છો. આમાં પૈસા લગાવવા પર જે વસ્તુ તમે ખરીદો છો, તે તમારી જ રહે છે, અને જે સારી કંપનીઓ હોય છે, તે પોતાના નફાનો અમુક હિસ્સો સમયાંતરે સીધો તમારા બેંક ખાતામાં મોકલે છે.
REITs અને InvITs
પ્રોપર્ટી ખરીદ્યા વગર રેન્ટલ ઇનકમ જોઈએ છે? REITs કોમર્શિયલ રિયલ એસ્ટેટમાંથી થતી કમાણીનો 90% હિસ્સો રોકાણકારોને વહેંચે છે. તેવી જ રીતે, InvITs દ્વારા તમે રસ્તાઓ અને પાવર ગ્રિડ જેવા પ્રોજેક્ટ્સની ટોલ વસૂલાતમાંથી થતી આવકમાં ભાગીદારી મેળવી શકો છો.
મ્યુચ્યુઅલ ફંડ
Systematic Withdrawal Plan (SWP) રિટાયરમેન્ટની યોજના બનાવનારાઓ માટે ખૂબ જ યોગ્ય છે. આમાં તમે એકસાથે રોકાણ કરીને દર મહિને એક નિશ્ચિત રકમ ઉપાડી શકો છો, જ્યારે બાકીના પૈસા વધતા રહે છે. જણાવી દઈએ કે આ ટેક્સની દ્રષ્ટિએ પણ ખૂબ જ ફાયદાકારક છે.
સુરક્ષિત સરકારી યોજનાઓ
જોખમથી બચવા માંગતા લોકો માટે Post Office Monthly Income Scheme (POMIS) અને વડીલો માટે Senior Citizen Savings Scheme (SCSS) આજે પણ સૌથી ભરોસાપાત્ર છે. આ યોજનાઓ સરકાર દ્વારા સુરક્ષિત છે અને ત્રિમાસિક અથવા માસિક ધોરણે ગેરેંટેડ ચુકવણી સુનિશ્ચિત કરે છે. નિષ્ણાતોનું કહેવું છે કે આજનો રોકાણકાર માત્ર પૈસા વધારવા નથી માંગતો, પરંતુ ફાઈનાન્શિયલ ફ્લેક્સિબિલિટી પણ ઈચ્છે છે. આ ઓપ્શન્સને પોર્ટફોલિયોમાં સામેલ કરીને તમે એક મજબૂત પેસિવ ઇનકમ સ્ટ્રીમ ઊભી કરી શકો છો.
