Benefits of nutmeg powder: ભારતીય ભોજનમાં ઘણા પ્રકારના મસાલાનો ઉપયોગ કરવામાં આવે છે, જેમાંથી એક જાયફળ છે. ભોજનમાં સ્વાદ અને સુગંધ વધારવાની સાથે જાયફળને સ્વાસ્થ્ય માટે પણ ખૂબ ફાયદાકારક માનવામાં આવે છે. જાયફળના ફાયદાઓને વધુ વધારવા માટે તેને દૂધમાં નાખીને પીવું ખૂબ જ સારું માનવામાં આવે છે. રાત્રે ઊંઘતા પહેલા દૂધમાં એક ચુટકી જાયફળ પાવડર મિક્સ કરીને પીવાથી ખૂબ રાહત મળે છે. આયુર્વેદમાં પણ જાયફળના ઘણા ફાયદાઓનો ઉલ્લેખ કરવામાં આવ્યો છે. જાયફળ પોતાના હીલિંગ ગુણો માટે જાણીતું છે. આયુર્વેદમાં સદીઓથી જાયફળનો ઉપયોગ દવા તરીકે કરવામાં આવે છે. ચાલો જાણીએ કે દરેક વ્યક્તિએ દરરોજ જાયફળમાં દૂધ મિક્સ કરીને કેમ પીવું જોઈએ. આ સાથે જ તેને બનાવવાની રીત પણ જાણીએ.
સારી ઊંઘ માટે જાયફળનું દૂધ ખૂબ ફાયદાકારક
શું તમને પણ રાત્રે ઊંઘ નથી આવતી? જાયફળનું દૂધ તમને આ સમસ્યામાં ઘણી મદદ કરી શકે છે. જાયફળમાં મિરિસ્ટિસિન અને સેફ્રોલ નામનાનું કમ્પાઉન્ડ હોય છે. જ્યારે તમે રાત્રે જાયફળનું સેવન કરો છો, ત્યારે તમને સારી ઊંઘ આવે છે. પ્રાચીન સમયમાં જ્યારે કોઈ વ્યક્તિને અનિદ્રાની સમસ્યા થતી હતી, ત્યારે તેને જાયફળ આપવામાં આવતું હતું.
પાચન સબંધિત સમસ્યાઓને કહો બાય-બાય
જાયફળમાં એન્જાઈમ હોય છે, જે પાચન તંત્રને સ્વસ્થ બનાવવામાં મદદ કરે છે. તે કબજિયાત, ઝાડા અને અન્ય પાચન સમસ્યાઓ ઘટાડવામાં મદદ કરે છે. રાત્રે સૂતા પહેલા દૂધમાં જાયફળ મિક્સ કરીને પીવાથી પાચન તંત્રમાં સુધારો થાય છે અને તમે બીજા દિવસે હળવાશ અનુભવશો.
જાયફળમાં અનેક પ્રકારના એન્ટીઑકિસડન્ટ હોય છે જે તમારા લીવરને સાફ કરવામાં મદદ કરે છે. જાયફળ શરીરમાંથી તમામ ઝેરી તત્વોને બહાર કાઢવામાં મદદ કરે છે અને લીવરના ફંક્શનને પણ બૂસ્ટ કરે છે. દૂધમાં એક ચુટકી જાયફળનું પાવડર મિક્સ કરીને પીવાથી તમારું શરીર સરળતાથી ડિટોક્સિફાય થઈ જાય છે.
શરદી અને ખાંસીને દૂર કરે છે
જાયફળમાં એન્ટી-ઈમ્ફ્લેમેટરી અને એન્ટી-વાયરલ ગુણ હોય છે જે શરદી અને ખાંસીને દૂર કરવામાં મદદ કરે છે.
રોગપ્રતિકારક શક્તિ મજબૂત બને
જાયફળમાં વિટામિન સી અને ઝીંક હોય છે જે રોગપ્રતિકારક શક્તિને મજબૂત બનાવવામાં મદદ કરે છે.
કેવી રીતે તૈયાર કરવું જાયફળ વાળું દૂધ
એક કપ દૂધ ઉકાળો અને તેમાં એક ચતુર્થાંશ ચમચી જાયફળ પાવડર ઉમેરો. ઊંઘતા પહેલા તેને પીવો.