Link UAN with Aadhaar: એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ આધારને UAN સાથે લિંક કરવાનું અનિવાર્ય કરી દીધું છે. જો તમે પીએફ વિડ્રોઅલ, ઈ-નોમિનેશન અથવા એકાઉન્ટ ટ્રાન્સફર જેવી સુવિધાઓનો લાભ કોઈ પણ પરેશાની વગર લેવા માંગતા હોવ, તો આધાર લિંક હોવું ખૂબ જ જરૂરી છે. જો આધાર લિંક નહીં હોય, તો તમારી EPF સર્વિસ અને ફાયદાઓ અટકી શકે છે અથવા તેમાં વિલંબ થઈ શકે છે. જાણકારી માટે જણાવી દઈએ કે, આધારને UAN સાથે લિંક ઓનલાઇન અને ઓફલાઇન બંને રીતે કરી શકાય છે. આ કડીમાં આજે અમે તમને ઓનલાઇન પ્રોસેસ જણાવવા જઈ રહ્યા છીએ, જેની મદદથી તમે ઘરે બેઠા જ તમારા આધાર કાર્ડને UAN સાથે લિંક કરી શકો છો…
આધાર સાથે UAN લિંક કરવાની ઓનલાઇન સ્ટેપ બાય સ્ટેપ પ્રોસેસ
સ્ટેપ ૧- સૌથી પહેલા EPFO Member Portal ની સત્તાવાર વેબસાઇટ https://unifiedportal-mem.epfindia.gov.in પર જાઓ.
સ્ટેપ ૨- ત્યારબાદ UAN નંબર અને પાસવર્ડથી લોગ-ઈન કરો. જો તમે પહેલીવાર કરી રહ્યા હોવ તો તમારે પહેલા UAN એક્ટિવેટ કરવું પડશે.
સ્ટેપ ૩- લોગ-ઈન કર્યા પછી ‘Manage’ ટેબ પર જાઓ અને ‘KYC’ પર ક્લિક કરો.
સ્ટેપ ૪- પછી તમારો સાચો આધાર નંબર અને નામ દાખલ કરો.
સ્ટેપ ૫- UIDAI દ્વારા વેરિફિકેશન કરવામાં આવશે અને બે દિવસમાં સ્ટેટસ ‘Verified’ દેખાશે.
બે દિવસનો સમય લાગી શકે છે
સબમિટ કર્યા પછી તમારી આધાર જાણકારી UIDAI પાસે વેરિફિકેશન માટે મોકલવામાં આવે છે. જો બધું બરાબર હોય, તો સામાન્ય રીતે બે દિવસની અંદર તમારા કેવાયસી એકાઉન્ટમાં આધાર ‘Verified’ દેખાવા લાગે છે. તમે ઈચ્છો તો પોર્ટલ પર જઈને ચેક પણ કરી શકો છો કે વેરિફિકેશન પૂરું થયું છે કે નહીં.
ઓફલાઇન પ્રોસેસ માટે શું કરવું?
ઓફલાઇન રીતે આધારને UAN સાથે લિંક કરવા માટે તમારે તમારી નજીકની EPFO ઓફિસ જવું પડશે. અહીં તમે ભરેલું આધાર સીડિંગ ફોર્મ અને તમારા UAN, પાન અને આધાર કાર્ડની સેલ્ફ-એટેસ્ટેડ ફોટોકોપી સાથે લઈ જાઓ. આ ડોક્યુમેન્ટ્સ અધિકારીને જમા કરાવો, જે તમારી એપ્લિકેશન પ્રોસેસ પૂરી કરશે. આધાર લિંક થયા પછી તમને SMS દ્વારા જાણ કરવામાં આવશે.
