COVID-19 Origin controversy: કોરોના મહામારી (Covid-19) એ સમગ્ર વિશ્વને હચમચાવી નાખ્યું હતું, પરંતુ આ વાયરસ ક્યાંથી આવ્યો અને તેને ફેલાવવામાં કોનો હાથ હતો, તે અંગે આજે પણ અવારનવાર ચોંકાવનારા ખુલાસા થતા રહે છે. તાજેતરમાં અમેરિકાના નેશનલ ઈન્ટેલિજન્સના પૂર્વ ચીફ તુલસી ગબાર્ડે એક એવો દાવો કર્યો છે, જેનાથી વૈશ્વિક સ્તરે હડકંપ મચી ગયો છે.
અમેરિકાના પ્રમુખ જો બાઈડેનના પૂર્વ ચીફ મેડિકલ એડવાઈઝર એન્થની ફૌસી પર એવો ગંભીર આરોપ લગાવવામાં આવ્યો છે કે, તેમણે કોરોના વાયરસ ફેલાવનારી ચીનની વુહાન લેબને (Wuhan Lab) લાખો ડોલરનું ફંડિંગ પૂરું પાડ્યું હતું.
તુલસી ગબાર્ડના સનસનીખેજ આરોપો
અમેરિકાના ડાયરેક્ટર ઓફ નેશનલ ઈન્ટેલિજન્સ પદેથી રાજીનામું આપતી વખતે તુલસી ગબાર્ડે કેટલાક એવા દસ્તાવેજો જાહેર કર્યા છે જે અત્યાર સુધી ક્યારેય બહાર આવ્યા નહોતા. તેમના જણાવ્યા અનુસાર:
વુહાન લેબને લાખો ડોલરની મદદ: વર્ષ 2019-20 દરમિયાન, જ્યારે દુનિયામાં કોરોના વાયરસ ફેલાઈ રહ્યો હતો, ત્યારે એન્થની ફૌસીએ વુહાન ઈન્સ્ટિટ્યૂટ ઓફ વાયરોલોજી (WIV) ખાતે ચામાચીડિયા પર કોરોના વાયરસના ખતરનાક ‘ગેઈન-ઓફ-ફંક્શન’ રિસર્ચ માટે અમેરિકી કરદાતાઓના લાખો ડોલર આપ્યા હતા.
ખોટી માહિતી આપવાનો આરોપ:નિવેદન પ્રમાણે, ફૌસીએ અમેરિકી સંસદમાં શપથ હેઠળ ખોટું બોલ્યા હતા અને વાયરસ રિસર્ચ વિશે પોતાની સંડોવણી હોવાનો ઈનકાર કર્યો હતો.
શું છે આ સમગ્ર વિવાદ?
અમેરિકામાં જ્યારે કોરોના સામેની લડાઈ શરૂ થઈ, ત્યારે તેની રણનીતિનું નેતૃત્વ કરનારા મુખ્ય ચહેરાઓમાં એન્થની ફૌસી સામેલ હતા. જોકે, આરોપ છે કે તેમણે નેશનલ ઈન્સ્ટિટ્યૂટ ઓફ એલર્જી એન્ડ ઈન્ફેક્શિયસ ડિસીઝ (NIAID) ના વડા તરીકેના પોતાના 38 વર્ષના કાર્યકાળ દરમિયાન આ જોખમી વાયરસ રિસર્ચ માટે ફંડિંગ મંજૂર કર્યું હતું.
એટલું જ નહીં, ખુલાસામાં એવું પણ કહેવાયું છે કે વુહાન લેબમાંથી વાયરસ લીક થવાના સત્યને દબાવી રાખવા અને ઇન્ટેલિજન્સ કોમ્યુનિટીના મૂલ્યાંકનને પ્રભાવિત કરવા માટે રાજકારણ ખેલાયું હતું. અમેરિકાના કોરોના નિષ્ણાતો પર દબાણ લાવીને આ ખતરનાક સંશોધનને છુપાવવાનો પ્રયાસ પણ કરવામાં આવ્યો હોવાનો દાવો આ અહેવાલમાં કરાયો છે.
આ નવા દસ્તાવેજો સામે આવ્યા બાદ હવે વૈશ્વિક સ્તરે ફરી એકવાર કોરોના વાયરસના ઓરિજિન (મૂળ) અને અમેરિકા-ચીનના જોડાણ અંગે નવી ચર્ચા અને વિવાદોએ જોર પકડ્યું છે.
Corona Virus Wuhan Lab Gujarati News, Tulsi Gabbard Anthony Fauci Controversy, Wuhan Lab Funding America, Covid-19 Origin News in Gujarati, Gain of Function Research Coronavirus, US National Intelligence Report Corona
