Nyaya Setu chatbot: શું તમે કોઈ પ્રોપર્ટી વિવાદનો સામનો કરી રહ્યા છો? અથવા છૂટાછેડા અને પારિવારિક બાબતોમાં કાનૂની સલાહ શોધી રહ્યા છો, પરંતુ વકીલોની ભારે ફી અને કોર્ટના ધક્કાથી ડરો છો? હવે તમારી આ સમસ્યાઓનું સોલ્યુશન તમારા વોટ્સએપ પર હાજર છે. હકીકતમાં ભારત સરકારે સામાન્ય નાગરિકોની મદદ માટે ‘ન્યાય સેતુ’ (Nyaya Setu) નામનું એક શક્તિશાળી AI ચેટબોટ લોન્ચ કર્યું છે. તે કાનૂની સેવાઓને દરેક ઘર સુધી પહોંચાડવા માટે એક ડિજિટલ સેતુનું કામ કરશે.
શું છે ન્યાય સેતુ?
ન્યાય સેતુ એક ઇન્ટરેક્ટિવ ચેટબોટ છે, જેને ખાસ કરીને એવા લોકો માટે ડિઝાઇન કરવામાં આવ્યું છે જેમને કાનૂની સહાયની જરૂર છે. આ સર્વિસ એકદમ ફ્રી છે અને તમારા ફોન પર એક સિમ્પલ મેસેજ દ્વારા ઉપલબ્ધ છે.
अब केस की जानकारी पाना हुआ और भी आसान! न्याय सेतु के साथ अपने केस की पल-पल की अपडेट सीधे अपने फोन पर पाएं। बस अपना मोबाइल या केस नंबर दर्ज करें और पारदर्शिता के साथ न्याय की दिशा में आगे बढ़ें।#DidYouKnow#NyayaSetu #DoJ#AIforJustice #DigitalIndia pic.twitter.com/ODhlu5VzT4
— Ministry of Law and Justice (@MLJ_GoI) January 4, 2026
કઈ બાબતોમાં મળશે મદદ?
આ ચેટબોટ ઘણી મોટી અને નાની કાનૂની બાબતો પર સલાહ આપે છે, જેમાં સામેલ છે:
જમીન-મિલકત સાથે જોડાયેલા દસ્તાવેજો અને હકની જાણકારી.
લગ્ન સંબંધી વિવાદો, ભરણપોષણ અને કસ્ટડી જેવા મુદ્દાઓ.
છેતરપિંડી અથવા ખરાબ સર્વિસ વિરુદ્ધ ફરિયાદ કેવી રીતે કરવી.
એફઆઈઆર (FIR) નોંધાવવાથી લઈને કાનૂની સહાય ક્લિનિક્સ સુધીની માહિતી.
કેવી રીતે કામ કરે છે ન્યાય સેતુ?
તમારે બસ સરકારના ઓફિશિયલ નંબર (7217711814) પર ‘Hi’ લખીને મોકલવાનું રહેશે.
ચેટબોટ તમારી પાસેથી તમારી ભાષા અને સમસ્યા વિશે પૂછશે.
ત્યારબાદ તે તમને સ્ટેપ-બાય-સ્ટેપ લીગલ પ્રોસેસની જાણકારી આપશે.
ન્યાય સેતુ ચેટબોટના ફાયદા
કોઈ એપ ડાઉનલોડ કરવાની જરૂર નથી, સીધું વોટ્સએપ પર ઉપલબ્ધ છે.
અટપટા કાનૂની શબ્દોને સરળ ભાષામાં સમજાવે છે.
તમારી વાતચીત સુરક્ષિત રહે છે.
કોર્ટ કે વકીલ પાસે જતા પહેલા પ્રાથમિક જાણકારી ઘરે બેઠા મળી જાય છે.
