Udan Yatri Cafe: મોટાભાગના લોકો આજકાલ હવાઈ મુસાફરી કરે છે, પરંતુ એરપોર્ટ પર મળતા મોંઘા ખોરાકને કારણે તેમને ઘણી મુશ્કેલીનો સામનો કરવો પડે છે. આ બાબતને ધ્યાનમાં રાખીને કેન્દ્રીય નાગરિક ઉડ્ડયન મંત્રી કે. રામમોહન નાયડુએ દેશના 11 હવાઈ મથકો પર ‘ઉડાન યાત્રી કેફે’ (Udan Yatri Cafe) નું ઉદ્ઘાટન કર્યું છે. આનો ઉદ્દેશ્ય મુસાફરોને સસ્તું અને સારું ભોજન ઉપલબ્ધ કરાવવાનો છે. આ કેફેમાં ચા, કોફી, સમોસા, પાણી જેવી વસ્તુઓ માત્ર 10 રૂપિયાથી શરૂ થાય છે, જેથી એરપોર્ટ પર મુસાફરોનો અનુભવ વધુ સારો અને કિફાયતી બની શકે. ચાલો જાણીએ કયા-કયા એરપોર્ટ પર ઉડાન યાત્રી કેફેની શરૂઆત થઈ છે.
આ એરપોર્ટ પર ખૂલ્યું ઉડાન યાત્રી કેફે
કેન્દ્રીય નાગરિક ઉડ્ડયન મંત્રી રામમોહન નાયડુએ 11 એરપોર્ટ પર ઉડાન યાત્રી કેફેનું વર્ચ્યુઅલ ઉદ્ઘાટન કર્યું. જેમાં ચૌધરી ચરણ સિંહ આંતરરાષ્ટ્રીય એરપોર્ટ (લખનૌ), જય પ્રકાશ નારાયણ આંતરરાષ્ટ્રીય એરપોર્ટ (પટના), રાજકોટ આંતરરાષ્ટ્રીય એરપોર્ટ, જમ્મુ એરપોર્ટ, શ્રીનગર આંતરરાષ્ટ્રીય એરપોર્ટ, જયપુર આંતરરાષ્ટ્રીય એરપોર્ટ અને દેવી અહિલ્યાબાઈ હોલકર આંતરરાષ્ટ્રીય એરપોર્ટ (ઇન્દોર) સામેલ છે. આ એરપોર્ટ સિવાય, ઉડાન યાત્રી કેફે પહેલેથી જ કોલકાતા, ચેન્નાઈ, પુણે, વિજયવાડા, ઈટાનગર, ભુવનેશ્વર, સુરત, અમદાવાદ, મુંબઈ, મેંગલુરુ, તિરુવનંતપુરમ અને કોઈમ્બતૂર જેવા એરપોર્ટ પર હાજર છે.
In line with Hon’ble PM’s @narendramodi ji commitment to make air travel more inclusive and dignified, today passenger-centric facilities were inaugurated at 57 airports across the country from Rajkot Airport.
Focused on making every passenger’s flying experience more convenient… pic.twitter.com/7wB0HbTZVp
— Ram Mohan Naidu Kinjarapu (@RamMNK) March 29, 2026
માત્ર આટલા રૂપિયામાં મળશે સમોસા, પાણીની બોટલ અને કોફી
ઉડાન યાત્રી કેફેમાં તમે 10 રૂપિયામાં ચા, 20 રૂપિયામાં કોફી, 20 રૂપિયામાં નાસ્તો અને 20 રૂપિયામાં ‘સ્વીટ ઓફ ધ ડે’ ખરીદી શકો છો. આ સાથે જ મેનૂમાં નાસ્તો અને મીઠાઈ દરેક એરપોર્ટ અને સ્થાનિક સ્વાદ મુજબ અલગ-અલગ હોય છે. આના કારણે પુણે એરપોર્ટ પર વડા પાઉં, ચેન્નાઈ એરપોર્ટ પર વડઈ, કોઈમ્બતૂર એરપોર્ટ પર મેધુ વડા અને વિજયવાડા એરપોર્ટ પર કચોરી કે પેટીસ મળે છે.
આ સુવિધાઓની પણ થઈ શરૂઆત
ઉડાન યાત્રી કેફે ઉપરાંત મુસાફરોની સુવિધા માટે અન્ય ઘણી સુવિધાઓની પણ શરૂઆત કરવામાં આવી છે. એરપોર્ટ પર ‘ફ્લાયબ્રેરી’ (Flybrary) નું ઉદ્ઘાટન પણ કરવામાં આવ્યું, જે મુસાફરો માટે એક ફ્રી લાઈબ્રેરી છે. સાથે જ એરપોર્ટ પર બાળકો માટે ખાસ ‘કિડ્સ ઝોન’ બનાવવામાં આવ્યા છે અને ‘અવસર’ (AVSAR) આઉટલેટ્સ પણ શરૂ કરવામાં આવ્યા છે, જેમાં SHG (સ્વ-સહાય જૂથો) ના ઉત્પાદનોને પ્રોત્સાહન આપવામાં આવી રહ્યું છે.
