LPG e-KYC Online Guide: સરકારે દેશના કરોડો ઘરેલું LPG (રસોઈ ગેસ) ગ્રાહકો માટે એક મહત્વપૂર્ણ સૂચના જારી કરી છે. પેટ્રોલિયમ અને કુદરતી ગેસ મંત્રાલયે તમામ ઘરેલું ગેસ ગ્રાહકોને તેમની e-KYC (ઈલેક્ટ્રોનિક KYC) વહેલી તકે પૂર્ણ કરવા જણાવ્યું છે. સરકારના જણાવ્યા અનુસાર, e-KYC આધારના બાયોમેટ્રિક વેરિફિકેશન દ્વારા કરવામાં આવે છે. તેનો હેતુ એ સુનિશ્ચિત કરવાનો છે કે ગેસ કનેક્શન સાચા ગ્રાહકો દ્વારા જ ઉપયોગમાં લેવાય અને નકલી કે ખોટો ઉપયોગ અટકાવી શકાય.
આ સલાહ અત્યારે કેમ આપવામાં આવી?
તાજેતરમાં કેટલાક વિસ્તારોમાં LPG સિલિન્ડરની ઉપલબ્ધતાને લઈને ચિંતા વધી છે. મધ્ય પૂર્વ (Middle East) માં વધતા તણાવને કારણે વૈશ્વિક ઉર્જા પુરવઠો પ્રભાવિત થયો છે. આ જ કારણ છે કે સરકાર ઈચ્છે છે કે ગેસ વિતરણ પ્રક્રિયા પારદર્શક અને સરળ બની રહે.
e-KYC કેમ જરૂરી છે?
સરકારનું માનવું છે કે e-KYC પૂર્ણ થવાથી ગેસ વિતરણમાં છેતરપિંડી ઘટશે, સિસ્ટમ વધુ કાર્યક્ષમ બનશે અને ગ્રાહકોને ગેસ મેળવવામાં કોઈ મુશ્કેલી પડશે નહીં.
सभी घरेलू #LPG उपभोक्ताओं को बायोमेट्रिक आधार प्रमाणीकरण (e-KYC) कराना अनिवार्य है।
e-KYC प्रक्रिया निःशुल्क, सरल और सुविधाजनक है।
इसे आप घर बैठे अपने स्मार्टफोन से कुछ ही मिनटों में पूरा कर सकते हैं।
बायोमेट्रिक आधार प्रमाणीकरण (e-KYC) प्रारंभ करने एवं विस्तृत जानकारी के लिए… pic.twitter.com/LIxorWzuBr
— Ministry of Petroleum and Natural Gas #MoPNG (@PetroleumMin) March 10, 2026
e-KYC કેવી રીતે પૂર્ણ કરવું?
પેટ્રોલિયમ મંત્રાલયે જણાવ્યું છે કે e-KYC બિલકુલ મફત અને ખૂબ જ સરળ છે. તમે તેને તમારા મોબાઈલથી ઘરે બેઠા પણ કરી શકો છો. આ પ્રક્રિયાથી ગ્રાહકની ઓળખની પુષ્ટિ કરવી, ગેસ કનેક્શન સંબંધિત સાચી માહિતી રેકોર્ડ કરવી અને નકલી કનેક્શન રોકવા જેવા કામો સરળ બનશે.
ઓનલાઇન e-KYC કરવાની રીત:
તમારી ગેસ કંપનીની (Indane, HP અથવા Bharat Gas) મોબાઇલ એપ ડાઉનલોડ કરો.
એપ ખોલો અને લોગિન કરો, ત્યારબાદ e-KYC ઓપ્શન પસંદ કરો.
e-KYC માટે તમારે Aadhaar FaceRD એપ પણ ડાઉનલોડ કરવી પડશે.
આ એપની મદદથી તમારા ચહેરાનું બાયોમેટ્રિક વેરિફિકેશન કરવામાં આવશે.
તમારી ઓળખ વેરીફાય થઈ જશે અને e-KYC સફળતાપૂર્વક પૂર્ણ થઈ જશે.
