Bank Loan Precautions: આપણા જીવનમાં ક્યારેક ને ક્યારેક કદાચ એવો સમય આવી જાય છે જ્યારે આપણને એકસાથે ઘણા બધા પૈસાની જરૂર હોય છે, પરંતુ મિડલ ક્લાસ પાસે એકસાથે ઘણા પૈસા હોવા ખૂબ મુશ્કેલ હોય છે. હકીકતમાં, લોકો પોતાની આજીવિકા ચલાવવા માટે કામ કરે છે. જ્યાં એક મોટો વર્ગ નોકરીપેશા છે તો વળી ઘણા લોકો પોતાનું કામ પણ કરે છે. જેમ કે, પોતાની દુકાન વગેરે.
પરંતુ ઘણીવાર ઉચ્ચ શિક્ષણ માટે, મેડિકલ સમસ્યા માટે, લગ્ન માટે વગેરે માટે લોકોને ઘણા પૈસાની જરૂર હોય છે જેના કારણે લોકોએ લોન લેવી પડે છે. લોકો પોતાની જરૂરિયાતો મુજબ લોન લે છે. પરંતુ શું તમને ખબર છે કે લોન લેતી વખતે તમારે કઈ ૪ વાતોનું ધ્યાન રાખવું જોઈએ? કારણ કે તમારી એક નાનકડી ભૂલ તમને મુશ્કેલીમાં મૂકી શકે છે. તો ચાલો જાણીએ લોન લેતી વખતે તમારે કઈ વાતોનું ધ્યાન રાખવું જોઈએ.
આ ભૂલોથી બચીને રહો:-
નિયમો અને શરતો પહેલા વાંચો, પછી સાઇન કરો
જ્યારે પણ તમે લોન લો ત્યારે તમે જોયું હશે કે તમને ઘણા નિયમો અને શરતો બતાવવામાં આવે છે, જે તમારી લોન સાથે જોડાયેલી હોય છે. એવામાં તમારે આ તમામને ધ્યાનથી પહેલા વાંચી લેવા જોઈએ. જ્યારે તમને આ સમજાય અને આમાં એવું કંઈ ન હોય જે તમને ભવિષ્યમાં મુશ્કેલી કરી શકે તેમ હોય, તો તેના વિશે બેંક સાથે વાત કરો. જ્યારે બધી બાબતો સમજાય ત્યારે જ સાઇન કરો. નહીંતર આ તમને આગળ જતાં મુશ્કેલી કરી શકે છે.
બ્રોકરથી બચીને રહો
ઘણા લોકોને વધુ લોન જોઈતી હોય છે અથવા કોઈનો સિબિલ સ્કોર ઓછો હોય છે અથવા તો અન્ય કારણોસર પણ ઘણા લોકો બ્રોકર દ્વારા લોન લે છે. આમાં કંઈ ખોટું તો નથી, પરંતુ તમારે આ દરમિયાન કેટલીક વાતોનું ધ્યાન રાખવાનું છે. જેમ કે, પ્રયત્ન કરો કે લોન સીધી બેંકમાંથી લો જેમાં તમારા ઘણા પૈસા અને બ્રોકરને આપવાનું કમિશન બચી જાય છે, ક્યારેય પણ બ્રોકરને પહેલા પૈસા ન આપો, કોઈપણ પ્રકારની પેમેન્ટ ત્યારે જ કરો જ્યારે તમને લોન મળી જાય વગેરે. જો તમે એવું નથી કરતા, તો તમે મુશ્કેલીમાં પડી શકો છો.
તુલના કરવી જરૂરી
જો તમે કોઈ બેંકમાંથી લોન લઈ રહ્યા છો તો તમારે એક વાતનું ધ્યાન રાખવાનું છે કે તમામ બેંકોમાં લોન વિશે તપાસ કરો. ઘણીવાર આપણું જે બેંકમાં એકાઉન્ટ હોય છે આપણે તેમાં જ તપાસ કરીએ છીએ, પરંતુ જો તમે બાકીની બેંકોમાં પણ લોન વિશે તપાસ કરો છો તો બની શકે છે કે તમને વ્યાજ દર ઓછો મળી જાય જેનાથી તમારી લોનની EMI ઓછી થઈ જાય છે. તેથી તમામ બેંકોના વ્યાજ દરની તુલના જરૂર કરો.
થર્ડ પાર્ટી એપ નહીં બેંક
આજકાલ લોકો મોટી લોન નહીં પરંતુ, પર્સનલ લોન અથવા અનેક પ્રકારની થોડા હજારોની પણ નાની-મોટી લોન લેતા રહે છે. આના માટે વળી ઘણી એપ હાજર છે, પરંતુ શું એપ સાચી છે? ક્યાંક કોઈ એપ તમારો ડેટા ચોરીને તમારી સાથે ફ્રોડ તો નથી કરવાની ને? હકીકતમાં, ઘણી એપ અને તેનાથી જોડાયેલા કિસ્સાઓ સામે આવી ચૂક્યા છે જેમાં લોકો લોન પરત કરવામાં જો મોડું કરે છે તો તેમને ડરાવવામાં-ધમકાવવામાં આવે છે અને તેમની સોશિયલ મીડિયા અથવા પરિવારો વચ્ચે બદનામી કરવામાં આવે છે વગેરે. તેથી પ્રયત્ન કરો કે તમારી બેંકમાંથી અથવા તમારી બેંકની એપ દ્વારા જ લોન લો નહીં કે કોઈ થર્ડ પાર્ટી એપથી.
