RailOne App Ticket Transfer: ભારતીય રેલવેએ UTS (અનરક્ષિત ટિકિટ પ્રણાલી) એપ પર માસિક લોકલ ટ્રેન પાસ બુક કરવાનો ઓપ્શન હટાવી દીધો છે અને મુસાફરોને પાસ સંબંધિત સર્વિસ માટે નવા RailOne પ્લેટફોર્મ પર જવા માટે નિર્દેશ આપ્યો છે. માન્ય પાસ મુસાફરો ચેકિંગ દરમિયાન UTS એપ દ્વારા પોતાનો પાસ બતાવી શકે છે, પરંતુ પ્લેટફોર્મ પર હવે નવા પાસ ખરીદી શકાશે નહીં. તમામ પાસ સંબંધિત સર્વિસ માટે હવે મુસાફરોને RailOne પર જવા માટે કહેવામાં આવી રહ્યું છે, જોકે UTS અનરક્ષિત ટિકિટ બુકિંગની સુવિધા આપવાનું ચાલુ રાખશે.
UTS એપ 1 માર્ચથી બંધ થવાની અફવા છે, જેને લઈને કહેવામાં આવી રહ્યું છે કે તેને RailOne એપથી બદલી દેવામાં આવશે. જોકે, અત્યાર સુધી કોઈ સત્તાવાર સરકારી જાહેરનામું બહાર પાડવામાં આવ્યું નથી. યુઝર્સે X પર UTS એપ પર ‘ટિકિટ ટ્રાન્સફર’ ઓપ્શન વિશે જણાવ્યું છે. આનાથી સીઝન ટિકિટ અને વોલેટમાં રહેલા પૈસાને RailOne એપમાં ટ્રાન્સફર કરી શકાય છે.
તમને જણાવી દઈએ કે ડિજિટલ પેમેન્ટને પ્રોત્સાહન આપવા માટે રેલ મંત્રાલયે RailOne એપ દ્વારા ખરીદવામાં આવેલી અનરક્ષિત ટિકિટો પર 3% ડિસ્કાઉન્ટ શરૂ કર્યું છે. આ સ્કીમ 14 જાન્યુઆરીથી 14 જુલાઈ સુધી ચાલશે. RailOne એપ્લિકેશન હવે ગૂગલ પ્લે સ્ટોર અને એપલ એપ સ્ટોર બંને પર ઉપલબ્ધ છે. એક જ ડિજિટલ પ્લેટફોર્મ ઘણી રેલવે સર્વિસ એકસાથે પૂરી પાડે છે. આમાં માસિક પાસ બુક કરવા, રિઝર્વેશન અને રિઝર્વેશન વગરની ટિકિટ ખરીદવી, રિફંડ, ભોજન ઓર્ડર કરવું, ટ્રેન સર્ચ કરવી અને PNR સ્ટેટસ ચેક કરવું સામેલ છે. પાસ ધારકોએ RailOne પર પૂરી રીતે નિર્ભર થતા પહેલા જ પોતાનું ટ્રાન્સફર કરી લેવું જોઈએ. હાલમાં UTS હજુ પણ અસ્તિત્વમાં છે, પરંતુ તેનું મહત્વ ઓછું થઈ રહ્યું છે.
UTS થી RailOne માં સીઝન પાસ કેવી રીતે કરવા ટ્રાન્સફર
UTS એપ મુસાફરી ટિકિટના બુકિંગની સુવિધા પૂરી પાડે છે. જોકે, સીઝન પાસને ટ્રાન્સફર કરવો જરૂરી છે. આ પ્રક્રિયા UTS એપ્લિકેશનમાં રહેલા ટ્રાન્સફર ટિકિટ ફીચર દ્વારા થાય છે. આ પ્રક્રિયા ઘણી સરળ છે અને ફક્ત થોડી જ મિનિટોમાં તેને કરી શકાય છે.
UTS એપ ખોલવાની છે અને સ્ક્રીન પર એક ઓન સ્ક્રીન નોટિફિકેશન જોવાનું છે, જેમાં યુઝર્સને RailOne પર જવાનો નિર્દેશ આપવામાં આવ્યો છે. મેસેજમાં આપેલી લિંક પર ટેપ કરીને એપ સ્ટોર પરથી RailOne એપ ડાઉનલોડ કરવાની છે.
સૌથી પહેલા તમારે ટ્રાન્સફર ટિકિટ લિંક શોધવાની છે.
હવે તમારે તમારા એક્ટિવ સીઝન પાસ (માસિક, ત્રિમાસિક અને વાર્ષિક) ની પસંદગી કરવાની છે.
પાસને RailOne એપ્લિકેશન સાથે જોડવા માટે સ્ક્રીન પર આપેલા નિર્દેશોને ફોલો કરવાના છે.
પછી તમારે હાલના ક્રેડિન્શિયલ્સ દ્વારા RailOne પર લોગિન કરવાનું છે અથવા રજિસ્ટ્રેશન પ્રક્રિયા પૂર્ણ કરવાની છે.
તમારા UTS વોલેટનું બેલેન્સ ઓટોમેટિક RailOne માં ટ્રાન્સફર થઈ જશે.
રજિસ્ટ્રેશન પછી સિક્યોરિટી માટે RailOne પર એક MPIN બનાવવાનો છે અને તેનો ઉપયોગ કરવાનો છે.
