Canada PR Updates: ભારતીય સ્ટુડન્ટ્સ અને વર્કર્સ માટે PR મેળવવું કેમ મુશ્કેલ બની શકે?
Canada PR Updates: કેનેડામાં પરમેનન્ટ રેસિડન્સી (PR) મેળવવાની પ્લાનિંગ કરી રહેલા ભારતીયોને કેનેડિયન સરકાર તરફથી ઝટકો લાગ્યો છે. કેનેડાએ 2026માં PR આપવા માટે જે ટાર્ગેટ સેટ કર્યો હતો, હાલમાં તેનાથી ઘણું પાછળ ચાલી રહ્યું છે. કેનેડાએ 2026ના પહેલા છ મહિનામાં 1,82,100 લોકોને પરમેનન્ટ રેસિડન્સી આપી, જ્યારે તેણે આ વર્ષે 3,80,000 લોકોને PR આપવાનો ટાર્ગેટ રાખ્યો છે. અત્યાર સુધી સરકાર ટાર્ગેટના માત્ર 40.8% લોકોને જ PR આપી શકી છે.
CICના રિપોર્ટ મુજબ, PRના આંકડામાં કેનેડાના રેગ્યુલર ઇમિગ્રેશન પ્રોગ્રામ મારફતે આપવામાં આવેલી પરમેનન્ટ રેસિડન્સીની સાથે-સાથે ‘સુરક્ષિત લોકો’ અને કેનેડામાં કામ કરતા લોકો માટે શરૂ કરવામાં આવેલી બે વન-ટાઇમ પહેલ હેઠળ આવેલા લોકોનો પણ સમાવેશ થાય છે. કેનેડાએ 1 જાન્યુઆરીથી 30 જૂન વચ્ચે 1,55,800 લોકોને PR આપી. આ સંખ્યા 1,90,000ના તે આંકડા કરતાં 34,200 ઓછી હતી, જે વાર્ષિક ટાર્ગેટ પૂર્ણ કરવા માટે વર્ષના અડધા સમય સુધી હાંસલ કરવી જરૂરી હતી.
ભારતીય વર્કર્સ માટે મુશ્કેલી શું છે?
- ભારતીય વર્કર્સ માટે આ ડેટાનો અર્થ છે કે જો તેઓ ઇકોનોમિક કેટેગરીના રસ્તે PR મેળવવા માંગે છે, તો તેમનો વેઇટિંગ ટાઇમ વધવાનો છે.
- ઇકોનોમિક કેટેગરીમાં એક્સપ્રેસ એન્ટ્રી અને પ્રોવિન્શિયલ નોમિની પ્રોગ્રામ (PNP) સામેલ છે. ભારતીયોને સૌથી વધુ PR આ બંને પ્રોગ્રામ દ્વારા મળે છે.
- હાલમાં કેનેડિયન સરકાર PR આપવાના પોતાના ટાર્ગેટથી પાછળ ચાલી રહી છે. આ કારણે જે ભારતીય વર્કર્સને આ વર્ષે PR મળવાનું હતું, તેમનો વેઇટિંગ ટાઇમ વધી ગયો છે.
- PR મળવામાં વિલંબને કારણે મોટાભાગના ભારતીય વર્કર્સને વિઝા એક્સટેન્શન લેવાની જરૂર પડી શકે છે. તેનાથી તેમનો વધારાનો ખર્ચ પણ વધી જશે.
2026માં કેનેડા ટાર્ગેટથી પાછળ કેમ છે?
કેનેડાએ 2026 અને 2027 માટે બે ખાસ પહેલ (ઇનિશિયેટિવ) શરૂ કરી છે, જેમાં દેશમાં પહેલેથી રહેતા ‘પ્રોટેક્ટેડ પર્સન’ (સુરક્ષિત વ્યક્તિ) અને કેટલાક ખાસ વર્કર સામેલ છે. સરકારે 2026 માટે આ પહેલો હેઠળ 46,000 ‘પ્રોટેક્ટેડ પર્સન’ અને 20,000 ‘ઇન-કેનેડા વર્કર’ (દેશમાં હાજર વર્કર)નો ટાર્ગેટ રાખ્યો છે. 30 જૂન સુધી, IRCCએ 15,000 ‘પ્રોટેક્ટેડ પર્સન’ અને 11,300 ‘ઇન-કેનેડા વર્કર’ને મંજૂરી આપી દીધી હતી.
આ મંજૂરીઓ લોકોને પરમેનન્ટ રેસિડન્સી આપવાના રેગ્યુલર ટાર્ગેટ ઉપરાંત છે, જેના કારણે 2026 માટે કેનેડાનો કુલ અસરકારક ટાર્ગેટ 4,46,000 થઈ જાય છે. જૂનના અંત સુધીમાં, કુલ મંજૂરીઓની સંખ્યા 1,82,100 હતી, જેનો અર્થ છે કે કેનેડા આખા વર્ષના ટાર્ગેટને પૂર્ણ કરવા માટે જરૂરી ગતિથી પાછળ ચાલી રહ્યું છે. તેની પાછળનું એક કારણ ક્યાંકને ક્યાંક PR ટાર્ગેટમાં વધારો છે.
IRCCએ એ પણ જણાવ્યું કે 2026ના પ્રથમ છ મહિનામાં ક્વિબેકની બહાર PR મેળવનારા 12,400 લોકો ફ્રેન્ચ બોલનારા અથવા બે ભાષાઓ (ફ્રેન્ચ અને અંગ્રેજી) જાણનારા હતા. કેનેડાએ આ ગ્રુપ માટે લક્ષ્ય રાખ્યું છે કે 2026માં ક્વિબેકની બહાર સ્થાયી નિવાસ મેળવનારાઓમાં તેમનો હિસ્સો 9% હોય.
