વોશિંગ્ટન, 30 જાન્યુઆરી, 2022: અમેરિકાના રાષ્ટ્રપતિ ડોનાલ્ડ ટ્રમ્પે ગેરકાયદેસર ઇમિગ્રન્ટ્સને પ્રી-ટ્રાયલ અટકાયતની મંજૂરી આપતા તેમના પહેલા કાયદા પર હસ્તાક્ષર કર્યા છે. આ કાયદો ચોરી અને ઘરફોડ ચોરી જેવા ગુનાઓના આરોપી ગેરકાયદેસર ઇમિગ્રન્ટ્સને તેમની ટ્રાયલ પહેલાં અટકાયતમાં રાખવાનો અધિકાર આપે છે.
‘લેક રાયલી એક્ટ’ને અગાઉ યુએસ સંસદના બંને ગૃહો – હાઉસ અને સેનેટમાં દ્વિપક્ષીય સમર્થન મળ્યું હતું. ટ્રમ્પે 20 જાન્યુઆરીએ પદ સંભાળ્યા પછી તેમના પ્રથમ બિલ તરીકે આ પર હસ્તાક્ષર કર્યા.
ટ્રમ્પે કહ્યું, “આ કાયદા હેઠળ, ગૃહ સુરક્ષા વિભાગ પાસે ચોરી, ઘરફોડ ચોરી, લૂંટ, પોલીસ અધિકારી પર હુમલો, હત્યા અથવા ગંભીર ઈજા સહિતના ગુનાઓ માટે ધરપકડ કરાયેલા તમામ ગેરકાયદેસર ઇમિગ્રન્ટ્સને અટકાયતમાં રાખવાનો અધિકાર હશે.”
આ કાયદાનું નામ જ્યોર્જિયાના 22 વર્ષીય નર્સિંગ વિદ્યાર્થી લેકન રિલીના નામ પરથી રાખવામાં આવ્યું છે. વેનેઝુએલાથી આવેલા એક ગેરકાયદેસર ઇમિગ્રન્ટ દ્વારા વિદ્યાર્થીની હત્યા કરવામાં આવી હતી. ટ્રમ્પે તેને ‘ઐતિહાસિક કાયદો’ ગણાવ્યો.
ડેમોક્રેટિક પાર્ટીના કોંગ્રેસમેન ડિક ડર્બિને કાયદાની ટીકા કરતા કહ્યું કે તે ફેડરલ સરકારની શક્તિઓને નબળી પાડે છે અને બંધારણ દ્વારા નિર્ધારિત ઇમિગ્રેશન નીતિઓની વિરુદ્ધ જાય છે.
આ બિલ સેનેટમાં 64 થી 35 મતથી પસાર થયું હતું, જ્યારે ગૃહમાં તેને 263 થી 156 મતથી મંજૂરી આપવામાં આવી હતી.
