US College Internships: અમેરિકાના જોબ માર્કેટમાં વિદ્યાર્થીઓ માટે ડિગ્રી લઈને નોકરી મેળવવી મુશ્કેલ બની ગઈ છે. હાલમાં જ કોલેજમાંથી ગ્રેજ્યુએટ થયેલા યુવાનો વચ્ચે બેરોજગારી દર સામાન્ય વર્કર્સની સરખામણીમાં વધારે છે. ફોર્બ્સ દ્વારા જણાવવામાં આવેલા આંકડાઓ મુજબ, ૨૨ થી ૨૭ વર્ષની ઉંમરના તાજેતરના ગ્રેજ્યુએટ્સ વચ્ચે બેરોજગારી દર ૪.૮% છે, જ્યારે સામાન્ય વર્કર્સ વચ્ચે બેરોજગારી દર ૪% છે. બેચલર્સ ડિગ્રીવાળા ગ્રેજ્યુએટ્સ વચ્ચે તો બેરોજગારી દર વધુ છે, જે ૭.૪% પર પહોંચી ગયો છે.
આ જ કારણ છે કે વિદ્યાર્થીઓ એવી કોલેજોમાં એડમિશન લેવા માંગે છે, જ્યાં ઇન્ટર્નશિપ અને કો-ઓપ પ્રોગ્રામનો વિકલ્પ મળે. ઘણી બધી ટોપ યુનિવર્સિટીઓએ પોતાના અભ્યાસક્રમમાં ઇન્ટર્નશિપ અને જોબ ટ્રેનિંગને જોડી દીધું છે. આનાથી વિદ્યાર્થીઓને અભ્યાસની સાથે-સાથે જોબ કરીને અનુભવ મેળવવાની તક મળે છે. ફોર્બ્સે અમેરિકાની ૧૫ એવી કોલેજોની યાદી તૈયાર કરી છે, જે કો-ઓપ પ્રોગ્રામ અને ઇન્ટર્નશિપ પૂરી પાડવા માટે જાણીતી છે. અહીંથી અભ્યાસ કરનારા વિદ્યાર્થીઓનું કરિયર સુરક્ષિત રહે છે.
ટોપ-૧૫ કોલેજ-યુનિવર્સિટીની યાદી
૧. જ્યોર્જિયા ઇન્સ્ટિટ્યૂટ ઓફ ટેકનોલોજી
૨. કાર્નેગી મેલન યુનિવર્સિટી
૩. યુનિવર્સિટી ઓફ વોશિંગ્ટન
૪. કોલેજ ઓફ વિલિયમ એન્ડ મેરી
૫. યુનિવર્સિટી ઓફ મિયામી
૬. બેબ્સન કોલેજ
૭. એરિઝોના સ્ટેટ યુનિવર્સિટી
૮. નોર્ટઈસ્ટર્ન યુનિવર્સિટી
૯. રેન્સસેલેર પોલિટેકનિક ઇન્સ્ટિટ્યૂટ
૧૦. ડ્રેક્સેલ યુનિવર્સિટી
૧૧. કેટરિંગ યુનિવર્સિટી
૧૨. વેન્ટવર્થ ઇન્સ્ટિટ્યૂટ ઓફ ટેકનોલોજી
૧૩. બેરિયા કોલેજ
૧૪. યુનિવર્સિટી ઓફ ટેક્સાસ એટ એલ પાસો
૧૫. રોચેસ્ટર ઇન્સ્ટિટ્યૂટ ઓફ ટેકનોલોજી
ફોર્બ્સનું કહેવું છે કે આ યાદીમાં સામેલ કોલેજ-યુનિવર્સિટીમાંથી અભ્યાસ કરનારા વિદ્યાર્થીઓને તેમની ડિગ્રી પ્રમાણે સરળતાથી નોકરી મળી જાય છે. તેનું એક મુખ્ય કારણ એ છે કે અભ્યાસ દરમિયાન જ તેમને જરૂરી ટ્રેનિંગ મળી ચૂકી હોય છે. માત્ર એટલું જ નહીં, પરંતુ તેઓ જોબ માર્કેટમાં કામ કરવા માટે સંપૂર્ણપણે તૈયાર રહે છે. ડિગ્રી મળ્યા પછી જોબ મેળવવાનો દર પણ ઘણો વધારે છે. આ યાદીમાં સામેલ ૧૫ સંસ્થાઓમાંથી અભ્યાસ કરનારા ૮૦% વિદ્યાર્થીઓને ડિગ્રી મળ્યાના છ મહિનાની અંદર જ જોબ મળી ગઈ.
