BJP on Congress Rally: રાજધાની દિલ્હીના રામલીલા મેદાનમાં આજે કોંગ્રેસની મહારેલી પહેલાં BJPએ જોરદાર પ્રહાર કર્યો છે. BJPએ એક્સ પર પોસ્ટ કરીને આ રેલીને ‘ઠગોનો મેળો’ ગણાવી છે. BJPએ INDIA ગઠબંધન પર દેશવિરોધી શક્તિઓના ઇશારે કામ કરવાનો આરોપ લગાવ્યો છે. બીજી તરફ, આ પહેલાં BJPએ આ દિવસે રેલી યોજવાને શીખોનું અપમાન ગણાવ્યું હતું. BJPનું કહેવું છે કે આ જ દિવસે શીખોનો નરસંહાર કરવામાં આવ્યો હતો અને કોંગ્રેસ પાર્ટી આ જ દિવસે રેલી યોજીને તેમનું દુઃખ ફરી તાજું કરવાનો પ્રયાસ કરી રહી છે.
BJPએ મહારેલીને ‘ઠગોનો મેળો’ ગણાવ્યો
BJPએ INDIA ગઠબંધનની મહારેલી પર પ્રહાર કરતાં એક પોસ્ટર જાહેર કર્યું અને સાથે લખ્યું કે આજે દિલ્હીના રામલીલા મેદાનમાં ફરી એકવાર ‘ઠગોનો મેળો’ ભરાવાનો છે. તેમનો હેતુ પોતાની રાજકીય જમીન બચાવવા માટે દેશવિરોધી શક્તિઓના ઇશારે દેશમાં અફવા અને અરાજકતા ફેલાવવાનો છે.
आज दिल्ली के रामलीला मैदान में फिर से लगने वाला है – “ठगों का मेला”
मक़सद – अपनी राजनीतिक ज़मीन बचाने के लिए देश विरोधी ताकतों के इशारे पर देश में अफवाह व अराजकता फैलाना https://t.co/wi4IBfTTc9
— BJP Delhi (@BJP4Delhi) November 1, 2026
BJPએ 1984ની હિંસાનો ઉલ્લેખ કર્યો
BJPએ 1984ની હિંસાનો ઉલ્લેખ કરીને કોંગ્રેસ પાર્ટી પર જોરદાર પ્રહાર કર્યો છે. BJPએ કહ્યું કે 1 નવેમ્બર, 1984ના રોજ દિલ્હી સહિત દેશના અનેક વિસ્તારોમાં શીખો વિરુદ્ધ ભીષણ હિંસા થઈ હતી. ઘરો સળગાવવામાં આવ્યા, પરિવારો વેરવિખેર કરવામાં આવ્યા અને હજારો નિર્દોષ લોકોની હત્યા કરવામાં આવી હતી. આ હિંસામાં કોંગ્રેસના નેતાઓની ભૂમિકા અને તત્કાલીન વડાપ્રધાન રાજીવ ગાંધીનાં વિવાદાસ્પદ નિવેદનો આજે પણ જવાબદારી અંગેના ગંભીર સવાલો ઊભા કરે છે. ચાર દાયકા પછી પણ પીડિતોનું દુઃખ અને ન્યાયની માગ યથાવત્ છે. 1984ના ઘા આજે પણ જીવંત છે. કોંગ્રેસ પોતાના નાટકના ઘોંઘાટમાં તેમને દબાવી શકતી નથી.
