WhatsApp Strict Account Settings: WhatsApp એ પોતાના યુઝર્સની પ્રાઈવસીને વધુ મજબૂત કરવા માટે થોડા સમય પહેલા જ એક નવું ફીચર ‘Strict Account’ લોન્ચ કર્યું હતું. આ ફીચરને રોલ આઉટ કરવાનું શરૂ કરી દેવામાં આવ્યું છે. એપના સેટિંગમાં જઈને આ ફીચરને ઓન કરી શકાય છે. કંપનીના બ્લોગ પોસ્ટ અનુસાર, જો તમે આ ફીચર ઓન કરો છો તો એકાઉન્ટના કેટલાક સેટિંગ્સ વધુ સુરક્ષિત મોડમાં લોક થઈ જશે. આને ઓન કરવાથી એકસાથે જ અજાણ્યા નંબર પરથી આવતા એટેચમેન્ટ અને મીડિયાની સાથે કોલ-મેસેજ બધું જ બ્લોક થઈ જાય છે. આની મદદથી વોટ્સએપ દ્વારા સાયબર ગુનેગારો તમારી આસપાસ પણ ભટકી શકશે નહીં. ચાલો, આને ઓન કરવાની રીત જાણીએ.
પ્રાઈવસી સેટિંગમાં મળે છે નવું ફીચર
Strict Account Settings ને ઓન કરીને તમે એકસાથે અનેક પ્રાઈવસી ફીચર્સ ચાલુ કરી દો છો. આ એડવાન્સ સાયબર ખતરાઓથી બચવામાં પણ કામ આવશે. આનાથી કેટલાક સેટિંગ્સ આપમેળે બ્લોક થઈ જશે. જોકે, આ તમારા મેસેજિંગ અને કોલ્સના અનુભવને થોડો ઓછો કરી શકે છે.
કેવી રીતે ઓન કરવું?
આ ફીચરને ઓન કરવા માટે તમારે સૌથી પહેલા વોટ્સએપના સેટિંગ્સમાં જવું પડશે.
ત્યારબાદ Privacy ના ઓપ્શન પર ક્લિક કરો.
પછી તમારે સ્ક્રોલ ડાઉન કરીને નીચે આવવાનું છે અને Advanced સેટિંગમાં જવાનું છે.
આના પર ક્લિક કરતા જ તમારી સામે અનેક ઓપ્શન આવી જશે.
તમારે સૌથી નીચે આવી રહેલા Strict Account Settings ની સામે દેખાતા ટોગલ પર ક્લિક કરવાનું રહેશે.
હવે Continue પર ક્લિક કરી દો. પછી Turn On ઓપ્શન પર ક્લિક કરો.
આ પેજ પર તમે જોઈ શકશો કે આ સેટિંગમાં કયા-કયા ઓપ્શન આપવામાં આવ્યા છે.
શું થશે ફાયદો?
આ ફીચર ઓન કર્યા પછી અજાણ્યા નંબર પરથી આવતી મીડિયા ફાઈલ અને એટેચમેન્ટ આપમેળે બ્લોક થઈ જશે.
ફક્ત તમારી કોન્ટેક્ટ લિસ્ટમાં સામેલ લોકો જ તમને કોઈ ગ્રુપમાં એડ કરી શકશે.
તમામ અજાણ્યા નંબર પરથી આવતા કોલ સાયલન્ટ થઈ જશે અને તેનું નોટિફિકેશન પણ નહીં આવે.
અજાણ્યા એકાઉન્ટ પરથી આવતા મેસેજ પણ બ્લોક કરી દેવામાં આવશે.
લિંક પ્રિવ્યૂ ડિસેબલ થઈ જશે.
જો તમારો સિક્યુરિટી કોડ બદલાય છે તો તમને નોટિફિકેશન મળશે.
ફક્ત તમારા કોન્ટેક્ટ્સ જ તમારો પ્રોફાઈલ ફોટો, અબાઉટ, સ્ટેટસ અને લાસ્ટ સીન જોઈ શકશે.
આ રીતે તમારું વોટ્સએપ એકાઉન્ટ સાયબર ગુનેગારોથી સુરક્ષિત રહેશે.
