કુલ ૩૫ પંચાયત બેઠકો માટે નોંધાયેલા ૭૦૯૩૩ મતદારો પોતાના મતાધિકારનો ઉપયોગ કરશે
વડોદરા જિલ્લામાં સ્થાનિક સ્વરાજ્યની સંસ્થાઓની મધ્યસત્ર પેટાચૂંટણી માટે મતદાન ૧૬મી, રવિવારના રોજ યોજાશે. જેમાં કરઝણ નગરપાલિકાના 7 વોર્ડની કુલ 28 બેઠકો સહિત વિવિધ પંચાયતોની કુલ 35 બેઠકો માટે 70933 નોંધાયેલા મતદારો તેમના મતાધિકારનો ઉપયોગ કરશે. ચૂંટણી પ્રક્રિયા શાંતિપૂર્ણ વાતાવરણમાં પૂર્ણ થાય તે માટે જિલ્લા વહીવટીતંત્રે આ બધી તૈયારીઓ પૂર્ણ કરી લીધી છે. શનિવારે, ચૂંટણી કર્મચારીઓ EVM અને અન્ય સાધનો સાથે સંબંધિત મતદાન કેન્દ્રો પર પહોંચ્યા.
કરજણા નગરપાલિકાના 7 વોર્ડની 28 બેઠકો માટે કુલ 27,177 મતદારો નોંધાયેલા છે, જેમાં 13,489 પુરુષો અને 13,679 મહિલાઓનો સમાવેશ થાય છે. રવિવારે પ્રિસાઇડિંગ ઓફિસર સહિત કુલ ૧૭૮ ચૂંટણી કર્મચારીઓ ફરજ પર રહેશે. તે બધાને સ્થાનિક સરકારના ચૂંટણી વિભાગ દ્વારા ચૂંટણી સંબંધિત તાલીમ આપવામાં આવી છે. આ ઉપરાંત સાવલી અને પાદરામાં એક-એક બેઠક, વડોદરા તાલુકામાં ત્રણ બેઠક અને વડુ અને સાધલી બેઠક પર મતદાન થશે. આમ, કુલ ૩૫ બેઠકો માટે ૭૦ મતદાન મથકો પર મતદાન થશે. આ માટે, લગભગ 466 ચૂંટણી કાર્યકરોને તૈનાત કરવામાં આવ્યા છે.
