Stock Market Recovery Plan: છેલ્લા કેટલાક સમયથી શેરબજારમાં રોકાણકારો માટે ઘણું નુકસાન રહ્યું છે. કંપનીઓનું નબળું પ્રદર્શન, અમેરિકન ટેરિફ અને પછી ઈરાન-અમેરિકા/ઈઝરાયેલ યુદ્ધના કારણે દેશની ઘણી દિગ્ગજ કંપનીઓના શેરમાં મોટો ઘટાડો જોવા મળ્યો છે. જોકે આમાં ઘણી કંપનીઓ એવી પણ છે જેણે નાણાકીય વર્ષ 2025-26 ના ચોથા ક્વાર્ટરમાં નફો કર્યો છે, પરંતુ તેની અસર આગળ જોવા મળી શકે છે. શેરોમાં ઘટાડાને કારણે રોકાણકારો ચિંતામાં છે, જ્યારે નિષ્ણાતોએ રોકાણકારોને ધીરજ રાખવાની સલાહ આપી છે. જાણો કઈ મોટી કંપનીઓના શેરમાં ઘટાડો થયો છે:
HCL: 52 સપ્તાહની નીચી સપાટીએ પહોંચ્યો શેર
ભારતની ત્રીજી સૌથી મોટી આઈટી કંપની એચસીએલ ટેક્નોલોજીસના શેરમાં ઘટાડો સતત ચાલુ છે. બીએસઈ સેન્સેક્સ પર શુક્રવારે આ શેર 5.79% ના ઘટાડા સાથે 1,203.25 રૂપિયા પર બંધ થયો હતો.
છેલ્લા ત્રણ સત્રોમાં શેર 15% સુધી ગગડ્યો છે, જેના કારણે માત્ર ત્રણ દિવસમાં રોકાણકારોની આશરે 59,000 કરોડની સંપત્તિ ધોવાઈ ગઈ છે.
ઘટાડાનું મુખ્ય કારણ અમેરિકન ટેલિકોમ કટોકટી છે, જ્યાં મુખ્ય ક્લાયન્ટ્સે બજેટમાં કાપ મૂક્યો છે.
એક્સપર્ટ વ્યૂ: જેફરીઝે તેને ‘અંડરપરફોર્મ’ રેટિંગ આપ્યું છે. આગામી ક્વાર્ટરના પરિણામો અને નવી ડીલ્સ પર નજર રાખવી જરૂરી છે.
HDFC: 3 મહિનામાં 15% નો ઘટાડો
દેશની સૌથી મોટી ખાનગી બેંકના શેર પણ રોકાણકારોને નુકસાન કરાવી રહ્યા છે. આ વર્ષે અત્યાર સુધીમાં શેર 20% થી વધુ તૂટ્યો છે.
બેંકનો લોન-ડિપોઝિટ રેશિયો (LDR) 94.6% ના ઉચ્ચ સ્તરે છે, જે એક મોટો પડકાર છે.
ચોથા ક્વાર્ટરમાં બેંકે 19,221 કરોડ રૂપિયાનો નેટ પ્રોફિટ નોંધાવ્યો છે, જે ગત વર્ષ કરતા 9% વધુ છે.
એક્સપર્ટ વ્યૂ: જેફરીઝે આ શેર પર ‘બાય’ રેટિંગ જાળવી રાખ્યું છે. નિષ્ણાતો માને છે કે વર્તમાન ઘટાડો ખરીદીની સારી તક હોઈ શકે છે.
RIL: શેર ઘટ્યા અને કંપનીને નુકસાન પણ થયું
દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝ પણ બજારના ઘટાડાથી બચી શકી નથી. રશિયન તેલ પર પ્રતિબંધ અને ઈરાન યુદ્ધના કારણે કંપનીના નફા પર અસર પડી છે.
રિલાયન્સનો શેર 5 જાન્યુઆરી 2026 ના રોજની તેની 52 સપ્તાહની ઉચ્ચતમ સપાટી (1611.20 રૂપિયા) થી અત્યાર સુધી 17% થી વધુ તૂટ્યો છે.
ચોથા ક્વાર્ટરમાં કંપનીનો નેટ પ્રોફિટ 13% ઘટીને 16,971 કરોડ રૂપિયા રહ્યો છે.
એક્સપર્ટ વ્યૂ: વિશ્લેષકોનું માનવું છે કે જો કંપની મજબૂત પરિણામો અને હકારાત્મક આઉટલુક આપશે, તો શેરમાં રિકવરી આવી શકે છે.
TCS: 3 મહિનામાં 24% ગગડ્યો શેર
ટાટા ગ્રુપની આ કંપનીને ચોથા ક્વાર્ટરમાં જબરદસ્ત નફો થયો હોવા છતાં શેર સતત ઘટી રહ્યો છે.
શુક્રવારે શેરમાં 5% નો ઘટાડો થયો અને તે 2397.30 રૂપિયા પર બંધ થયો. એક અઠવાડિયામાં માર્કેટ કેપમાં 67,000 કરોડનો ઘટાડો થયો છે.
છેલ્લા 3 મહિનામાં આ શેર આશરે 24% જેટલો લુઢકી ગયો છે.
એક્સપર્ટ વ્યૂ: મોર્ગન સ્ટેનલીએ ટીસીએસ પર ‘ઓવરવેટ’ રેટિંગ જાળવી રાખ્યું છે અને આગામી 60 દિવસમાં બજાર કરતા વધુ સારા વળતરની અપેક્ષા વ્યક્ત કરી છે.
