ASUS Ascent GX10: ASUS નું નવું પાવરહાઉસ: ભારતમાં લૉન્ચ થયુ ડેસ્કટૉપ AI સુપરકમ્પ્યુટર ‘Ascent GX10’; કિંમત ₹૪.૫૦ લાખ

ASUS Ascent GX10: જાણીતી કંપની ASUS એ ભારતમાં ડેસ્કટોપ AI સુપરકમ્પ્યુટર ‘Ascent GX10’ લોન્ચ કર્યું છે. આ સુપરકમ્પ્યુટરને ખાસ કરીને ડેવલપર્સ, AI રિસર્ચર્સ અને ડેટા સાયન્ટિસ્ટ્સ માટે બનાવવામાં આવ્યું છે. સામાન્ય રીતે સુપરકમ્પ્યુટર મોટા કદના હોય છે, પરંતુ Ascent GX10 કદમાં કોમ્પેક્ટ છે, જેથી તેને નાની જગ્યામાં પણ ઉપયોગ કરી શકાય છે.

કિંમત અને ઉપલબ્ધતા

• કિંમત: ASUS Ascent GX10 ની કિંમત ₹૪,૫૦,૦૦૦ છે.

• ઉપલબ્ધતા: તે ડિસેમ્બરથી ઓથોરાઇઝ્ડ ASUS પાર્ટનર્સ અને રિટેલર્સ પાસે ઉપલબ્ધ થશે.

આ કમ્પ્યુટર સંશોધન અને વિકાસના ક્ષેત્રમાં AI સંબંધિત નવા ઇનોવેશન પર કામ કરવા માટે ઉપયોગી સાબિત થઈ શકે છે.

ASUS Ascent GX10 ના ફીચર્સ અને સ્પેસિફિકેશન્સ

ઉપયોગની ખાસિયતો

• રેમની ક્ષમતા: ૧૨૮GB યુનિફાઇડ LPDDR5x રેમની મદદથી, આ સુપરકમ્પ્યુટર ૨૦૦ પેરામીટર્સ પર કામ કરી શકે છે.

• ડેસ્કટૉપ જેવો ઉપયોગ: તેની ડિઝાઈન એવી છે કે યુઝર ડેસ્કટૉપ તરીકે સરળતાથી ઉપયોગ કરી શકશે.

• મોડેલિંગ: આ સુપરકમ્પ્યુટર પર વિઝન-લેંગ્વેજ મોડેલ જેવા કાર્યો કરી શકાય છે.

• પર્ફોર્મન્સ બૂસ્ટ: તેની બે યુનિટને એકબીજા સાથે કનેક્ટ કરીને સ્પીડ અને પર્ફોર્મન્સને બમણું કરી શકાય છે.

• કનેક્ટિવિટી: તેમાં બ્લૂટૂથ ૫ કનેક્ટિવિટી ઉપરાંત ૩ USB 3.2 Gen 2×2 Type-C પોર્ટ આપવામાં આવ્યા છે.