Online Hotel Booking Scam: આજકાલ લગભગ દરેક વસ્તુ આસાનીથી મિનિટોમાં જ ઓનલાઇન બુક થઈ જાય છે. પછી ભલે તે ખાવાનું હોય, ટિકિટ હોય કે પછી જરૂરિયાતનો સામાન હોય. એટલે કે દરેક વસ્તુ હવે આપણે ઘરે બેઠા જ બુક કરી શકીએ છીએ. ઓનલાઇન બુકિંગ ભલે આપણો સમય બચાવે છે, પરંતુ તેની સાથે જ ઓનલાઇન સ્કેમનો ખતરો પણ ઝડપથી વધ્યો છે. આજના સમયમાં ઓનલાઇન સ્કેમ એટલું વધી ગયું છે કે આપણી એક ખોટી ક્લિક આપણને ભારે પડી શકે છે.
જો તમે ફરવાના શોખીન છો તો તમે ઘણી વાર જોયું હશે કે જ્યારે આપણે ઓનલાઇન હોટલ બુકિંગ કરીએ છીએ. તે સમયે ઘણા ભારે ડિસ્કાઉન્ટ જેટલા આકર્ષક લાગે છે, પરંતુ તેટલા જ જોખમી પણ હોય છે. સ્કેમર્સ અવારનવાર નકલી વેબસાઇટ્સ અને ખૂબ જ સારી ઓફર્સ બતાવીને લોકોને પોતાની જાળમાં ફસાવી લે છે. આનાથી તમને ભારે નુકસાન થઈ શકે છે, તેથી સસ્તી ઓફર્સના ચક્કરમાં ઉતાવળ ન કરશો.
Online hotel booking में सबसे बड़ा खतरा अब fake websites बन चुकी हैं, जो बिल्कुल real platforms जैसी दिखती हैं और यहीं users गलती कर बैठते हैं
Fraudsters जानबूझकर भारी discounts और “limited offer” जैसे triggers का इस्तेमाल करते हैं, ताकि आप बिना verify किए जल्दी decision लें
कई… pic.twitter.com/o39PxAuOMv
— CyberDost I4C (@Cyberdost) May 1, 2026
કેવી રીતે થાય છે ઓનલાઇન હોટલ બુકિંગ સ્કેમ?
ઓનલાઇન હોટલ બુકિંગમાં સૌથી મોટો ખતરો નકલી વેબસાઇટ્સથી છે, જે દેખાવમાં તો બિલકુલ અસલી પ્લેટફોર્મ જેવી દેખાય છે. જેના કારણે લોકો આને ઓળખી શકતા નથી અને તેમનાથી ભૂલ થઈ જાય છે. સ્કેમર્સ મોટે ભાગે ભારે ડિસ્કાઉન્ટ અને લિમિટેડ ઓફર જેવી લાલચનો ઉપયોગ કરે છે, જેથી લોકો વધુ તપાસ કર્યા વગર જલ્દી પેમેન્ટ કરી દે. ધ્યાન રાખો ઘણી વાર આ લિંક્સ ગૂગલની સ્પોન્સર્ડ એડ્સ દ્વારા પણ બતાવવામાં આવે છે. લોકોને અસલી સ્કેમ ત્યારે ખબર પડે છે જ્યારે પેમેન્ટ થઈ જાય છે અને તેમને હોટલ બુકિંગનો કોઈ રેકોર્ડ જ મળતો નથી.
જાણો કેવી રીતે રહેશો સુરક્ષિત?
તમે હંમેશા ટ્રસ્ટેડ અને ફેમસ બુકિંગ પ્લેટફોર્મનો ઉપયોગ કરો.
કોઈ પણ પ્રકારની સ્પોન્સર્ડ અથવા તો અજાણી લિંક પર ભરોસો ન કરો.
આની સાથે જ હોટલની ઓફિશિયલ વેબસાઇટ પર જઈને ચોક્કસ ક્રોસ ચેક કરો.
જો તમને ખૂબ જ વધારે સસ્તી ઓફર દેખાઈ રહી હોય તો તેના પર ખૂબ જ જલ્દી વિશ્વાસ ન કરો.
જો સાયબર સ્કેમ થઈ જાય તો શું કરવું?
જો તમે ઓનલાઇન હોટલ બુકિંગ સ્કેમનો શિકાર બની જાઓ છો તો તરત જ 1930 પર કોલ કરો.
આની સાથે જ તમે cybercrime.gov.in પર જઈને ફરિયાદ નોંધાવી શકો છો.
ધ્યાન રાખો હંમેશા ઓનલાઇન કંઈ પણ બુક કરતી વખતે સાવધાની રાખો અને ઉતાવળમાં કંઈ ન કરો.
