Hiring International Students on OPT: અમેરિકામાં નોકરી કરવા ઈચ્છતા વિદ્યાર્થીઓમાં H-1B વિઝા અત્યંત લોકપ્રિય છે. પરંતુ તાજેતરના ફેરફારોએ કંપનીઓ માટે વિદેશી વર્કર્સને હાયર કરવાનું મોંઘું કરી દીધું છે.
મુખ્ય ફેરફારો અને તેની અસર
ફીમાં વધારો: ગયા વર્ષે સપ્ટેમ્બરમાં H-1B વિઝાની ફી વધારીને 1 લાખ ડોલર કરી દેવામાં આવી હતી. આનાથી નાના સ્ટાર્ટઅપ્સ માટે વિદેશી ટેલેન્ટને હાયર કરવું મુશ્કેલ બન્યું છે.
નવો લોટરી નિયમ: હવે વિઝા આપવામાં એવા લોકોને પ્રાથમિકતા મળે છે જેમને પગાર વધુ મળતો હોય. આનો સીધો ફાયદો ગૂગલ, એમેઝોન અને માઈક્રોસોફ્ટ જેવી મોટી કંપનીઓને મળી રહ્યો છે.
કંપનીઓએ કેવી રીતે શોધી ‘કાટ’? (નવી સ્ટ્રેટેજી)
મોટી ટેક કંપનીઓ હવે સીધા H-1B વિઝા સ્પોન્સર કરવાને બદલે વિદ્યાર્થીઓને OPT (Optional Practical Training) દ્વારા હાયર કરી રહી છે:
OPT અને STEM-OPT: અમેરિકામાં ભણતા વિદ્યાર્થીઓને 12 મહિના નોકરીની છૂટ મળે છે. જો વિદ્યાર્થી સાયન્સ, ટેકનોલોજી, એન્જિનિયરિંગ કે મેથ્સ (STEM) ક્ષેત્રનો હોય, તો તેને 3 વર્ષ સુધી નોકરી કરવાની પરવાનગી મળે છે.
ફીની બચત: STEM-OPT દ્વારા વિદ્યાર્થીઓને હાયર કરવાથી કંપનીઓએ તાત્કાલિક 1 લાખ ડોલરની H-1B ફી ચૂકવવી પડતી નથી.
ગ્લોબલ ટ્રાન્સફર: જો વિઝા ન મળે, તો આ કંપનીઓ પોતાના કર્મચારીઓને અમેરિકાની બહાર અન્ય દેશોમાં આવેલા પોતાના ઓફિસોમાં પણ મોકલી શકે છે.
વિદ્યાર્થીઓ માટે શું છે સારા સમાચાર?
મોટી ટેક કંપનીઓ હવે વિદ્યાર્થીઓને લાંબા ગાળા માટે સીધા હાયર કરવા માટે વધુ ઉત્સુક છે. જો તમારી પાસે અમેરિકન યુનિવર્સિટીની માસ્ટર્સ ડિગ્રી હોય અને સારી સેલરી ઓફર મળતી હોય, તો વિઝા મેળવવાની શક્યતા હવે વધી ગઈ છે.
