Vadodara Mumbai Expressway: 31 ઓગસ્ટથી ગુજરાત અને મહારાષ્ટ્રનું અંતર ઘટીને માત્ર ચાર કલાકનું થઈ જશે. દિલ્હી મુંબઈ એક્સપ્રેસવે (NE4)નો વડોદરા-મુંબઈ હિસ્સો ખુલવાથી લોકો માત્ર અડધા સમયમાં જ મુસાફરી પૂરી કરી શકશે. સૂત્રોનું કહેવું છે કે દિલ્હી-મુંબઈ એક્સપ્રેસવેનો મુંબઈ-વડોદરા સેક્શન 31 ઓગસ્ટે સામાન્ય લોકો માટે ખુલવાની આશા છે, જેના કારણે બંને શહેરો વચ્ચે મુસાફરીનો સમય 8 કલાકથી ઘટીને માત્ર 4 કલાક થઈ જશે. મહારાષ્ટ્રના મુખ્યમંત્રી દેવેન્દ્ર ફડણવીસે કહ્યું છે કે મહારાષ્ટ્રમાં સમગ્ર હિસ્સો 31 ઓગસ્ટ, 2026 સુધી ટ્રાફિક માટે ખોલવાની યોજના છે. આ હિસ્સો ખુલવાની લાંબા સમયથી રાહ જોવાઈ રહી છે.
પાંચ પેકેજ પૂર્ણ થઈ ચૂક્યા છે
મુંબઈ-વડોદરા એક્સપ્રેસવે દેશના સૌથી લાંબા દિલ્હી-મુંબઈ એક્સપ્રેસવેનો એક ભાગ છે. તાજા અપડેટ અનુસાર 157 કિલોમીટરનો મુંબઈ-વડોદરા સેક્શન આશરે ₹24,000 કરોડના ખર્ચે બનાવવામાં આવી રહ્યો છે. ફડણવીસે જણાવ્યું કે આ હિસ્સાના સાતમાંથી પાંચ કન્સ્ટ્રક્શન પેકેજ પૂર્ણ થઈ ચૂક્યા છે અને ટ્રાફિક માટે તૈયાર છે. દિલ્હી-મુંબઈ એક્સપ્રેસવે 8-લેન ધરાવતો 1,400 કિલોમીટર લાંબો એક્સેસ-કન્ટ્રોલ્ડ હાઇવે છે, જે પાંચ રાજ્યોને કનેક્ટિવિટી આપે છે. તેમાં હરિયાણા, રાજસ્થાન, મધ્ય પ્રદેશ, ગુજરાત અને મહારાષ્ટ્ર સામેલ છે. આ એક્સપ્રેસવે દિલ્હી-NCR, ગુજરાત અને મહારાષ્ટ્રના ઇન્ડસ્ટ્રિયલ હબને જવાહરલાલ નેહરુ પોર્ટ ઓથોરિટી (JNPA) સાથે સીધી કનેક્ટિવિટી આપે છે. આ એક્સપ્રેસવે સંપૂર્ણ રીતે ખુલ્યા બાદ મુંબઈથી દિલ્હીનો રોડ માર્ગે પ્રવાસ માત્ર 12 કલાકમાં પૂર્ણ થશે. આ PM નરેન્દ્ર મોદીના મોટા ડ્રીમ અને ઇન્ફ્રા પ્રોજેક્ટમાં સામેલ છે. તેના કામમાં વિલંબ થયો છે.
માત્ર ચાર કલાકમાં અંતર કાપી શકાશે
રાજ્ય લીડરશિપના અપડેટ અનુસાર, વડોદરા-મુંબઈ એક્સપ્રેસવેનો સંપૂર્ણ મહારાષ્ટ્ર હિસ્સો 31 ઓગસ્ટ, 2026 સુધી ખોલવાની યોજના છે. હાલમાં કેટલાક હિસ્સા ખુલ્લા છે. ગુજરાતમાં કેટલાક સેક્શન અને હિસ્સા (જેમ કે વડોદરાથી ભરૂચ) પહેલેથી જ ખુલ્યા છે. તે ચાલુ છે. મહારાષ્ટ્રમાં સાતમાંથી પાંચ કન્સ્ટ્રક્શન પેકેજ પૂર્ણ થઈ ચૂક્યા છે. બાકીનું કામ પૂર્ણ થવાના આરે છે, જેથી સંપૂર્ણ ટ્રાફિક શરૂ થઈ શકે. આ હિસ્સો ખુલ્યા બાદ એક્સપ્રેસવે વડોદરા અને મુંબઈ વચ્ચે મુસાફરીનો સમય આશરે 4 કલાક ઘટાડશે, જોકે હાલમાં કેન્દ્ર સરકાર હેઠળ આવતા NHAIએ અંતિમ તારીખની જાહેરાત કરી નથી.
