ત્રણ દિવસમાં ત્રણ હત્યાઓ
અમદાવાદમાં ઉત્તરાયણનો તહેવાર લોહિયાળ રહ્યો. શહેરમાં હત્યા, ચોરી અને લૂંટના બનાવો સતત વધી રહ્યા છે. છેલ્લા ત્રણ દિવસમાં વસ્ત્રાલ, બહેરામપુરા અને વસ્ત્રાપુરમાંથી હત્યાના કેસ નોંધાયા છે. જેમાં વસ્ત્રાલમાં પતિ-પત્ની વચ્ચે થયેલી લડાઈ દરમિયાન દીકરાએ સાવકા પિતા પર ચપ્પુ વડે હુમલો કરીને તેમની હત્યા કરી દીધી હતી. બહેરામપુરામાં, એક બુટલેગરે પૈસા ઉધાર આપવાના વ્યવસાય સાથે સંકળાયેલા એક યુવાનની હત્યા કરી. જ્યારે વસ્ત્રાપુરમાં 75 વર્ષના NRI ની હત્યાની ઘટના પ્રકાશમાં આવી છે. અમદાવાદ શહેરમાં છેલ્લા ત્રણ દિવસમાં હત્યાની ત્રણ ઘટનાઓ બાદ, આરોપીઓને પકડવા માટે શોધખોળ શરૂ કરવામાં આવી છે.
અમદાવાદના વસ્ત્રાલમાં સ્થિત શિવમ આવાસ યોજના બિલ્ડિંગમાં મિનેશ જોશી અને તેની પત્ની વચ્ચે ઝઘડો થયો હતો. આ દરમિયાન, તેનો સાવકો દીકરો અલ્પેશ જોશી ત્યાં પહોંચ્યો અને તેના સાવકા પિતા મિનેશને સમજાવવાનો પ્રયાસ કર્યો. પણ અલ્પેશે જે કહ્યું તે સમજવા, સાંભળવા અને સ્વીકારવાને બદલે, તેણે અલ્પેશને મારવાનું શરૂ કર્યું. જેમ જેમ ઝઘડો વધતો ગયો, તેમ તેમ નજીકમાં લોકોનું ટોળું એકઠું થઈ ગયું. આ દરમિયાન, અલ્પેશે ઘરેથી ચપ્પુ લાવ્યો અને મિનેશના માથા પર માર્યો.
આ દરમિયાન, મિનેશભાઈના પત્નીએ 108 એમ્બ્યુલન્સ બોલાવી અને તેમને હોસ્પિટલ લઈ જવામાં આવ્યા. જ્યાં ડોક્ટરોની ટીમે તેમને મૃત જાહેર કર્યા અને રામોલ પોલીસને જાણ કરી. પોલીસે ઘટનાસ્થળે પહોંચી હત્યાનો ગુનો નોંધીને તપાસ શરૂ કરી હતી.
