બેંકોક, તા.3: વર્લ્ડ ચેમ્પિયનશિપમાં સિલ્વર મેડલ જીતનાર અમિત પંઘાલ વર્લ્ડ ક્વોલીફાય બોક્સિંગ ટૂર્નામેન્ટના ક્વાર્ટર ફાઇનલમાં પહોંચીને પેરિસ ઓલિમ્પિકનો કવોટા હાંસલ કરવામાં સફળ રહ્યો છે.
અમિત પંઘાલે પ1 કિલો વર્ગમાં ચીની મુક્કેબાજ ચુઆંગ લિયૂને પ-0થી હાર આપી હતી. પેરિસ ઓલિમ્પિકમાં ક્વોલીફાય થનારો અમિત પંઘાલ ભારતનો પાંચમો મુક્કેબાજ છે. આ પહેલા નિશાંત દેવ, નિકહત ઝરીન, પ્રીતિ પવાર, લવલીના બોરગોહેન પેરિસની ટિકિટ બૂક કરાવી ચૂક્યા છે.
