APAAR ID Download Guide: અપાર આઈડી (APAAR ID) માટે અરજી કરનારા ઘણા વિદ્યાર્થીઓ આ મૂંઝવણમાં હોય છે કે તેઓ પોતાનું અપાર આઈડી ક્યાંથી અને કેવી રીતે ડાઉનલોડ કરે. આ માટે સૌથી શ્રેષ્ઠ જગ્યા ડિઝિલૉકર (DigiLocker) છે. જોકે, ઘણા વિદ્યાર્થીઓ એવી પણ ફરિયાદ કરે છે કે તેમનું અપાર આઈડી અથવા કોલેજની વિગતો ડિઝિલૉકરમાં જોવા મળતી નથી. આવી સ્થિતિમાં શું કરી શકાય? તેની માહિતી અમે તમને આ લેખમાં આપવાના છીએ. જે લોકોએ ઓનલાઇન અપાર આઈડી ડાઉનલોડ કરવું છે, તેમના માટે આ આર્ટિકલ ખૂબ ઉપયોગી સાબિત થઈ શકે છે.
શું છે અપાર આઈડી?
APAAR ID એ વિદ્યાર્થીઓને આપવામાં આવતી એક ખાસ ઓળખ છે. આમાં વિદ્યાર્થીઓના તમામ શૈક્ષણિક રેકોર્ડ્સ (Educational Records) ને ડિજિટલી સાચવવામાં આવે છે. નવી શિક્ષણ નીતિ (NEP) હેઠળ તમામ વિદ્યાર્થીઓ માટે અપાર આઈડી બનાવવું ફરજિયાત છે. આ કામ ઓનલાઇન અને શાળાઓની મદદથી કરવામાં આવી રહ્યું છે. અપાર આઈડી બનાવવાનો મુખ્ય હેતુ વિદ્યાર્થીઓના તમામ શૈક્ષણિક દસ્તાવેજોને ડિજિટલી સુરક્ષિત કરવાનો છે, જેથી જરૂર પડે ત્યારે ગમે ત્યાંથી તેને મેળવી શકાય.
APAAR ID ને ક્યાંથી ડાઉનલોડ કરવું?
તમારા મોબાઈલમાં ડિઝિલૉકર (DigiLocker) એપ ઇન્સ્ટોલ કરો.
ડિઝિલૉકરમાં તમારું એકાઉન્ટ બનાવો. આ માટે તમારે આધાર કાર્ડ ની જરૂર પડશે.
એકાઉન્ટ બનાવવા અને પિન સેટ કર્યા પછી ‘સર્ચ’ (Search) ઓપ્શનમાં જાઓ.
સર્ચમાં જઈને APAAR ID ટાઈપ કરો.
તમે સર્ચમાં Academic Bank of Credits પણ લખી શકો છો.
ત્યારબાદ તમારે કેટલીક જરૂરી માહિતી આપવાની રહેશે. વિગતો ભર્યા પછી ‘Get Document’ પર ક્લિક કરવાનું રહેશે.
જેવું અપાર આઈડી જનરેટ થશે, તેને ડાઉનલોડ કરવાનો વિકલ્પ આવી જશે.
PDF ફોર્મેટમાં તમારા અપાર આઈડીને સેવ કરી લો.
ડિઝિલૉકરથી નહીં, તો ABC થી કરો ડાઉનલોડ
જો તમારા ફોનમાં ડિઝિલૉકર નથી, તો તમે Academic Bank of Records (ABC) ની વેબસાઇટ પર જઈને પણ તમારું અપાર આઈડી ડાઉનલોડ કરી શકો છો. ત્યાં તમને ‘અપાર આઈડી’ ડાઉનલોડ કરવાનો ઓપ્શન મળશે. તેને ડાઉનલોડ કરવાની સાથે પ્રિન્ટ પણ કરી શકાય છે.
ડિઝિલૉકર કે ABC પર ન હોય તો શું કરવું?
સોશિયલ મીડિયા પ્લેટફોર્મ- રેડિટ પર ઘણા વિદ્યાર્થીઓએ ફરિયાદ કરી છે કે તેમનું અપાર આઈડી ન તો ડિઝિલૉકરમાં છે અને ન તો ABC પર. આ કોઈની પણ સાથે થઈ શકે છે. આવી સ્થિતિમાં વિદ્યાર્થીઓને સલાહ આપવામાં આવે છે કે તેઓ પોતાની કોલેજ અથવા યુનિવર્સિટીનો સંપર્ક કરીને ત્યાંથી અપાર આઈડી મેળવી શકે છે.
